Vologd

	Vologd
Флаг[d]	Герб[d]
	Q19829635?
	59°13′00″ с. ш. 39°54′00″ в. д.GЯO
Valdkund	Venäma;
Глава	Yury Sapozhnikov[d]
Istorii da geografii
Tegemižen päiv	1147
Pind	116;
Высота	120
Aigvö	UTC+3:00[d]
Ekonomik
Eläjad
Eläjad	▲311 859 чел. (2024);
Lugud
Telefonan kod	8172
Počtan indeksad	160000, 160001, 160002, 160004, 160009, 160010, 160011, 160012, 160013, 160014, 160015, 160017, 160019, 160020, 160021, 160022, 160023, 160024, 160025, 160026, 160028, 160029, 160031, 160032, 160033, 160034, 160035, 160555, 160901 и 160999
-
	Официальный сайт(ven.)(angl.)
	lugeda • diskussii • redaktiruida

Lidnan shematine kart

Duman pert' lidnan keskuses

Vologd (ven.: Вологда) om lidn da lidnümbrik Venäman lodehpoles. Se om Vologdan agjan administrativine, tedoline da kul'turine keskuz, mugažo Vologdan rajonan administrativižeks keskuseks (ei ole rajonan palaks).

Oficialižetoi nimi: «Verai Pohjoižmaha».

Istorii

Eländpunkt mainitase ezmäižen kerdan vl 1147 sekundarižiš purtkiš kuti Stroican jumalankodin alusenpanend. Aigan mändes nimitaškanzihe lidnad jogen mödhe. Lidn alištui Uz'lidnan Tazovaldkundale vhesai 1456 formaližikš, tora Tverin, Vladimiran i Moskvan oigenuzidenke jätksi 13. voz'sadaspäi. Vozil 1566−1822 Vologdan kremlin seinäd oliba olmas, nimitihe sidä mugažo Nason-lidnaks (ven.: Насон-город).

Vodel 1782 Vologd linni Vologdan gubernijan keskuseks. Vspäi 1937 Vologd om Vologdan agjan administrativižeks keskuseks.

Geografijan andmused

Lidn sijadase agjan suves, ühtennimižen jogen molembil randoil. Matkad Moskv-pälidnaspäi om 450 kilometrad pohjoižpolehe. Lähembaižed lidnad oma Gräzovec 42 km suvhe «Holmogorid»-avtotedme (M8) vai raudtel, Sokol 42 km pohjoižhe avtotedme vai raudtel i Kadnikov 40 km pohjoižpäivnouzmha M8-avtotedme.

Klimat om ven, sä vajehtub paksus. Paneb sadegid 565 mm vodes, enamba kezal (217 mm) da sügüzel (149 mm). Heinkun keskmäine lämuz om +17,5 C°, vilukun — −10,8 C°. Voden keskmäine lämuz om +3,1 C°. Tal'veline sezon voib olda 5 polenke kud.

Vologdan lidnümbrik om kaikiš suremb agjas eläjiden lugun mödhe — 320 702 ristitud vl 2017. Moločnoje-žilo (7 690 rist. vl 2017) mülüb lidnümbrikho mugažo.

Tobmuz

Lidnan pämez' om Jurii Sapožnikov vs 2016 sügüz'kun 26. päiväspäi. Käskusenandai tobmuz om Lidnan Dum 30 ezitajanke, valitas heid 30 üks'mandatižes valičemižümbrikos. Ezitajiden valdatusiden strok om viž vot. Duman ühtnijoiden järgenduseližed valičendad oliba vn 2014 14. päiväl sügüz'kud.

Radonoigendai tobmuz om Lidnan administracii, kogoneb 7 departamentaspäi. Lidnan administracijan pämez' (mer) radab sen ohjandajaks. Vologdan mer om Sergei Voropanov vs 2017 kül'mkun 23. päiväspäi. Departamentoiden pämehed oma lidnan meran varapämehikš.

Eläjad

Vl 1897 lidnan eläjiden lugu oli 27 705 ristitud, vl 1939 — 95 314 ristitud. Vn 2010 Venäman rahvahanlugemižen mödhe lidnan eläjiden lugu oli 301 755 ristitud, lidnümbrikon — 309 290 ristitud. Kaikiš suremb lidnan ristitišt oli 313 012 eläjad vl 2017.

Rahvahad (2010, ozutadud rahvahudenke): venälaižed — 97,3%, toižed rahvahad — 2,7%.

Professionaližen opendusen aluzkundad oma 12 kolledžad, raudtetransportan^{Vologdan valdkundaline universitet, Vologdan oiktusen da ekonomikan institut (Venäman UTFR), severz'-se filialoid (Valdkundaližen radnikoičendan akademii, Moskvan valdkundaline juridine akademii).}

Ižanduz da transport

Tarkoiged mašiništonsauvomine da transportmašinoiden tehmine, sömtegimišt i kompjuterprogramiden sarak oma šingotadud lidnas. Kaikiš järedambad edheotandoišpäi oma Vologdan optiž-mehanine tegim.

Avtobusad, trolleibusad da taksid oma kundaližeks transportaks lidnas. Lidn om järed raudte- da avtotesol'm Venäman lodehes. Vspäi 2003 avtoümbärten pala om saudud lidnas.

Federaline civiline Vologd-lendimport (VGD / ВГД) sijadase lidnan pohjoižröunanno, 10 km pohjoižhe keskusespäi. Sišpäi tehtas reisid Moskvha, Piterihe, Surhe Ustügha da Čerepovecha.

Tetabad sündnuded

Varlam Šalamov (1907−1982) — oli Nevondkundaližen Ühtištusen prozan kirjutai da runokirjutai.

Sebruzlidnad

Belorussii Vaugedvenäma^[5] (vn 2011 kül'mkuspäi)
Suomenma Suomenma^[5] (vn 2010 uhokuspäi)

Partnörlidnad

Bolgarii Burgas, Bolgarii^[5] (vn 2012 semendkuspäi)
Francii Elankur, Francii^[5] (vn 2010 kezakuspäi)
Kitai Intan', Czänsi, Kitai^[5] (vn 2018 semendkuspäi)
Belorussii Mogilöv, Vaugedvenäma^[5] (vn 2014 elokuspäi)
Francii Strasburg, Francii^[5] (vn 2009 tal'vkuspäi)

Sebruzlidnad enččes

AÜV Nju Gempšir, AÜV (1990-nded voded)
Mad'jaranma Miškol'c, Mad'jaranma (1990-nded voded)
Alamad Zvolle, Alamad (1990-nded voded)

Galerei

Hermitage Hotel.jpg

Lidnan administracijan pert' (merii, 2014), eziauguižešti «Ermitaž»-adivpert'
Вологда. В Кремле.jpg

Vologdan Kremlin südäimes
Spasan Prilukin Dimitrijan mez'jumalankodi vl 2010
Vologdan optiž-mehanine tegim vl 2010
Парковка, ПЗ, РИО. Вид зимой на закате. - panoramio.jpg

Nägu päivlaskmha lidnan röunanno,
RIO-torguindkeskuz i Vologdan pörutügitegim oma tagamal (2011)
Vologdan valdkundaližen universitetan üks' openduzsauvusišpäi
Vologdan oiktusen da ekonomikan institut
«Vologd»-sportpert'kulu
Vologdan muzejan pala — Arhijerein ezitanhan Gavriilan korpus
Transportiž-logistine keskuz Babuškinan torgul: avtostancii (huralpäi kuvan taga), päraudtestancii, počtamt (2009)

Homaičendad

↑ http://vologdaregion.ru/news/2016/9/26/novym-glavoy-vologdy-stal-yuriy-sapozhnikov
↑ ^2,0 ^2,1 http://www.gks.ru/free_doc/2016/oktmo/tom2_oktmo.rar
↑ ^3,0 ^3,1 https://rosstat.gov.ru/storage/mediabank/Сhisl_MO_01-01-2024.xlsx
↑ Vologdan raudtetransportan tehnikuman sait (vtgt.ru). (ven.)
↑ ^5,0 ^5,1 ^5,2 ^5,3 ^5,4 ^5,5 ^5,6 Vologd-lidnan sebruzlidnad Vologd-lidnan administracijan oficialižes portalas (vologda-portal.ru). (ven.)

Irdkosketused

Lidnan Duman oficialine sait (duma-vologda.ru). (ven.)
Lidnan Administracijan oficialine portal (vologda-portal.ru). (ven.) (angl.)

Vologd Vikiaitas

	Vologdan agjan lidnad
	Babajevo \| Belozersk \| Čerepovec \| Gräzovec \| Harovsk \| Kadnikov \| Kirillov \| Krasavino \| Nikol'sk \| Sokol \| Sur' Ustüg \| Tot'm \| Ustüžn \| Vitegr \| Vologd

	Venälaižen Federacijan subjektoiden pälidnad
	Joškar-Ol \| Moskv \| Sur' Uz'lidn \| Tümen' \| Uf \| Ulan Ude \| Ul'janovsk \| Vladikavkaz \| Vladimir \| Vladivostok \| Volgograd \| Vologd \| Voronež

[_51a2a0607607cc79-1] ttp://vologdaregion.ru/news/2016/9/26/novym-glavoy-vologdy-stal-yuriy-sapozhnikov

[_46056e228bbd5108-2] 2,0 ^2,1 http://www.gks.ru/free_doc/2016/oktmo/tom2_oktmo.rar

[_25df692052573b23-3] 3,0 ^3,1 https://rosstat.gov.ru/storage/mediabank/Сhisl_MO_01-01-2024.xlsx

[4] Vologdan raudtetransportan tehnikuman sait (vtgt.ru). (ven.)

[portal-twin-towns-5] 5,0 ^5,1 ^5,2 ^5,3 ^5,4 ^5,5 ^5,6 Vologd-lidnan sebruzlidnad Vologd-lidnan administracijan oficialižes portalas (vologda-portal.ru). (ven.)

[2]

[1]

[3]

[5]