Elankur

Elankur
Герб
48°46′06″ с. ш. 1°56′58″ в. д.
Valdkund	Francii
Глава	Q3168024? da Q3168024?
Istorii da geografii
Pind	8,51
Высота	133
Aigvö	UTC+1[d], летом UTC+2:00[d]
Eläjad
Eläjad	▲25 857 чел. (1 vilukud 2020)
Lugud
Počtan indeksad	78990
Официальный сайт
Fail:Map commune FR insee code 78208.png
Mediafailad RUWIKI-tedoiš

Elankur (franc.: Élancourt [elɑ̃kuʁ]) om Francijan lidn da kund (kommun) Il'-de-Frans-regionas, sen Ivelin-departamentas. Mülüb Parižan lidnaglomeracijha.

Etimologii

Ezmäine Elan-element sel'gitase saksan Agilenus-antroponiman (fr. Aglin) suližel toižetamižel, voib jäl'gestada sidä dokumentoiš 11. voz'sadaspäi. Lopuline -court (latin.: cōrtem) znamoiči «tanaz», «aidoitud ižanduz», «küläusadib».

Kogonaine nimituz kändase «Aglinan aidoitud futor», «Aglinan maižanduz». Fermeruz oli Elankuran eläjiden radmižen 20. voz'sadahasai.

Istorii

Voz'sadoiš Elankur oli küläks i žiloks vähemb mi tuha eläjiden lugunke. Privatižed sauvondkompanijad zavodiba leta pertid 1970-nzil vozil Parižan «uden lidnan» koncepcijan ramuziš, i ristitišt ližadui kümenikoid kerdoid. Ei jänd erigoittud külid lidnankundas.

Lidnan znamasine Klef-de-Sen-Pjer-tegimištzon mülütab 5400 radinsijid 30 kontoras i tehmižlavudes. Dominirui industrii om aeronaftik i korktoiden tehnologijoiden, sidä kesken nened kompanijad: Airbus, Thales, Fenwick.

Geografijan andmused

Lidn sijadase valdkundan pohjoižes, 100..175 m ü.m.t. keskmäižel korktusel. Matkad Parižan keskushesai om 30 km päivnouzmha, Versalihesai om 16 km päivnouzmha.

Elankur-kukkaz om Il'-de-Frans-regionan kaikiš korktemb čokkoim, 231 m ü.m.t.. Tehtas voibištelendoid sen pautkil: mägivelosiped, paraplanerizm, planeroiden radiomodelid.

Kaks' raudtestancijad oma läz lidnad lähižiš kundoiš.

Eläjad

Vn 2011 Francijan rahvahanlugemižen mödhe eläjiden lugu oli 26 389 ristitud. Kaikiš suremb ristitišt oli 27 577 eläjad vl 2006.

Opendusen aluzkundad oma kaks' keskškolad i koume kolledžad.

Irdkosketused

• Lidnan oficialine sait (ville-elancourt.fr). (fr.)