Kirov

Kirov
Fail:Архитектурный ансамбль Трифонова монастыря, вид с озера осенью.jpg
Флаг[d] Герб
58°36′ с. ш. 49°39′ в. д.
Valdkund	Venäma
Глава	Q29353378? da Elena Kovaleva[d]
Istorii da geografii
Tegemižen päiv	неизвестно
Pind	169,73
Высота	150
Aigvö	UTC+3[d]
Eläjad
Eläjad	▲518 348 чел. (2020)
Lugud
Telefonan kod	8332
Počtan indeksad	610000–610050
Официальный сайт
Mediafailad RUWIKI-tedoiš

Sil sanal voib olda toižid znamoičendoid; miše nähta niid, tulgat tänna.

Kirovan administrativižed rajonad:
Oktäbr'skii-rajon;
Leninan rajon;
Pervomaiskii-rajon;
Uden Vätkan rajon.

Kirov (ven.: Киров [ˈkʲirəf]) om lidn da lidnümbrik Venäman päivlaskmaižes palas. Se om Kirovan agjan administrativine keskuz da kaikiš suremb lidn.

Istorii

Eländpunktan aluz om pandud vl 1181 lidnan statusanke. Enččed nimed: sen nimi oli Hlinov alusenpanendan jäl'ghe da vll 1457−1781, no nimitihe lidnad Vätk:aks vozil 1374−1457 da 1780−1934.

Geografijan andmused

Lidn sijadase agjan keskuses, seižub Vätk-jogen molembil randoil 150 metrad ü.m.t. keskmäižel korktusel. Kirovan keskuz om saudud hural randal. Matkad Moskvhasai om 791 km suvipäivlaskmha orhal, 958 km avtotedme vai raudtedme. Lähembaižed järedad lidnad oma Glazov (234 km päivnouzmha avtotedme) i Joškar-Ol (310 km suvipäivlaskmha avtotedme).

Kirov jagase nelläks administrativižeks rajonaks. Kirov-lidn om ühtennimižen municipaližen ühtnikan keskuz vspäi 2005. Lidnterritorii om 170 km² pindanke, külähine territorii otab 587 km². Kaik 134 žilod da pen't küläd mülüdas municipaližhe «Kirov-lidn»-ühtnikha Kirov-lidnan ližaks.

Eläjad

Vl 1913 kaik 46 400 ristituid elihe lidnas. Vn 2010 kaiken Venäman ravahanlugemižen mödhe lidnan eläjiden lugu oli 473 695 ristitud, lidnümbrikon — 498 381 ristitud. Vl 2019 lidnümbrikon ristitišt om 538 724 eläjad. Kaikiš suremb lidnan ristitišt om nügüd' (vl 2019). Läz 750 tuh. ristituid elädas lidnaglomeracijas.

Rahvahad (municipaline «Kirov-lidn»-ühtnik, enamba 0,3% vl 2010): venälaižed — 92,2%, totarlaižed — 0,8%, ukrainalaižed — 0,5%, marilaižed — 0,3%, udmurtalaižed — 0,3%, azerbaidžanlaižed — 0,3%, toižed rahvahad — 0,9%, rahvahuden ozutandata — 4,7%.

Transport

Avtobusad, trolleibusad, taksid da ezilidnelektrojonused oma kundaližeks transportaks lidnas. Kirov om avtote- da raudtesol'm. Kaks' avtotesildad om saudud Vätkas päliči — Vanh (1962) da Uz' (1998). Jogiport Vätk-jogel radab vemha ujuden jüguid i ajelemha turistoid. Koume päraudtestancijad (Kirov Transsibal, Kotlasan Kirov, Längasovo), kuz' raudtestancijad i koume seižutezplatformad ratas lidnan raudtel.

Tatamaine civiline Pobedilovo-lendimport (KVX / КИО, 128,2 tuh. passažiroid vl 2018) sijadase 22 km suvipäivlaskmha Kirovan keskusespäi lidnan Leninan rajonas. Tehtas reisid nenihe lidnoihe: Moskv, Piter, Narjan Mar, Usinsk, om čarterreisid (ližareisid) sihe i kezaližid reisid Mustmeren kurortlidnoihe.

Galerei

• 

  Lidnan administracijan sauvused (2012)

• Ансамбль Трифонова монастыря MG 4319 2.jpg

  Emäganpäivän ph. Trifon Vätkalaižen mez'jumalankodi, vn 2019 nägu

• 

  Ph. Serafim Sarovalaižen päjumalanpert', vn 2019 nägu

• 

  «Avitek»-tegimen keskuztulend vl 2009

• 

  Universaline keskuzlauk vl 2015

• 

  Vätkan valdkundaline universitet (1. korpus, 2020)

• 

  Kirovan valdkundaline medicinine akademii (2012)

• Здание театра. Театральная площадь.jpg

  Kirovan agjan dramteatr Sergei Kirovan nimed Teatraližel torgul (2020)

• 

  Pobedilovo-lendimportan terminal vl 2011

• Станция Киров.jpg

  Kirov-päraudtestancii vl 2011

Tetabad sündnuded

• Lev Knäzev (1926−2012) — oli Nevondkundaližen Ühtištusen i Venäman venäkel'žen prozan kirjutai.
• Aleksei Sitnikov (sünd. 1986) — Azerbaidžanan i Venäman figurist.

Homaičendad

Irdkosketused

• Municipaližen «Kirov-lidn»-ühtnikan oficialine portal (mo-kirov.ru). (ven.)
• Lidnan Duman oficialine sait (duma.mo-kirov.ru). (ven.)
• Lidnan administracijan oficialine sait (admkirov.ru). (ven.)