Kirovo-Čepeck

	Kirovo-Čepeck
Флаг[d]	Герб
	58°33′00″ с. ш. 50°01′00″ в. д.GЯO
Valdkund	Venäma;
Istorii da geografii
Tegemižen päiv	18 tal'vkud 1510
Pind	52;
Высота	140
Aigvö	UTC+3:00[d]
Ekonomik
Eläjad
Eläjad	▼66 651 чел. (2021);
Lugud
Telefonan kod	83361
Počtan indeksad	613040
-
	Официальный сайт
	lugeda • diskussii • redaktiruida

Lidnan kart kaidraižuiženke raudtenke Karintorfannoks (2011)

Kirovo-Čepeck (Kirovo-Čepeckan rajonan administrativižeks keskuseks mugažo (vspäi 1960), ei mülü rajonha.

Istorii

Ezmäižed venälaižiden eländpunktad mainitasoiš 15. voz'sadaspäi. Ust'-Čepeckoje-žilo mainitase 18. voz'sadaspäi, nimitihe jogen mödhe. Virifabrik radaškanzi siš-žo, Ust'-Čepc-žilos (ven.: село Усть-Чепца) vl 1873.

Nügüdläižen eländpunktan aluz om pandud vl 1935 sauvomha da holitamha Kirovan lämuzelektrostancijad turbhan sijaližel löudmižsijal. Vl 1938 himižen tegimen sauvomine zavodihe, nügüd' kaikiš suremb edheotand. Vl 1941 11-kilometrine raudtesarak Čepeckai-lopstancijanke (ven.: Чепецкая) tuli lidnha «Kirov — Perm'»-raudtespäi, stancii radab vaiše vemha jüguid. Kirovo-Čepeckii-radnikžilo sai oficiališt statusad vn 1942 keväz'kus. Radnikžilo sai lidnan statusad vl 1955 nügüdläiženke nimitusenke, Ust'-Čepc-žilo da lähižed küläd oliba mülütadud lidnha sil-žo aigal. Lidn ühtni NSTÜ:n atombomban projektha, i tegimištzonan pala (läz 0,7 km²) om alištunu radioaktivižele redustoitandale. Vspäi 1990 Karintorf-žilo om lidnan palaks, vl 1993 ühtištuihe lidnanke völ kümne eländpunktad (küläd).

Kirovo-Čepeck šingotase himižel tegimištol (polimerad, mineraližed heretused, agrohimikatad, kodihimii), mašinansauvomižel (kommutacine mašiništ aviacijan täht, pressmašiništ, elektrolämbitimed, kolonnad himižtegimiden täht, tegesed ftoroplastaspäi i himižikš seižujiš materialoišpäi), sauvondmaterialiden pästandal (savič, lämuzizoläcii, iknad), sömtegimištol, mugažo meblin (5), kengiden da sobiden omblendan (6) i medicinižprotezoiden (1) edheotandad ratas lidnas.

Geografijan andmused

Lidn sijadase Vätk- i Čepc-jogiden huril randoil, Čepcan lanktendanno Vätkha huralpäi, 140 m ü.m.t. keskmäižel korktusel. Matkad agjan Kirov-pälidnan röunhasai om 15 km päivlaskmha orhal, keskushesai om 23 km päivlaskmha-lodeheze orhal, 40 km avtotedme vai 42 km raudtedme, se-žo om lähembaine lidn.

Kirovo-Čepeck om lidnümbrikon üks'jäine eländpunkt.

Eläjad

Vn 2010 Venäman rahvahanlugemižen mödhe lidnan eläjiden lugu oli 80 921 ristitud. Kaikiš suremb ristitišt oli 95..100 tuhad eläjid vll 1989−1994 (100 tuh. rist. vl 1994). Ortodoksižen hristanuskondan nell' jumalanpertid i ph. Mikulai-čudonsädajan naižjumalankodi (vspäi 2004) oma olmas lidnas.^[2]

Rahvahad (2002): udmurtalaižed — 1,2%, toižed rahvahad — 2,5%.

Professionaližen opendusen aluzkund om Vätkan avtotegimištoline kolledž.^[3]

Galerei

Lidnan i rajonan ohjandusen sauvuz (2014)
Kaikiden Venäman Pühämehiden päjumalanpert' (ortodoksine hristanuskond), vn 2013 nägu
Mineraližiden heretusiden tegim (2006)
School 12 (Kirovo-Chepetsk).jpg

Keskškol nomer 12 (2014)
Taholine passažirine jonuz lidnas sen Karintorf-rajonaspäi vl 2011

Homaičendad

Irdkosketused

Lidnümbrikon oficialine sait (k4gorod.ru). (ven.)
Lidnan informacine portal (chepetsk.ru). (ven.)

Kirovo-Čepeck Vikiaitas

	Kirovan agjan lidnad
	Jaransk \| Kirov \| Kirovo-Čepeck \| Kirs \| Kotel'nič \| Luz \| Malmiž \| Muraši \| Nolinsk \| Omutninsk \| Orlov \| Slobodskoi \| Sosnovk \| Sovetsk \| Zujevk \| Uržum \| Vauged Holunic \| Vätkan Poläni

[_15bd2465f028e4c3-1] 1,0 ^1,1 https://rosstat.gov.ru/storage/mediabank/tab-5_VPN-2020.xlsx

[2] Kirovo-Čepeck-lidnan pühäpertid sobory.ru-saital. (ven.)

[3] Vätkan avtotegimištoližen kolledžan sait (vapk.info). (ven.)

[1]

[2]

[3]