Malmiž
| Malmiž | |||||
|---|---|---|---|---|---|
 | |||||
|
|||||
| 56°31′00″ с. ш. 50°40′00″ в. д.GЯO | |||||
| Valdkund | |||||
| Istorii da geografii | |||||
| Tegemižen päiv | XVI век | ||||
| Высота | 100 | ||||
| Aigvö | UTC+3[d] | ||||
| Eläjad | |||||
| Eläjad |
|
||||
| Lugud | |||||
| Telefonan kod | 83347 | ||||
| Počtan indeksad | 612920 | ||||
|
|
|||||
| Официальный сайт | |||||
 Mediafailad RUWIKI-tedoiš | |||||
.png)
Malmiž (ven.: Малмы́ж, mugažo totaran i nitmarin kelil) om Venäman lidn da lidnankund Kirovan agjan suvipäivnouzmas. Se om Malmižan rajonan administrativine keskuz.
Istorii
Ende lidn oli marilaižiden Malmižan ruhtinazkundan keskuseks (1320-nded voded — 1553). Nimituz libub marin kelen малымаш-sanaspäi «ösija», «lebun sija». Eländpunkt mainitase ezmäižen kerdan vn 1553 käskös alištumha varmitadud tahondad Moskvan carile. Alištuz mäni jügedas, i saudihe venälašt lidnust vl 1580. Mülütihe lidnad Kazanin makundha vl 1584. Malmiž sai lidnanznamad vl 1780 lidnan oficialiženke statusanke. Puine lidnuz paloi lophu vl 1785. Kazanin jarmank i Sabantui-praznik oleskeldas lidnas.
Malmiž om ümbärtud maižanduzrajonal, šingotase sömtegimištol (leibäntegim, spirttegim, voitegim) i dizel'likutimiden kohenduzmehanižel tegimel (vspäi 1931).
Geografijan andmused
Lidn sijadase rajonan suvipäivlaskmas, Vätk-jogen oiktal randpolel i sen Šošm-ližajogen (109 km pitte, tot.: Шушма) oiktal randal, 100 m ü.m.t. keskmäižel korktusel. Matkad Tatarstanan röunhasai om 8 km päivlaskmha orhal, agjan Kirov-pälidnhasai om 239 km pohjoižhe orhal vai 282 km R169-avtotedme. Lähembaižed lidnad oma Uržum 77 km pohjoižhe-lodeheze orhal vai 91 km avtotedme, Vätkan Poläni 41 km suvipäivnouzmha orhal vai 58 km avtotedme i Kukmor (Tatarstan) 40 km suvhe orhal vai 55 km avtotedme.
Malmiž om lidnankundan üks'jäine eländpunkt.
Eläjad
Vn 2010 Venäman rahvahanlugemižen mödhe lidnan eläjiden lugu oli 8 265 ristitud, rajonan koumandez. Kaikiš suremb lidnan ristitišt oli 10..11 tuhad eläjid vll 1970−2001 (11 462 eläjad vl 1979). Ortodoksižen hristanuskondan Jumalan nägundan päjumalanpert' om olmas lidnas.
Rahvahad (2010): venälaižed — 58,1%, totarlaižed — 36,0%, marilaižed — 3,7%, udmurtalaižed — 1,7%, toižed rahvahad — 0,5%.
Lähembaine professionaližen opendusen aluzkund sijadase Savali-žilos 2 km lodeheze lidnaspäi, se om Savalin politehnine tehnikum.[2]
Homaičendad
Irdkosketused
- Lidnankundan oficialine sait (администрациягородамалмыжа.рф). (ven.)
- Lidnankundan lehtpoled rajonan oficialižel malmyzh43.ru-saital. (ven.)
| Kirovan agjan lidnad | ||
| Jaransk | Kirov | Kirovo-Čepeck | Kirs | Kotel'nič | Luz | Malmiž | Muraši | Nolinsk | Omutninsk | Orlov | Slobodskoi | Sosnovk | Sovetsk | Zujevk | Uržum | Vauged Holunic | Vätkan Poläni | ||