Kukmor

Kukmor
tot.: Кукмара
Герб
56°10′57″ с. ш. 50°54′23″ в. д.
Valdkund	Venäma
Istorii da geografii
Tegemižen päiv	1650
Aigvö	UTC+3[d]
Eläjad
Eläjad	▼17 777 чел. (2023)
Lugud
Telefonan kod	84364
Počtan indeksad	422110
Официальный сайт
Mediafailad RUWIKI-tedoiš

Kukmor (tot.: Кукмара, ven.: Ку́кмор) om Venäman lidn Tatarstanan Tazovaldkundan pohjoižes. Se om Kukmoran rajonan i lidnankundan administrativine keskuz.

Istorii

Eländpunktan aluz om pandud vl 1741 kuti žilo sauvomha da holitamha Tajiševon vas'ktegint (tot.: Туеш / Туйыш), nimitihe Kukmor-tegim mugažo. Vspäi 1851 oli Kukmor-žiloks, vl 1923 kätihe radnikžiloks. Vn 2017 28. päiväl sulakud Kukmor sai lidnan statusad.

Kukmor šingotase hobkombinatal, metalližastjoiden tegimel, omblendfabrikal, sauvondkeramikan tegimel i maidkombinatal.

Geografijan andmused

Lidn sijadase Vätk-jogen oiktal randpolel, 102 m ü.m.t. keskmäižel korktusel. Matkad Kazanihesai om 115 km suvipäivlaskmha. Röunatab Kirovan agjanke pohjoižes i päivnouzmas, lähembaine lidn om sen Vätkan Poläni 10 km pohjoižpäivnouzmha. Kukmor-raudtestancii om olmas «Kazan' — Jekaterinburg»-jonol.

Kukmor om lidnankundan üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 16 918 ristitud, rajonan koumandez. Kaikiš suremb lidnan ristitišt om 16..17 tuhad eläjid vspäi 2002 (17 815 rist. vl 2019).

Islaman pämečet' om avaitud. Ortodoksižen hristanuskondan Phh. Pedran da Paulan jumalanpert' om olmas.

Koume sportkompleksad, jäpert'kulu i mägisuksiden baz oma olmas lidnas. Kukmoran agrarine kolledž radab rajonan Janil'-žilos 23 km päivlaskmha-lodeheze Kukmoraspäi avtol.

Homaičendad

Irdkosketused

• Municipaližen «Kukmor-lidn»-ühtnikan da Kukmoran rajonan oficialine sait (kukmor.tatarstan.ru) Tatarstanan Tazovaldkundan tobmuden portalal. (ven.) (tot.)

Šablon:Tatarstanan Tazovaldkundan lidnad