Perm'

Perm'
Флаг[d] Герб[d]
58°00′50″ с. ш. 56°14′56″ в. д.
Valdkund	Venäma
Глава	Dmitry Samoylov[d]
Istorii da geografii
Tegemižen päiv	4 (15) semendkud 1723
Pind	799,68 ± 0,01
Высота	171 и 90
Aigvö	UTC+5:00[d]
Ekonomik
Eläjad
Eläjad	▼1 026 908 чел. (2024)
Lugud
Telefonan kod	342
Počtan indeksad	614000–614999
-
Официальный сайт(angl.)​(ven.)
lugeda • diskussii • redaktiruida

Perm' (Uralan ezimägištonno. Se om Permin randan pälidn da kaikiš suremb lidn i lidnümbrik, mugažo Permin rajonan administrativine keskuz.

Istorii

Eländpunktan aluz om pandud vl 1723 kuti Jegošihan tegim (Jekaterina II-imperatornaižen käskön mödhe. Nimitihe muga, sikš miše üks' hänen arvnimišpäi oli Permin ruhtinaznaine.

Vspäi 1940 vhesai 1957 nimitihe lidnad Molotov nevondkundaližen partijan šingotajan kanzannimen mödhe.

Permin ižandusen päsarakod oma elektroenergetine, kivivoin i londuseližen gazan ümbriradmine, mašinansauvomine, himii i kivivoihimii, mecan ümbriradmine, sömtegimišt, poligrafii.

Geografijan andmused

Lidn sijadase Kamanjogen randoil, 171 m keskmäižel korktusel valdmeren pindan päl. Mecad ottas lidnan territorijan pol't, pertišt om ümbärtud mecal. Läz 300 penid jogid da ojid jokstas lidnan südäimes. Matkad Moskvhasai om 1382 km päivlaskmha avtotedme. Krasnokamsk om üks'jäine kaimdailidn, sijadase ani päivlaskmha. Lähembaižed järedad lidnad oma Alatagil 219 km päivnouzmha orhal, Jekaterinburg 361 km suvipäivnouzmha avtotedme i Iževsk 222 km suvipäivlaskmha orhal.

Perm' jagase seičemeks rajonaks ičeze territorialižidenke administracijoidenke: Dzeržinskijan, Industrial'nii, Kirovan, Leninan, Motovilihan, Ordžonikidzen i Sverdlovan; ičeze administracii om enččel Uded Lädid-žilol (nüg. Sverdlovan rajonan palaks). Kaks' pen't eländpunktad (6 rist. vl 2017) mülüdas lidnümbrikho mugažo.

Eläjad

Vn 2010 Venäman rahvahanlugemižen mödhe eläjiden lugu oli 991 162 ristitud. Kaikiš suremb ristitišt oli 1 100 000 eläjid vl 1991.

Edeline lidnan pämez' om Dmitrii Samoilov (kül'mku 2016 — tal'vku 2020).

Transport

Kaks' avtotesildad ühtenzoittas Kam-jogen randoid, Kaman GES:an padosein mugažo. Avtobusad, tramvaid, ezilidnelektrojonused i taksid oma kundaližeks transportaks lidnas. Velotehuded oma lidnan keskuzpalas. Permin metropolitenan projektiruind oli 1980-nzil vozil, no jäi kesketi.

Rahvahidenkeskeine Perm' (Sur' Savino)-lendimport (ПРЬ / PEE, ven.: Большое Савино, 1,6 mln passažiroid vl 2019) sijadase 17 km suvipäivlaskmha lidnan keskusespäi. Tehtas reisid Venäman järedoihe lidnoihe, Mustmeren lebutahoiže, Tadžikistanha, om čarterreisid Keskmeren i Azijan lebutahoiže, aterjreisid Edahaižen Pohjoižen radinsijihe.

Galerei

• 

  Lidnan Duman i Administracijan sauvuz (2019)

• 

  Pühän Stroican kafedraline päjumalanpert' (ortodoksine hristanuskond), vn 2019 nägu

• 

  Permin pämečet' (islam), vn 2019 nägu

• 

  «Permenergo»-kompanijan kontor vl 2019 (ezimal)

• 

  Motovilihan tegimed vl 2019

• 

  «Kamskaja»-konditerfabrik (2010, Nestlé-kompanijan pala)

• 

  Permin valdkundaline universitet, päkorpus (korpus nomer 1, 2011)

• Клиническая больница.jpg

  Sverdlovan rajonan klinine läžundkodi (2017)

• Bolshoe Savino (new terminal).jpg

  Perm' (Sur' Savino)-lendimportan uz' terminal vl 2018

• 

  Perm' II-päraudtestancijan sauvuz vl 2019

Irdkosketused

• Lidnan tobmuden aluzkundoiden oficialine portal (gorodperm.ru). (ven.) (angl.)
• Lidnan Duman oficialine sait (duma.perm.ru). (ven.)