Blagoveščensk (Amuran agj)

	Blagoveščensk
Флаг[d]	Герб
	50°15′28″ с. ш. 127°32′11″ в. д.GЯO
Valdkund	Venäma;
Глава	Valentina Sergeevna Kalita[d] и Q109484926?
Istorii da geografii
Tegemižen päiv	1856
Pind	321;
Высота	122
Aigvö	UTC+9:00[d]
Ekonomik
Eläjad
Eläjad	▼225 757 чел. (1 vilukud 2021);
Lugud
Telefonan kod	4162
Počtan indeksad	675000, 675002–675006, 675009–675011, 675014, 675016, 675018–675021, 675025, 675028 и 675029
-
	Официальный сайт(ven.)
	lugeda • diskussii • redaktiruida

Sil sanal voib olda toižid znamoičendoid; miše nähta niid, tulgat tänna.

Fail:Blagoveshchensk location map.png

Lidnan kart ümbrištonke (2017)

Blagoveščensk (ven.: Благовещенск [bləgɐˈvʲeɕːɪnsk]) om lidn da lidnümbrik Venäman suvipäivnouzmas. Se om Amuran agjan administrativine keskuz da kaikiš suremb lidn.

Istorii

Eländpunktan aluz om pandud Ust'-Zejan küläks (ven.: станица Усть-Зейская) vl 1856. Külä sai lidnan statusad nügüdläiženke nimitusenke vl 1858, Blagoveščenjan jumalanpertin mödhe.

Vozil 1919 (keväz'ku) — 1920 (semendku) Blagoveščensk oli okkupiruidud Japonijan imperijan sodavägil.

Geografijan andmused

Lidn sijadase Amur-jogen hural randal Zei-jogen lanktendan sijas, 122 metrad keskmäižel korktusel valdmeren pindan päl. Amur-jogen leveduz om läz 800 metrad lidnan röunoiš. Kitajine Heihe-lidn seižub Amuran oiktal randal vasthapäi, kaikiš penemb keskust sihesai om 526 metrad. Avtotesild ühtenzoitab niid, se om saudud vll 2016−2019, no ekspluatacii ei ole zavodinus pandemijan tagut i planiruiše vn 2022 ezmäižes polespäi.

Kaks' muite žilod, kaks' küläd da kaks' žilod raudtestancijanno mülüdas lidnümbrikho Blagoveščenskan ližaks.

Eläjad

Vl 1913 lidnan ristitišt oli läz 70 tuhad. Vn 2010 kaiken Venäman rahvahanlugemižen mödhe lidnan eläjiden lugu oli 214 390 ristitud, lidnümbrikon — 219 847 ristitud. Lidnan kaikiš suremb ristitišt oli 222 tuhad eläjid vl 2000 i 226 385 eläjad vl 2020. Vl 2018 lidnan ristitišt oli 225 091 eläjad, lidnümbrikon — 230 416 eläjad, agjan koume kümnendest.

Ortodoksižen hristanuskondan Jumalanmaman Blagoveššenjan kafedraline päjumalanpert' (uz' om saudud vll 1997−2003), viž jumalanpertid i viž kodijumalanpertid oma olmas lidnas^[3], mugažo islaman pämečet' om saudud.

Edeline lidnan pämez' om Valentina Kalita (keväz'ku 2015 — heinku 2020).

Transport

Rahvahidenkeskeine civiline Ignatjevo-lendimport (BQS / БГЩ, 710 tuhad passažiroid vl 2021) sijadase 15 kilometras lodeheze lidnan keskusespäi.

Avtobusad, trolleibusad da taksid oma kundaližeks transportaks lidnas. Ühtenzoituz Heihenke: laivad ujudas kezal, avtobusad ajadas tal'vel.

Vspäi 1913 Blagoveščensk-raudtestancii om olmas. Raudte ühtenzoitab lidnad Belogorskanke, se om 109 km pitte.

Galerei

布拉戈维申斯克市政府2017.jpg

Lidnan Duman i Administracijan sauvuz (2017)
Amuran agjan kodirandantedištandmuzei (2012)
Jumalanmaman Blagoveššenjan kafedraline päjumalanpert', vn 2017 nägu
Гавриило-архангельский мужской монастырь Фото 1.JPG

Gavriil-arhangelan jumalanpert', vn 2013 nägu (ende riman katoline pühäpert')
阿穆尔州百货商场2017.jpg

«Amurskaja jarmarka»-torguindkeskuz (2017, Amuran jarmank)
Amuran valdkundaline universitet, päkorpus (2010)
Amuran valdkundaline medicinine akademii, administrativine korpus (2014)
Улица Горького возле гостинницы АЗИЯ.JPG

«Azija»-adivpert' (2011, Azii)
Ignatjevo-lendimportan terminalad vl 2012
Blagoveščensk-raudtestancijan sauvuz vl 2012

Homaičendad

Irdkosketused

Blagoveščensk (Amuran agj) Vikiaitas

	Amuran agjan lidnad
	Belogorsk \| Blagoveščensk \| Ciolkovskii \| Raičihinsk \| Skovorodino \| Svobodnii \| Šimanovsk \| Zavitinsk \| Zei \| Tind

	Venälaižen Federacijan subjektoiden pälidnad
	Joškar-Ol \| Moskv \| Sur' Uz'lidn \| Tümen' \| Uf \| Ulan Ude \| Ul'janovsk \| Vladikavkaz \| Vladimir \| Vladivostok \| Volgograd \| Vologd \| Voronež

[_680c7f2894f8399a-1] 1,0 ^1,1 http://www.gks.ru/free_doc/2016/oktmo/tom8_oktmo.rar

[_46e8900a7361fb1f-2] 2,0 ^2,1 https://mdf.wikipedia.org/wiki/%D0%91%D0%BB%D0%B0%D0%B3%D0%BE%D0%B2%D0%B5%D1%89%D0%B5%D0%BD%D1%81%D0%BA

[3] Blagoveščenskan pühäpertid sobory.ru-saital. (ven.)

[1]

[2]

[3]