Zavitinsk
| Zavitinsk | |
|---|---|
| 50°07′00″ с. ш. 129°26′00″ в. д.GЯO | |
| Valdkund | |
| Istorii da geografii | |
| Tegemižen päiv | 1906 |
| Pind |
|
| Высота | 230 |
| Aigvö | UTC+9:00[d] |
| Eläjad | |
| Eläjad |
|
| Lugud | |
| Telefonan kod | 41636 |
| Počtan indeksad | 676870 |
|
|
|
| Официальный сайт | |
Zavitinsk (ven.: Завитинск) om Venäman lidn da lidnankund Amuran agjan suves. Se om Zavitinskan rajonan administrativine keskuz.
Istorii
Eländpunktan aluz om pandud vl 1906 kuti Zavitai-külä (ven.: Завитая). Kätihe sidä lidnanvuiččeks Zavitai-žiloks vl 1936. Žilo sai lidnan statusad vl 1954, udesnimitihe siloi-žo.
Zavitinsk šingotase valdkundan holitišil i raudten holitusel.
Geografijan andmused
Lidn sijadase Zavitai- da Burei-jogiden keskes (Amuran hurad ližajoged), 230 m ü.m.t. keskmäižel korktusel. Zavitai-raudtestancii om olmas Transsibal vspäi 1914. Matkad Blagoveščenskhasai om 162 km päivlaskmha. Lähembaine lidn om Raičihinsk 40 km suvhe avtotedme. «Amur»-trass (Čit — Habarovsk) läbitab lidnan pohjoižpäivnouzmašt palad.
Kaks' pen't küläd da raudtestancii mülüdas lidnankundha Zavitinskan ližaks. Lidnankundan pind — 245 km².
Eläjad
Vn 2010 Venäman rahvahanlugemižen mödhe lidnan eläjiden lugu oli 11 481 ristitud, lidnankundan — 11 811 ristitud, rajonan ristitišton koume nelländest. Kaikiš suremb lidnan ristitišt oli 20..22 tuhad eläjid vozil 1989−1998 (22 300 rist. vl 1992). Vl 2017 kaik oli 11 057 eläjad lidnankundas.
Nevondkundaližel aigal sodadivizii baziruihe lidnas, sodalendimport oli olmas. Läz ei ole sodavägid lidnas 2000-nziš vozišpäi.
Amuran agrarižen kolledžan filial om professionaližen opendusen aluzkundaks.
Irdkosketused
- Lidnankundan tobmuden aluzkundoiden oficialine sait (завитинск-город.рф). (ven.)
- Lidnan informacine sait (zavitinsk.ru). (ven.)
| Amuran agjan lidnad | ||
| Belogorsk | Blagoveščensk | Ciolkovskii | Raičihinsk | Skovorodino | Svobodnii | Šimanovsk | Zavitinsk | Zei | Tind | ||