Tind

Tind
Флаг[d] Герб
55°09′00″ с. ш. 124°43′00″ в. д.
Valdkund	Venäma
Istorii da geografii
Tegemižen päiv	1907
Pind	124
Высота	520
Aigvö	UTC+9:00[d]
Eläjad
Eläjad	▼28 625 чел. (2021)
Lugud
Telefonan kod	41656
Počtan indeksad	676282
Официальный сайт
Mediafailad RUWIKI-tedoiš

Nägu lidnha

Tind (ven.: Тында) om Venäman lidn da lidnümbrik Amuran agjan lodehes. Se om Tindan rajonan administrativižeks keskuseks mugažo (ei mülü sihe), agjan nellänz' surtte lidn. Kuctas Tindad «BAM:an pälidnaks».

Istorii

Eländpunktan aluz om pandud vl 1907 kuti Tindinskii-žilo. Se sai lidnan statusad vl 1975, udesnimitihe siloi-žo, kändamha «BAM»-raudten sauvondan keskuseks.

Tindan tegimišton päsarakod oma raudten holituz (2 depod), raudten da avtoten sauvondan edheotandad, mecan varhapanend da ümbriradmižen kompleks. Pened edheotandad pästtas leibtegesid. Saupsihe sömtegimišton edheotandoid (lihamaidkombinat, leibtegim, alkogolitomiden jomiden tegim).

Geografijan andmused

Lidn sijadase ühtennimižen jogen randal (Amuran hurapol'ne bassein), 520 m ü.m.t. keskmäižel korktusel. Om ümbärtud taigmecal sambnuziden vulkanoiden pautkil. Matkad Blagoveščenskhasai om 572 km suvipäivnouzmha orhal vai 820 km «Amur»-avtotedme. Lähembaine lidn om Skovorodino 140 km suvhe orhal, 180 km avtotedme vai raudtedme.

Tind om lidnümbrikon üks'jäine eländpunkt. Lidnfartaliden pind om 34 km².

Eläjad

Vn 2010 Venäman rahvahanlugemižen mödhe eläjiden lugu oli 36 275 ristitud. Kaikiš suremb ristitišt oli 65 tuhad eläjid vl 1991.

Ortodoksižen hristanuskondan ph. Stroican päjumalanpert' om saudud vll 1994−2001.

Galerei

• 

  Lidnan administracijan sauvuz (2009)

• 

  Ph. Stroican päjumalanpert', vn 2009 (vai 2011) nägu

• 

  Tind-raudtestancii vl 2006

• Тында-2011 (16).JPG

  Lidnan stadion (2009 vai 2011)

• 

  Tind-päraudtestancijan sauvuz vl 2007

Irdkosketused

• Lidnan tobmuden aluzkundoiden oficialine sait (gorod.tynda.ru). (ven.)