Orel

Orel
Флаг[d] Герб
52°58′07″ с. ш. 36°04′10″ в. д.
Valdkund	Venäma
Глава	Q24642334?
Istorii da geografii
Tegemižen päiv	1566
Pind	121,21
Высота	170
Aigvö	UTC+3[d]
Ekonomik
Eläjad
Eläjad	▼292 406 чел. (2024)
Lugud
Telefonan kod	4862
Počtan indeksad	302000–302499
-
Официальный сайт(ven.)
lugeda • diskussii • redaktiruida

Orel-lidnan rajonad:
     Raudteiden rajon (ven. Железнодорожный район)      Tegimiden rajon (Заводской)      Pohjoine rajon (Северный)      Nevondkundaline rajon (Советский)

Orel (ven.: Орёл) om lidn da lidnümbrik Venäman päivlaskmas, järed raudte- da avtotesol'm. Se om Orelan agjan administrativine keskuz da kaikiš suremb lidn. Om olmas «sodahoštusen lidn»-arvnimenke vspäi 2007.

Istorii

Eländpunktan aluz om pandud vl 1566 21. päiväl sügüz'kud kuti Orel-lidnuz lidnan statusanke Ivan Grazii-carin käskön mödhe. Vspäi 1719 lidn oli Orelan provincijan keskuseks, vll 1778−1928 — Orelan gubernijan pälidnaks. Sen jäl'ghe severz'-se vozid lidn mülüi Kurskan agjaha.

Vs 1937 sügüz'kun 27. päiväspäi sätihe Orelan agjad, i lidn kändihe sen keskuseks. Vozil 1941 (3. reduku) — 1943 (5. eloku) lidn oli okkupiruidud Germanijan sodavägil. Pandud mantazole lidn om udessündutadud 20. voz'sadan kahtendes poles.

Geografijan andmused

Lidn sijadase agjan keskuzpalan lodehes, Okanjogen da sen huran Orlik-ližajogen muugotil randoil, 149..231 m korktusil, 170 m ü.m.t. keskmäižel korktusel. Matkad Moskvhasai om 340 km pohjoižhe avtotedme vai raudtedme. Lähembaine lidn om Mcensk 50 km pohjoižpäivnouzmha orhal, avtotedme vai raudtedme. Lähembaine järed lidn om Bränsk 119 km päivlaskmha-lodeheze avtotedme vai raudtedme.

Orel om lidnümbrikon üks'jäine eländpunkt. Se jagase nelläks administrativiž-territorialižeks rajonaks (edel 1999. vot niid oli koume). Lidnrajonad ei olgoi municipaližikš ühtnikoikš.

Eläjad

Vl 1939 lidnan ristitišt oli 110 564 eläjad. Vn 2010 Venäman rahvahanlugemižen mödhe eläjiden lugu oli 317 747 ristitud. Kaikiš suremb ristitišt oli 348 tuhad eläjid vl 1997. protestantizman viž jumalanpertid da üks' katoline tulend.

Rahvahad (2010): venälaižed — 96,8 %, ukrainalaižed — 1,1 %, armenijalaižed — 0,4 %, vaugedvenälaižed — 0,3 %, toižed rahvahad — 1,4 %.

Ižanduz

Ižandusen päsarakod oma erazvuitte elektromehanine tegimišt, biotehnologine sarak da medicinine tehmine, tömašiništon pästand tegimišton sarakoiden täht (tömašintegimišt), raudbetontegesiden edheotandad, metalližiden tegesiden pästand, sömtegimišt.

Transport

Avtobusad, trolleibusad, tramvaid, taksid da jogitaksid (kezal) oma kundaližeks transportaks lidnas.

Civiline Orel-Suvine-lendimport (OEL / ОЕЛ) sijadase 6 km suvipäivlaskmha lidnan keskusespäi, 2010-ndes vspäi om konservacijas, kävutamata. Lähembaine radai lendimport om Bränskas.

Homaičendad

Irdkosketused

• Lidnan Ezitajiden nevondkundan oficialine sait (orelgorsovet.ru).(ven.)
• Lidnan administracijan sait (orel-adm.ru).(ven.)