Ukrainalaižed
Ukrainalaižed (ičeze nimituz: українці, üks'lugu українець, українка) oma indoevropalaine, slavine rahvaz.
Ukrainalaižiden rahvahankel' om indoevropalaižiš, slavižiš kelišpäi. Ukrainan ukrainalaižiden znamasine pala om bilingvad, toine kel' om venäkel'.
Leviganduz
Rahvahan kodima sijadase Dnestr- da Pripät'- jogiden keskes, se om ukrainalaižiden kodima tähäsai tobman palan.
Ühthine lugu om läz 45 millionad ristituid, koumanz' slavine rahvaz lugumäran mödhe. Ukrainalaižed elädas Ukrainas (sen ristitišton enambuz), Nevondkundaližen Ühtištusen maiš da Päivnouzmaižen Evropan toižiš maiš.
Erased rahvahad — poleščuklaižed (Ukrainan pohjoižröunanno), guculalaižed (Karpatiden pautkil), boikalaižed (Päivlaskmaine Ukrain) da lemkilaižed (Pol'šanma, Päivlaskmaine Ukrain) — lugetas ukrainalaižiden etnosikš.
Religii
Religijan mödhe 21. voz'sadan augotišes ukrainalaižiden enambuz oma protestantoid.
Keitand
Ukrainan keitandan ičevuiččend om produktoiden suren verdan kombiniruidud lämuzümbriradmine (boršš ozutesikš) i neniden söndtavaroiden velgusine kävutand: sigarazv, greč. Endevanhad ukrainan jomad oma meded, olud, vasad, uzvarad.
Vinan tehmine om levitadud Ukrainas amuižespäi, eziauguižešti oli valdkundan suvipalas.
Homaičendad
- ↑ Kahtenz' surtte rahvahaline vähembuz totarlaižiden jäl'ghe, vn 2010 rahvahanlugemine (ozutadud rahvahudenke): 1,4%, 1,9 mln; vn 2002 rahvahanlugemine — 2,0%, 2,9 mln eläjid.