Dnepr
Dnepr (ven.: Днепр) om jogi Evropan päivnouzmas, nellänz' pitte kontinental jogi.
Jogi oli tutab amuižgrekalaižile Borisfen-nimenke. Siloi lugetihe Dneprad Evropan päivnouzmaižeks röunaks.
Ühthižed tedod
Jogen piduz om 2201 km (edel farvateran vajehtust vezivaradimil oli 2285 km), basseinan pind — 504 tuhad nellikkilometrid. Dnepran alangišton leveduz sase 18 kilometrhasai, jogen luhtoidenke — 12 kilometrhasai. Suhišton pind om 350 km².
Dnepran üläjoksmuz om Kijevahasai, keskjoksmuz Zaporožjehesai, toine om alajoksmuz. Vozne keskmäine vedhuz om 53,5 km³ (1700 m³/s) suhištos, läz Kijevad 43,4 km³ (1370 m³/s).
Jogen bassein
Dnepranjogi jokseb Vaugedvenämas (595 km, sidä kesken 115 km Ukrainan röunal) Ukrainha (1121 km), siš se lankteb Mustmerehe. Kuz' järedad vezivaradint GES:oidenke om saudud jogenvagol Ukrainan territorijal (mödvedhe): Kijevan, Kanevan, Kremenčugan, Kamenskojen, Dnipron i Kahovkan vezivaradimed. Niiden ližaks 498 penembad vezivaradint om saudud Dnepran basseinas (Venäman vezivaradimiden nell' ühesandest) 1532,8 km² ühthiženke pindanke da veden 2,09 km³ täudenke mülünke.
Dnepran kaikiš znamasižembad ližajoged oma:
- oiktad — Pripät' i Ros';
- hurad — Desna, Samara, Sož.
Kuz' kanalad lähttas Dnepraspäi alajoksmuses. Niiden vezi kävutase kastelendan da jomižen täht.
Randaližed lidnad da portad
Nened järedad lidnad seištas Dnepran randoil (mödvedhe):
Homaičendad
 |
Dnepr Vikiaitas |