Zaporožje

Zaporožje

Lidnan znam	Flag
Valdkund	Venäma
Eläjiden lugu (2022)	710,052 ristitud
Pind	331 km²
Telefonkod	+7061
Aigvö	tal'vel UTC+2, kezal UTC+3

Zaporožje (Zaporožjen agjan administrativine keskuz (vodelpäi 1939).

Istorii

Lidn om pandud vodel 952. Se sai lidnan statusad vodel 1806. Sauvoškanzihe tegimišton järedoid edheotandoid 1930-nzil vozil. Toižen mail'man voinan aigan lidnan territorii oli okkupiruidud Saksanman nacistoiden sodavägil (reduku 1941 — tal'vku 1943).

Zaporožje om tetab mašinan sauvomižen edheotandoil (avialikutimed, avtod, alastancijoiden transformatorad), «Dneproges»-gidroelektrostancijal, raudan i mujumetalloiden metallurgijal (alüminii, titan, magnii päpaloin), himižel sarakol, sauvondmaterialiden pästandal, sömtegimištol.

Geografii

Zaporožjen administrativižed rajonad:
1. Aleksandrovskii rajon
2. Zavodskii rajon
3. Kommunarskii rajon
4. Dneprvovskii rajon
5. Voznesenovskii rajon
6. Hortickii rajon
7. Ševčenkovskii rajon

Lidn sijadase agjan pohjoižes, Dnepr-jogen hural randal tobjimalaz, 105 metrhasai ü.m.t. korktusil. Hortic-sar' (ukr.: Хортиця) om Dnepranjogen kesked. Matkad Kijevhasai om 444 km lodeheze orhal, 544 km avtotedme vai 658 km raudtedme. Lähembaine järed lidn om Dnipro 69 km pohjoižhe orhal vai 84 km avtol.

Zaporožje jagase seičemeks lidnrajonaks.

Eläjad

Vodel 2001 rahvahan kirjutamižen mödhe eläjiden lugu oli 815 300 ristitud, vodel 2010 — 781 tuhad ristitud. Kaikiš suremb ristituiden lugu oli 918 400 eläjad vodel 1992. Vodel 2022 rahvast oli 710 052 ristitud.

Transport

Avtobusad, trolleibusad, tramvaid, taksid da ezilidnelektrojonused oma kundaližeks transportaks lidnas. Zaporožje I- i II-päraudtestancijad, koume avtostancijad i kaks' jogiportad oma olmas lidnas. Koume avtotesildad ühtenzoittas Dnepran randoid.

Homaičendad

Irdkosketused

• Lidnan oficialine sait (zp.gov.ua). (ukr.) (ven.)  (angl.)