Ivanovo

Ivanovo
Флаг[d] Герб
57° с. ш. 41° в. д.
Valdkund	Venäma
Глава	Vladimir Sharypov[d]
Istorii da geografii
Pind	104,84
Высота	120
Aigvö	UTC+3:00[d]
Ekonomik
Eläjad
Eläjad	▼358 437 чел. (2024)
Lugud
Telefonan kod	4932
Počtan indeksad	153000
-
Официальный сайт(ven.)
lugeda • diskussii • redaktiruida

Ivanovon rajonad:
1. Frunzen rajon
2. Oktäbrin rajon
3. Nevondkundaline rajon
4. Leninan rajon

Ivanovo (Ivanovon rajonan territorijal, sen administrativine keskuz (ei ole rajonan palaks).

Istorii

Lidnan aluz om pandud vl 1871 enččen Ivanovo-külän (om tetab 15. voz'sadaspäi) da Voznesenskii-posadan sijas. Vhesai 1932 nimitihe lidnad Ivanovo-Voznesensk:aks.

Ivanovon ižandusen znamasižed sarakod oma tekstil'tegimišt, sömtegimišt, mašiništonsauvomine (mašinad programohjandusenke, avtolibutimed), turizm i torguind.

Geografijan andmused

Lidn sijadase vanoikahas tahondas, seižub Uvod'-jogen molembil randoil (Uvodin vezivaradimespäi. Matkad Moskvhasai om 290 km suvipäivlaskmha. Lähembaižed järedad lidnad oma Vladimir 103 km suvhe orhal vai 115 km avtotel, Jaroslavl' 100 km lodeheze orhal i Kostrom 100 km pohjoižhe.

Ivanovo jagase rajonikš vspäi 1936. Kaik om nell' administrativišt rajonad vspäi 1979, käskusenandai tobmuz om ühthine.

Eläjad

Ivanovo om levedali tutab valdkundas kut «Venäman tekstiline pälidn» (Текстильная столица России) i «Neičeižiden lidn» (Город невест).

Vn 2010 Venäman rahvahanlugemižen mödhe eläjiden lugu oli 408 330 ristitud. Kaikiš suremb ristitišt oli läz 480 tuhad eläjid vozil 1987−1993. Läz 650 tuhad ristituid elädas lidnaglomeracijas, hö ottas koume videndest agjan ristitištos.

protestantizman pühäpertid om saudud lidnas. Islaman pämečet' om avaitud vl 2003.

Seičeme ičevuittušt üläopendusen aluzkundad ratas Ivanovos: Ivanovon valdkundaline universitet, politehnine, himiž-tehnologine i energetine universitetad, medicinine, maižanduz- i lämoipalonvastaižpäzutandakademijad.

Transport

Avtobusad, trolleibusad da taksid oma kundaližeks transportaks lidnas. Raudtestancii om olmas vspäi 1894 «Moskv — Kinešm»-raudtekeskustal. Ivanovo om järed raudtesol'm, sortiruindstancii om olmas, om raudteid Moskvaspäi Vladimiran kal't i Jaroslavlihesai.

Koume lendimportad om olmas, no vaiše Ivanovo-Suvine-lendimport (ИВВ / IWA / UUBI, 68 tuh. passažiroid vl 2021) om federaline civiline. Se sijadase seičemes kilometras suvipäivlaskmha lidnan keskusespäi. Tehtas reisid Piterihe i Sočihe, om sezonreisid Kaliningradannoks.

Galerei

• 

  Lidnan tobmuden sauvuz Revolücijan torgul (2016)

• 

  Spasan Toižetamižen päjumalanpert', vn 2015 nägu

• Введенский монастырь 2015.jpg

  Vvedenskii-naižjumalankodi i Jumalanmaman Tulendan Pühäpertihe jumalanpert', vn 2015 nägu

• 

  Bumagtehnižiden tegesiden fabrik vl 2018

• Ivanovo BigManufacture 001 7259.jpg

  Sur' Ivanovon manufaktur vl 2018

• 

  Ivanovon valdkundaline universitet, päine sauvuz (2020)

• 

  Ivanovon valdkundaline teatraline kompleks (vai Čomamahtoiden pert'kulu, 2015)

• 

  «Serebränii gorod»-torguimižbobuštuzkeskuz (2015, Hobed lidn, om avaitud vl 2002 kudondfabrikan sauvuses)

• Аэропорт Иваново - panoramio.jpg

  Ivanovo-Suvine-lendimportan terminal vl 2010

• Иваново, вокзал (2).jpg

  Ivanovo-päraudtestancijan sauvuz vl 2021

Irdkosketused

• Lidnan Duman oficialine sait (ivgorduma.ru). (ven.)
• Ivanovo-lidnümbrikon ohjastusen oficialine sait (ivgoradm.ru). (ven.)