Kohm

Kohm
Флаг[d] Герб
56°56′00″ с. ш. 41°05′00″ в. д.
Valdkund	Venäma
Istorii da geografii
Tegemižen päiv	1619
Pind	12,6
Высота	120
Eläjad
Eläjad	▲30 940 чел. (2021)
Lugud
Telefonan kod	4932
Počtan indeksad	153510–153512
Mediafailad RUWIKI-tedoiš

Kohm (ven.: Ко́хма) om Venäman lidn da lidnümbrik Ivanovon agjan keskuzpalan päivlaskmas. Se om agjan seičemenz' lidn eläjiden lugun mödhe, om ümbärtud Ivanovon rajonan territorijal.

Istorii

Eländpunkt mainitaškanzihe kuti Roždestveno-Kohm-žilo (ven.: Рождествено-Кохма) vspäi 1619, möhemha Kohm-žilo. Nimitihe tahondan amuižen nimitusen mödhe. Šingotihe kanghiden tehmižel 18.-19. voz'sadas. Žilo sai lidnan statusad vl 1925. Vll 1935−1948 oli Kohman rajonan keskuseks, sid' mülüi Ivanovon rajonha. Vspäi 2005 om erižeks lidnümbrikoks.

Kohm šingotase bumagkanghiden kombinatal, pölvazkahghiden fabrikal i «Strommašina»-čuhunduzlibutimiden tegimel.

Geografijan andmused

Lidn sijadase Uvod'-jogen molembil randoil (ven.: Уводь 185 km pitte, Kläz'man hura ližajogi), 120 m ü.m.t. keskmäižel korktusel. Matkad Ivanovon röunhasai om 1 km lodeheze orhal vai avtotel, 10 km raudtel, keskushesai — 10 km lodeheze orhal vai avtotel. Toižed lähembaižed lidnad oma Šui 15 km päivnouzmha-suvipäivnouzmha orhal, 17 km avtotedme vai raudtedme, i Teikovo 35 km päivlaskmha-suvipäivlaskmha orhal, 45 km avtotedme vai raudtedme. Kaks'kilometrine raudtesarak tuleb lidnan pohjoižhe «Ivanovo — Vladimir»-keskustaspäi, se om vaiše jüguiden täht.

Kohm om lidnümbrikon üks'jäine eländpunkt.

Eläjad

Vl 1939 lidnan ristitišt oli 18 983 eläjad. Vn 2010 Venäman rahvahanlugemižen mödhe lidnan eläjiden lugu oli 29 411 ristitud. Kaikiš suremb ristitišt om 29..30 tuhad eläjid vspäi 2010 (30 500 rist. vl 2018).

Rahvahad (2010): venälaižed — 94,3%, ukrainalaižed — 1,2%, toižed rahvahad — 4,5%.

Ortodoksižen hristanuskondan nell' pühäpertid oma olmas lidnas: Jumalanmaman Blagoveššenjan jumalanpert' (om saudud vll 1998−2007) i koume časounäd. Nell' jumalanpertid oma kadonuded.

Kohman industrialine kolledž om professionaližen opendusen aluzkundaks.

Edeline lidnümbrikon pämez' om Roman Vlasov (kezaku 2017 — tal'vku 2019).

Galerei

• Училище Ясюнинских.jpg

  Lapsiden kirjišt i lidnan muzei (2017)

• Водохранилище в городе Кохме, верхний пруд.jpg

  Vezivaradimen üläuit lidnas, vn 2017 nägu

• Кохомский ордена Октябрьской революции хлопчатобумажный комбинат.jpg

  Kohman bumagkanghiden kombinat vl 2017

• 

  «Visšaja Liga»-torguindkeskuz (2018, Üläühtnend, ende fabrikan kudondkorpus)

• Усадьба Ясюнинского. Здание ДШИ 2.jpg

  Lapsiden čomamahtoiden škol (2013, ende Jasüninskii-torgovanoiden usadiban päine pert')

Homaičendad

Irdkosketused

• Lidnümbrikon tobmuden aluzkundoiden sait (kohma37.ru). (ven.)