Juž

Juž
Juž
	56°35′00″ с. ш. 42°01′00″ в. д.GЯO
Valdkund	Venäma;
Istorii da geografii
Tegemižen päiv	1628
Pind	13;
Высота	105
Aigvö	UTC+3[d]
Eläjad
Eläjad	▲12 957 чел. (2021);
Lugud
Telefonan kod	49347
Počtan indeksad	155630
	Официальный сайт
	Mediafailad RUWIKI-tedoiš

Juž (ven.: Ю́жа) om Venäman lidn da lidnankund Ivanovon agjan suvipäivnouzmas. Se om Južan rajonan administrativine keskuz (vspäi 1929).

Istorii

Eländpunktan aluz om pandud 16.-17. voz'sadal Juzg-nimitusenke (ven.: Юзга). Šingotihe bumagkanghiden tehmižel 19. voz'sadan kahtendes polespäi. Radnikžilo sai lidnan statusad vl 1925.

Južan päedheotandad oma kanghiden fabrik, omblendfabrik, turbhan edheotand.

Geografijan andmused

Lidn sijadase Kläz'm-jogen hural randpolel (Volgan oigedpol'ne bassein), 105 m ü.m.t. keskmäižel korktusel. Pionerk-jogi läbitab lidnad, vezivaradim om saudud Južan päivnouzmas. Matkad Vladimiran agjhasai om 10 km suvipäivlaskmha orhal, Ivanovohosai om 78 km lodeheze orhal vai 94 km avtotel. Lähembaižed lidnad oma Väznikad (Vladimiran agj) 38 km suvhe orhal vai 50 km avtotedme, Kovrov (Vladimiran agj) 49 km suvipäivlaskmha orhal vai 70 km avtotedme, i Šui 48 km lodeheze orhal vai 64 km avtotedme. Kaidraižuine «Balahn — Šui»-raudte oli olmas 1900-nzil — 1990-nzil vozil.

Juž-žilo i nell' küläd mülüdas lidnankundha Juž-lidnan ližaks. Lidnankundan pind — 103,97 km².

Eläjad

Vl 1939 lidnan ristitišt oli 21 586 eläjad. Vn 2010 Venäman rahvahanlugemižen mödhe lidnan eläjiden lugu oli 14 170 ristitud, lidnankundan — 14 771 ristitud, rajonan viž ühesandest. Kaikiš suremb ristitišt oli 23..25 tuhad eläjid vozil 1959−1974 (25 tuh. rist. vl 1974). Vl 2017 kaik 12 834 ristitud elihe lidnas i 13 383 ristitud kaikes lidnankundas.

Rahvahad (2010): venälaižed — 97,5%, toižed rahvahad — 2,5%.

Ortodoksižen hristanuskondan nell' pühäpert'^[3] oma olmas lidnas: koume jumalanpertid i časoun'.

Južan tehnologine kolledž^[4] om professionaližen opendusen aluzkundaks.

Galerei

Lapsiden da norišton keskuz (2019, ende bogadel'n')
Смоленская церковь20.jpg

Jumalanmaman Smolenskan jumalaižen jumalanpert', vn 2017 nägu (om letud 1790−1795, kellčuhunduz om saudud tošti vl 1863, 2000-nziden voziden rekonstrukcii)
Kanghiden fabrik vl 2012
Kul'turkeskuz (2012, om saudud kut Rahvahaline pert' fabrikanno vl 1910)
Усадьба Балина19.jpg

Asigkrit Balin-edheotajan usadib vl 2019

Homaičendad

Irdkosketused

	Ivanovon agjan lidnad
	Furmanov \| Gavrilov Posad \| Ivanovo \| Jurjevec \| Juž \| Kinešm \| Kohm \| Komsomol'sk \| Navoloki \| Plös \| Privolžsk \| Pučež \| Rodniki \| Šui \| Zavolžsk \| Teikovo \| Vičug

[_72993c059dbea415-1] OKTMO. 179/2016.

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Južan pühäpertid sobory.ru-saital. (ven.)

[4] Južan tehnologižen kolledžan sait (uzhtk.ru). (ven.)

[1]

[2]

[3]

[4]