Väznikad

Väznikad
Väznikad
	Герб
	56°14′36″ с. ш. 42°07′45″ в. д.GЯO
Valdkund	Venäma;
Istorii da geografii
Pind	37;
Высота	130
Eläjad
Eläjad	▲36 203 чел. (2021);
Lugud
Telefonan kod	49233
Počtan indeksad	601440–601446
	Официальный сайт
	Mediafailad RUWIKI-tedoiš

Väznikad (ven.: Вя́зники) om Venäman lidn Vladimiran agjan pohjoižpäivnouzmas. Se om Väznikan rajonan da lidnankundan administrativine keskuz.

Istorii

Eländpunktan aluz om pandud vl 1608 külähä läz amuišt Jaropolč-Zalesskii-lidnad. Külä sai lidnan statusad vl 1778. Vspäi 2005 enzne lidnanvuitte Novoväznikad-žilo mülüb lidnha sen laptaks. Nimituz libub jalaimiden (ven.: вяз) mecaspäi.

Väznikad šingotasoiš avtoiden da traktoriden fariden, pidatezarmaturan i toižiden paloiden tehmižel, pölvazkanghiden i brezentan pästandal, sömtegimištol (leibtegesed, maidprodukcii, mineralvezi, konservad, «Maggi»-keitozkubuded), mugažo koume omblendfabrikad da plastikprofil'ne tegim oma olmas lidnas.

Geografijan andmused

Lidn sijadase rajonan keskuzpalan pohjoižpäivnouzmas, läz Kläz'm-jogen oiktad randad (Volgan oigedpol'ne bassein), 130 m ü.m.t. keskmäižel korktusel. Matkad Vladimirhasai om 93 km päivlaskmha avtotedme. Lähembaine järed lidn om Kovrov lodeheze, matkad om 45 km orhal vai 60 km avtotedme. Ühtennimine raudtestancii seižub «Vladimir — Alauz'lidn»-raudtekeskustal.

Kaik 62 eländpunktad mülüdas lidnankundha (municipaline ühtnik) Väznikan ližaks: nell' žilod, 57 küläd da üks' tarh. Lidnankundan pind om 801,86 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 41 248 ristitud, lidnankundan — 46 959 ristitud. Kaikiš suremb lidnan ristitišt oli vozil 1979−1992, 45..46 tuhad eläjid. Vl 2017 kaik 36 635 ristitud elihe lidnas i 41 655 ristitud kaikes lidnankundas.

Ortodoksižen hristanuskondan kümne pühäpertid^[3] oma olmas lidnas, niiden kesken Blagoveščenjan naižjumalankodi (oli mehiden täht vll 1641−1916) i Jumalanmaman Tulendan Pühäpertihe mez'jumalankodi: kaks' päjumalanpertid, kuz' jumalanpertid i kaks' časounäd.

Tehniž-ekonomine kolledž^[4] om specialižen keskopendusen aluzkundaks.

Lidnan edeline pämez' om Galina Starodubova (2016 — sügüz'ku 2021).

Galerei

Vyazniki asv2019-05 img03 Fire Depot.jpg

Lämoipalonvastaine palakund Päjumalanpertin torgul (2019)
Blagoveščenjan päjumalanpert' ühtennimižes naižjumalankodiš, vn 2019 nägu
Vyazniki asv2019-05 img04 SovStreet.jpg

Istorižed torguindrived vl 2019
Вид на город Вязники с реки Клязьмы.jpg

Lidnan nägu Kläz'm-jogelpäi (2012)
Väznikad-päraudtestancii vl 2019

Homaičendad

Irdkosketused

Lidnan i Väznikan rajonan tobmuden sait (adm-vyaz.ru). (ven.)

	Vladimiran agjan lidnad
	Aleksandrov \| Gorohovec \| Gus' Hrustal'nii \| Jur'jev Pol'skii \| Kameškovo \| Karabanovo \| Kiržač \| Kol'čugino \| Kosterövo \| Kovrov \| Kurlovo \| Lakinsk \| Melenkad \| Murom \| Petuškad \| Pokrov \| Radužnii \| Sobink \| Strunino \| Sudogd \| Suzdal' \| Vladimir \| Väznikad

[_72993c059dbea415-1] OKTMO. 179/2016.

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Väznikan pühäpertid sobory.ru-saital. (ven.)

[4] Väznikan tehniž-ekonomižen kolledžan sait (t130631.spo.obrazovanie33.ru). (ven.)

[1]

[2]

[3]

[4]