Sudogd

Sudogd
Герб
55°57′00″ с. ш. 40°52′00″ в. д.
Valdkund	Venäma
Istorii da geografii
Pind	12
Высота	100
Eläjad
Eläjad	▲10 408 чел. (2021)
Lugud
Telefonan kod	49235
Počtan indeksad	601350
Официальный сайт
Mediafailad RUWIKI-tedoiš

Sudogd (ven.: Су́догда) om Venäman lidn da lidnankund Vladimiran agjan keskuses. Se om Sudogdan rajonan administrativine keskuz da üks'jäine lidn.

Istorii

Eländpunkt mainitase ezmäižen kerdan vl 1552 kuti Jamskai-slabad (ven.: Ямская слобода). 17. voz'sadal — Sudogodskai-slabad, nimitadud jogen mödhe. Se sai lidnan statusad vl 1778 nügüdläiženke nimenke. Lujad lämoipalod oliba lidnas vozil 1806 (pertid da jumalanpertid puspäi paloiba lophu) i 1838. Vl 1879 saudihe pölvhan kuidfabrikad, vl 1897 — butulktegint.

Sudogdan ižandusen päsarakod oma sauvondmaterialiden pästand (stökol- da bazal'tkuid, katuzlehtesed, tehnižed kanghad 1960-nziš vozišpäi) i stökolplastikan pästand, mugažo omblendfabrik i maidtegim ratas lidnas.

Geografijan andmused

Lidn sijadase Sudogd-jogen randal (116 km pitte, Kläz'man oiged ližajogi, Volgan bassein), 100 m ü.m.t. keskmäižel korktusel. Matkad Vladimirhasai om 40 km lodeheze. Istorine keskuz sijadase Sudogdan hural randal, uded fartalad — oiktal randpolel. «Vladimir — Murom»-avtotekeskust ümbärdab lidnad pohjoižespäi.

Sudogd om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 11 848 ristitud. Kaikiš suremb ristitišt oli enamba 14 tuhad eläjid vozil 1989−2001.

Ortodoksižen hristanuskondan kaks' pühäpertid oma avaitud lidnas: ph. Jekaterinan päjumalanpert' (1806−1814, udessündutadud vll 1891, 1999−2013) i ph. Aleksandr Nevalaižen jumalanpert' (1870).

Professionaližen opendusen aluzkundad ratas lähembaižiš lidnoiš.

Transport

Reisavtobusad ühtenzoittas lidnad lähižidenke eländpunktoidenke.

Ende raudtesarak «Kovrov — Murom»-keskustan Volosatai-stancijaspäi lopihe lidnas. Vl 2006 se oli likvidiruidud «Sudogd — Nerudnai»-keskustal.

Galerei

• 

  Lidnan administracijan sauvuz i kodirandantedištandmuzei (2007)

• Екатерининский собор в Судогде.jpg

  Ph. Jekaterinan päjumalanpert', vn 2017 nägu

• Судогда. ЦУМ - panoramio.jpg

  Torguindkeskuz vl 2011

• Культурно-досуговый центр "Родина". Судогда.jpg

  Kul'turan da joudan «Rodina»-keskuz (2019, Kodima)

• Мемориал Судогодцам, воевавшим в Великой Отечественной войне (4).jpg

  Memorial ühtnenuzile Surhe sodaha Sudogdan eläjile (2019)

Homaičendad

Irdkosketused

• Lidnan sijaližen tobmuden aluzkundoiden oficialine sait (sudogdagorod.ru). (ven.)