Murom

	Murom
	Fail:Murom-trinity-cathedral.jpg
Флаг[d]	Герб
	55°34′21″ с. ш. 42°03′05″ в. д.GЯO
Valdkund	Venäma;
Глава	Evgeny Evgenievich Rychkov[d]
Istorii da geografii
Pind	44;
Высота	115
Aigvö	UTC+3:00[d]
Ekonomik
Eläjad
Eläjad	▲107 497 чел. (2021);
Lugud
Telefonan kod	49234
Počtan indeksad	602200
-
	Официальный сайт
	lugeda • diskussii • redaktiruida

Murom (Alalidnan agjanke. Se om agjan koumanz' lidn eläjiden lugun mödhe, om olmas Muroman lidnümbrikon i Muroman rajonan administrativižeks keskuseks, ei mülü rajonha.

Istorii

Eländpunkt mainitase ezmäižen kerdan vl 862 «Aigvoziden starinos» (amuižven. Повѣсть времѧнныхъ лѣтъ) alištunuziden Rürik-ruhtinasele lidnoiden keskes. 10.-11. voz'sadoil Murom — torguindan järed keskuz. Vozil 1127−1392 lidn oli Muroman ruhtinazkundan keskusen.

Vspäi 1778 tegihe makundan lidnaks Vladimiran gubernijas. Vll 1792 i 1805 lujad lämoipalod mureniba vanhad puišt pertištod radialiženke planiruindanke, i vn 1788 generaližen planan uz' oigedsaumaine irdoiden planiruind om oletadud 19. voz'sadal.

Muroman ižandusen päsarakod oma radioladimiden tehmine, transportmašiništ (lämuzvedimed, kärauzimed), metalližkonstrukcijoiden tehmine, sauvondmaterialiden tegimed (faner, raudbeton, katusenmaterialad), tekstil'tegimišt, sömtegimišt (leibän i jauhon pästand).

Geografijan andmused

Lidn sijadase tazos tahondas, Okanjogen hural randal, 115 m ü.m.t. keskmäižel korktusel. Matkad Vladimirhasai om 120 km lodeheze orhal vai 135 km avtotedme. Lähembaine lidn om Navašino (Alalidnan agj) vides kilometras päivnouzmha orhal, raudtedme vai avtotedme.

Koume žilod da kuz' küläd mülüdas lidnümbrikho Muroman ližaks.

Eläjad

Vn 2010 Venäman rahvahanlugemižen mödhe lidnan eläjiden lugu oli 116 075 ristitud, lidnümbrikon — 125 231 ristitud. Kaikiš suremb lidnan ristitišt oli 143 tuhad eläjid vl 1996, necil vodel ühtištuihe lidnanvuittušt Verbovskii-žilod lidnanke. Vl 2017 kaik 109 809 ristitud elihe lidnas i 118 743 ristitud kaikes lidnümbrikos.

Ortodoksižen hristanuskondan Sündun Voznesenjan kafedraline päjumalanpert', viž amušt jumalankodid^[3], äiluguižed jumalanpertid da časounäd oma olmas lidnas, mugažo islaman pühäpert' vspäi 2007.

Professionaližen opendusen aluzkundad: industrialine^[4], radioelektronižen ladimidensauvomižen^[5], tegimištoliž-gumanitarine^[6], medicine i pedagogine kolledžad, üläopendusen Moskvan i Vladimiran aluzkundoiden koume filialad.

Transport

Avtobusad da taksid oma kundaližeks transportaks lidnas. Rippui avtotesild ühtenzoitab Okan randoid vn 2009 redukuspäi.

Vl 1880 raudte ühtenzoiti lidnad Kovrovanke. Vspäi 1910 Murom I-raudtestancii da vspäi 1912 raudtesild Okas päliči oma olmas «Moskv — Kazan'»-raudtekeskustal, kiruhjonused ajeltas sil.

Jogiport om lidnas, voib kävutada sidä jüguiden täht, no vaiše turistlaivad ujudas.

Galerei

20150621 Муром пл.1100-летия Мурома здание администрации.JPG

Lidnümbrikon administracijan sauvuz (2015)
Lidnan muzejan üks' sauvusišpäi (2015, ende Zvorikinad-torgovanoiden usadib)
Murom. Transfiguration monastery P5231173 2350.jpg

Spasan Toižetamižen mez'jumalankodi, vn 2019 nägu
Ансамбль Троицкого монастыря.jpg

Ph. Stroican naižjumalankodin ühtennimine päjumalanpert' i Manmehen torg, vn 2016 nägu
Aelita synthesizer.jpg

«Aelita»-sintezator, om tehtud Muroman radiosoitoiden tegimel 1980-nzil vozil
Somuzvedim-muštnik vl 2016
Дворец культуры Муром.jpg

Kul'turkeskuz Muroman 1100-nden voz'päivän nimed (2010)
Муром, Красноармейская, 29, сейчас в этом здании находится детская поликлиника.jpg

Lapsiden poliklinik (2017)
Avtotesild Okas päliči vl 2013
Murom I-raudtestancijan sauvuz vl 2017

Homaičendad

Irdkosketused

Lidnümbrikon tobmuden aluzkundoiden oficialine sait (murom.info). (ven.)

Murom Vikiaitas

	Vladimiran agjan lidnad
	Aleksandrov \| Gorohovec \| Gus' Hrustal'nii \| Jur'jev Pol'skii \| Kameškovo \| Karabanovo \| Kiržač \| Kol'čugino \| Kosterövo \| Kovrov \| Kurlovo \| Lakinsk \| Melenkad \| Murom \| Petuškad \| Pokrov \| Radužnii \| Sobink \| Strunino \| Sudogd \| Suzdal' \| Vladimir \| Väznikad

[_72993c059dbea415-1] 1,0 ^1,1 OKTMO. 179/2016.

[_15bd2465f028e4c3-2] 2,0 ^2,1 https://rosstat.gov.ru/storage/mediabank/tab-5_VPN-2020.xlsx

[3] Muroman pühäpertid sobory.ru-saital. (ven.)

[4] Muroman industrialižen kolledžan sait (mikmurom.ru). (ven.)

[5] Muroman radioelektronižen ladimidensauvomižen kolledžan sait (mkrp.org). (ven.)

[6] Muroman tegimištoliž-gumanitarižen kolledžan sait (mpgk.info). (ven.)

[1]

[2]

[3]

[4]

[5]

[6]