Jur'jev Pol'skii

	Jur'jev Pol'skii
Флаг	Герб[d]
	56°30′00″ с. ш. 39°41′00″ в. д.GЯO
Valdkund	Venäma;
Istorii da geografii
Pind	10;
Высота	140
Ekonomik
Eläjad
Eläjad	▼17 276 чел. (2021);
Lugud
Telefonan kod	49246
Počtan indeksad	601800
-
	Официальный сайт
	lugeda • diskussii • redaktiruida

Jur'jev Pol'skii (Jur'jev Pol'skijan rajonan administrativine keskuz.

Istorii

Eländpunktan aluz om pandud vl 1152 Jurii Dolgorukii-ruhtinasen käskön mödhe lidnuseks lidnan statusanke. Nimitihe lidnad Dolgorukijan nimen mödhe. Eziauguižešti mainitihe aigkirjoiš Gürgev, Gergev, ližazihe Pol'skii erištamha Jur'jevecaspäi. Lidn oli penen Jur'jevan ruhtinazkundan keskusen vozil 1213−1340, oli Vladimiran ruhtinasiden poles, vspäi 1340 Moskvan ruhtinazkundan palaks. Oli mülünu Vladimiran gubernijha makundan lidnaks vspäi 1796.

Lidn eli lujas lämoipalos läbi vl 1871, sen jäl'ghe palanuded torguindrived oma udessaudud kivespäi. Jur'jev Pol'skii-raudtestancii radab vspäi 1898. Kaik 13 kanghiden edheotandad radoiba lidnas 20. voz'sadan augotišes.

Jur'jev Pol'skii šingotase elektromašiništon tegimel sidon sarakon täht, kanghiden «Avangard»-fabrikal (ribuikahad, meblin täht i kebnad kanghad), sömtegimištol (razvitoman maidon tegim, lihakombinat).

Geografijan andmused

Lidn sijadase Kolokš-jogen molembil randoil (Kläz'man hura ližajogi), maižanduzrajonan keskuses, 140 m ü.m.t. keskmäižel korktusel. Matkad Vladimiraspäi om 60 km lodeheze orhal vai 68 km avtotedme. Lähembaižed lidnad om Kol'čugino 30 km suvipäivlaskmha orhal vai avtotedme i Gavrilov Posad (Ivanovon agj) 28 km päivnouzmha orhal vai 42 km avtotel/raudtel.

Jur'jev Pol'skii om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 19 595 ristitud. Kaikiš suremb ristitišt oli 22 096 rist. vl 1970 i 22 247 eläjad vl 1989.

Ortodoksižen hristanuskondan nened pühäpertid^[3] oma olmas lidnas: ph. Jurgii-vägestusenkandajan päjumalanpert' (1230−1234), Mikoi-arhangelan mez'jumalankodi i muzei (17. voz'sada, ühtennimine päjumalanpert' i koume jumalanpertid), Jumalanmaman Tulendan Nikonovskii-mez'jumalankodi (kaks' jumalanpertid), phh. Pedroin da Pauloin naižjumalankodi (19. voz'sada, jumalanpertinke, völ kaks' jumalanpertid tarbhaitas restavracijad), ph. Stroican päjumalanpert' i kuz' jumalanpertid.

Industrialiž-gumanitarine kolledž^[4] om professionaližen opendusen aluzkundaks.

Galerei

Здание Пожарного депо, город Юрьев-Польский.JPG

Lämoipalonvastaine palakund (2015)
Mikoi-arhangelan mez'jumalankodi i muzei amuižen Kremlin sijas, vn 2018 nägu
Торговые ряды грод Юрьев-Польский.JPG

Torguindrived vl 2015
Реальное училище, 1911 год.JPG

Keskškol nomer 1 (2015)
Покровская и Никитская церкви.JPG

Jumalanmaman Katken (huralpäi) i ph. Nikita-moknikan (oiktalpäi) jumalanpertid vl 2015

Homaičendad

Irdkosketused

Jur'jev Pol'skii-lidnan tobmuden sait (gorod.yp33.ru). (ven.)

Jur'jev Pol'skii Vikiaitas

	Vladimiran agjan lidnad
	Aleksandrov \| Gorohovec \| Gus' Hrustal'nii \| Jur'jev Pol'skii \| Kameškovo \| Karabanovo \| Kiržač \| Kol'čugino \| Kosterövo \| Kovrov \| Kurlovo \| Lakinsk \| Melenkad \| Murom \| Petuškad \| Pokrov \| Radužnii \| Sobink \| Strunino \| Sudogd \| Suzdal' \| Vladimir \| Väznikad

[_72993c059dbea415-1] 1,0 ^1,1 OKTMO. 179/2016.

[_15bd2465f028e4c3-2] 2,0 ^2,1 https://rosstat.gov.ru/storage/mediabank/tab-5_VPN-2020.xlsx

[3] Jur'jev Pol'skijan pühäpertid sobory.ru-saital. (ven.)

[4] Jur'jev Pol'skijan industrialiž-gumanitarižen kolledžan sait (ypigk.spo.obrazovanie33.ru). (ven.)

[1]

[2]

[3]

[4]