Gavrilov Posad

Gavrilov Posad
Gavrilov Posad
Флаг[d]	Герб
	56°34′00″ с. ш. 40°07′00″ в. д.GЯO
Valdkund	Venäma;
Istorii da geografii
Tegemižen päiv	1434
Высота	120
Eläjad
Eläjad	▼5429 чел. (2021);
Lugud
Telefonan kod	49355
Počtan indeksad	155000
	Официальный сайт
	Mediafailad RUWIKI-tedoiš

Gavrilov Posad (ven.: Гаври́лов Поса́д) om Venäman lidn da lidnankund Ivanovon agjan suvipäivlaskmas. Se om Gavrilov Posadan rajonan administrativine keskuz.

Istorii

Eländpunkt mainitase ezmäižen kerdan vl 1434 kuti Gavrilovskoje-žilo. 17. voz'sadaspäi Gavrilovskai-slabad šingotihe Moskvan ruhtinasiden hebonvodindfermal. Slabad sai lidnan statusad vl 1789.

Gavrilov Posad šingotase hebonvodindfermal tähäsai i omblendedheotandoil.

Geografijan andmused

Lidn sijadase Irmes-jogen randoil (ven.: Ирмес vai Ирспис 70 km pitte, Kläz'man hurapol'ne bassein), 120 m ü.m.t. keskmäižel korktusel. Voimig-jogi (ven. Воймига 36 km pitte) lankteb Irmesha huralpäi lidnas. Matkad Vladimiran agjhasai om 10 km päivlaskmha i 10 km suvhe orhal, Ivanovohosai om 71 km pohjoižpäivnouzmha orhal, 92 km avtotel vai raudtel. Lähembaižed lidnad oma Teikovo 42 km pohjoižpäivnouzmha orhal, 48 km avtotedme vai raudtedme, Suzdal' (Vladimiran agj) 26 km suvipäivnouzmha orhal vai 29 km avtotedme, i Jur'jev Pol'skii (Vladimiran agj) 28 km päivlaskmha-suvipäivlaskmha orhal, 41 km avtotedme vai raudtedme. Gavrilov Posad-stancii radab lidnan pohjoižes «Aleksandrov — Ivanovo»-raudtekeskustal.

Kaik ühesa žilod (sidä kesken koume kaikenaigaižeta ristitištota) i kaks' küläd mülüdas lidnankundha Gavrilov Posadan ližaks. Lidnankundan pind — 96,81 km².

Eläjad

Vl 1939 lidnan ristitišt oli 6 139 eläjad. Vn 2010 Venäman rahvahanlugemižen mödhe lidnan eläjiden lugu oli 6 434 ristitud, lidnankundan — 7 130 ristitud, rajonan kaks' videndest. Kaikiš suremb ristitišt oli enamba kahesad tuhad eläjid vozil 1989−1998 (8 500 rist. vl 1992). Vl 2017 kaik 5 715 ristitud elihe lidnas i 6 370 ristitud kaikes lidnankundas.

Rahvahad (2010): venälaižed — 95,3%, armenijalaižed — 1,1%, toižed rahvahad — 3,6%.

Ortodoksižen hristanuskondan koume jumalanpertid^[3] i Jumalanmaman Smolenskan jumalaižen časoun' oma olmas lidnas. Jumalanpertid oma Illä-endustajan, Mikulai-čudonsädajan, Mikoi-arhangelan.

Professionaližen opendusen aluzkundad sijadasoiš lähembaižiš lidnoiš.

Edeline lidnankundan pämez' (Nevondkundan ezimez') oli Vitalii Sidorov (sulaku 2010 — tal'vku 2021, koli).

Galerei

Hüvinlattüd Nevondkundaline torg (2021, ven.: Советская площадь)
Illä-endustajan jumalanpert', vn 2017 nägu
Hebonvodindferm lidnas vl 2014
Торговые ряды г. Гаврилов Посад.jpg

Istorižed torguindrived vl 2020

Homaičendad

Irdkosketused

Lidnankundan oficialine sait (adm-gorpos.ru). (ven.) (angl.) (saks.)
Lidnankundan lehtpoled rajonan гаврилово-посадский.рф-saital. (ven.) (angl.) (saks.)

	Ivanovon agjan lidnad
	Furmanov \| Gavrilov Posad \| Ivanovo \| Jurjevec \| Juž \| Kinešm \| Kohm \| Komsomol'sk \| Navoloki \| Plös \| Privolžsk \| Pučež \| Rodniki \| Šui \| Zavolžsk \| Teikovo \| Vičug

[_72993c059dbea415-1] OKTMO. 179/2016.

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Gavrilov Posadan pühäpertid sobory.ru-saital. (ven.)

[1]

[2]

[3]