Teikovo
| Teikovo | |||||
|---|---|---|---|---|---|
 | |||||
|
|||||
| 56°51′ с. ш. 40°33′ в. д.GЯO | |||||
| Valdkund | |||||
| Istorii da geografii | |||||
| Tegemižen päiv | XVII век | ||||
| Pind |
|
||||
| Высота | 125 | ||||
| Eläjad | |||||
| Eläjad |
|
||||
| Lugud | |||||
| Telefonan kod | 49343 | ||||
| Počtan indeksad | 155040–155048 | ||||
|
|
|||||
| Официальный сайт | |||||
 Mediafailad RUWIKI-tedoiš | |||||
![Флаг[d]](/wiki/Fail:Flag_of_Teykovo_(Ivanovo_oblast).png)
Teikovo (ven.: Те́йково) om Venäman lidn da lidnümbrik Ivanovon agjan päivlaskmas. Se om agjan kudenz' lidn eläjiden lugun mödhe, Teikovon rajonan administrativine keskuz (ei mülü sihe).
Istorii
Eländpunkt mainitaškanzihe kuti Teikovo-žilo (ven.: село Тейково) manmehiden vasthalibundoiden tagut 17. voz'sadan augotišes. Ezmäižen kangazfabrikan aluz oli pandud Teikovoho vl 1787. Žilo sai lidnan statusad vn 1918 6. päiväl sügüz'kud. Raketsodavägiden 54. divizii baziruiše sodalidnudes vspäi 1961.
Teikovo šingotase bumagkanghiden kombinatal[3], omblendtegimištol, sauvondmaterialiden pästandal (fanerankombinat, sendvičpaneliden tehmine, geokanghan edheotand), mugažo mašinansauvomižen tegim radab (aviapalad, poltuzpompad) i kombisötken tegim om olmas.
Geografijan andmused
Lidn sijadase Väz'm-jogen randoil (ven.: Вязьма 86 km pitte, Kläz'man hurapol'ne bassein), 125 m ü.m.t. keskmäižel korktusel. Matkad Ivanovon röunhasai om 25 km pohjoižpäivnouzmha orhal, 29 km avtotel vai raudtel. Toižed lähembaižed lidnad oma Kohm 35 km päivnouzmha-pohjoižpäivnouzmha orhal, 45 km avtotedme vai raudtedme, i Komsomol'sk 22 km pohjoižhe-lodeheze orhal vai 31 km avtotedme. Teikovo-raudtestancii radab lidnan päivnouzmaižel röunal vspäi 1896.
Teikovo om lidnümbrikon üks'jäine eländpunkt.
Eläjad
Vl 1939 lidnan ristitišt oli 30 294 eläjad. Vn 2010 Venäman rahvahanlugemižen mödhe lidnan eläjiden lugu oli 34 976 ristitud. Kaikiš suremb ristitišt oli 41 607 rist. vl 1970 i 38..39 tuhad eläjid vozil 1989−2001.
Rahvahad (2010): venälaižed — 94,3%, ukrainalaižed — 1,9%, toižed rahvahad — 3,8%.
Ortodoksižen hristanuskondan Mikulai-čudonsädajan päjumalanpert' (1795−1833), koume jumalanpertid[4] i kaks' časounäd oma olmas lidnas.
Teikovon industrialine kolledž[5] i Teikovon äiprofil'ne kolledž[6] oma professionaližen opendusen aluzkundoikš. Keskopendusen aluzkundad oma školad nomer 1, 2, 4, 10 i gimnazii nomer 3.
Galerei
- Главная площадь - panoramio (1).jpg
Kul'turkeskuz Leninan nimed ühtennimižel torgul (2010)
- Тейково, храмовый комплекс.jpg
Mikulai-čudonsädajan päjumalanpert' (huralpäi) i Illä-endustajan jumalanpert', vn 2018 nägu
- Тейковский хлопчатобумажный комбинат.jpg
Teikovon bumagkanghiden kombinat vl 2018
- Комбикормовый завод. - panoramio.jpg
Kombisötken tegim vl 2010
- Vokzal Tejkovo - panoramio.jpg
Teikovo-päraudtestancii vl 2007
Homaičendad
- ↑ OKTMO. 179/2016.
- ↑ https://rosstat.gov.ru/storage/mediabank/tab-5_VPN-2020.xlsx
- ↑ Teikovon bumagkanghiden kombinatan sait (teikovo.com). (ven.)
- ↑ Teikovon pühäpertid sobory.ru-saital. (ven.)
- ↑ Teikovon industrialižen kolledžan sait (pl-24.ru). (ven.)
- ↑ Teikovon äiprofil'žen kolledžan sait (npu19.ru). (ven.)
Irdkosketused
- Lidnümbrikon Administracijan i Duman sait (городтейково.рф). (ven.) (angl.) (saks.) (fr.) (ital.)
- Teikovo-lidnan istorijan muzejan sait (музей-тейково.рф). (ven.)
| Ivanovon agjan lidnad | ||
| Furmanov | Gavrilov Posad | Ivanovo | Jurjevec | Juž | Kinešm | Kohm | Komsomol'sk | Navoloki | Plös | Privolžsk | Pučež | Rodniki | Šui | Zavolžsk | Teikovo | Vičug | ||