Navoloki
| Navoloki | |||||
|---|---|---|---|---|---|
|
|||||
| 57°28′00″ с. ш. 41°58′00″ в. д.GЯO | |||||
| Valdkund | |||||
| Istorii da geografii | |||||
| Высота | 120 | ||||
| Eläjad | |||||
| Eläjad |
|
||||
| Lugud | |||||
| Telefonan kod | 49331 | ||||
| Počtan indeksad | 155830 | ||||
|
|
|||||
| Официальный сайт | |||||
 Mediafailad RUWIKI-tedoiš | |||||
![Флаг[d]](/wiki/Fail:Flag_of_Navoloki_(Ivanovo_oblast).png)
.png)
Navoloki (ven.: На́волоки) om Venäman lidn da lidnankund Ivanovon agjan pohjoižpäivnouzmas. Se om Kinešman rajonan üks'jäine lidn.
Istorii
Eländpunkt mainitase ezmäižen kerdan vl 1775. Vl 1880 Vičugan torgovanoiden kanghiden fabrik radaškanzi žilos. Radnikžilo vspäi 1925, sai lidnan statusad vl 1938. Vll 1935−1958 oli Navolokin rajonan keskuseks.
Navoloki šingotase tekstiližel tegimištol: bumagkanghiden kombinat, omblendfabrik.
Geografijan andmused
Lidn sijadase rajonan lodehližes čogas, Volgan Gor'kijan vezivaradimen oiktal randal, 120 m ü.m.t. keskmäižel korktusel. Matkad Ivanovohosai om 80 km suvipäivlaskmha orhal vai 111 km avtotel. Toižed lähembaižed lidnad oma Kinešm-rajonankeskuz i Zavolžsk (raudtestancijad) 10 km päivnouzmha orhal vai avtotedme. Raudtesarak tuleb Kinešmaspäi, se radab vaiše jüguiden täht.
Koume žilod i 15 küläd mülüdas lidnankundha Navolokin ližaks, sidä kesken kuz' küläd kaikenaigaižeta ristitištota vl 2010. Lidnankundan pind — 94,97 km².
Eläjad
Vl 1939 lidnan ristitišt oli 12 301 eläjad. Vn 2010 Venäman rahvahanlugemižen mödhe lidnan eläjiden lugu oli 10 206 ristitud, lidnankundan — 13 475 ristitud, rajonan koume videndest. Kaikiš suremb lidnan ristitišt oli enamba 13 tuhad eläjid vozil 1959−1970 (13 832 rist. vl 1959). Kaik 9 546 ristitud elihe lidnas i 12 639 ristitud kaikes lidnankundas vl 2017.
Rahvahad (2010): venälaižed — 97,0%, ukrainalaižed — 1,4%, toižed rahvahad — 1,6%.
Ortodoksižen hristanuskondan üks'jäine pühäpert'[3] om olmas lidnas, se om Jumalanmaman Emäganpäivän jumalanpert' (1785).
Professionaližen opendusen lähembaižed aluzkundad ratas lähembaižiš lidnoiš.
Edeline lidnankundan (sen Administracijan) pämez' om Viktor Ivanov (kül'mku 2015 — sügüz'ku 2020).
Homaičendad
Irdkosketused
| Ivanovon agjan lidnad | ||
| Furmanov | Gavrilov Posad | Ivanovo | Jurjevec | Juž | Kinešm | Kohm | Komsomol'sk | Navoloki | Plös | Privolžsk | Pučež | Rodniki | Šui | Zavolžsk | Teikovo | Vičug | ||