Privolžsk

Privolžsk
Privolžsk
Флаг[d]	Герб
	57°23′00″ с. ш. 41°17′00″ в. д.GЯO
Valdkund	Venäma;
Istorii da geografii
Pind	16;
Высота	110
Aigvö	UTC+3[d]
Eläjad
Eläjad	▼14 332 чел. (2021);
Lugud
Telefonan kod	49339
Počtan indeksad	155550
	Официальный сайт
	Mediafailad RUWIKI-tedoiš

Privolžsk (ven.: Приво́лжск) om Venäman lidn da lidnankund Ivanovon agjan pohjoižes. Se om Privolžskan rajonan administrativine keskuz (vspäi 1983) i kaikiš suremb lidn.

Istorii

Eländpunkt mainitase ezmäižen kerdan Semön Peškov-Saburov-bajarin kirjeižes vl 1485 kuti Jakovlevskoje-žilo (ven.: село Яковлевское). Vl 1924 kändihe Sur' Jakovlevskoje-žilod Jakovlevskii-radnikžiloks. Se sai lidnan statusad nügüdläiženke nimitusenke vn 1938 26. päiväl redukud.

Privolžsk šingotase pölvazkombinatal (kanghad, pühkmed), kahtel juvelirtegimel^[3]^[4] i penil juveliredheotandoil.

Geografijan andmused

Lidn sijadase Šač-jogen (ven.: Шача 58 km pitte, Volgan oiged ližajogi) i Ingar-jogen randoil (ven.: Ингар 14 km pitte), 110 m ü.m.t. keskmäižel korktusel. Matkad Kostroman agjhasai om 2 km pohjoižhe orhal, Ivanovon keskushesai om 46 km suvhe-suvipäivlaskmha orhal, 51 km avtotel vai raudtel. Lähembaižed lidnad oma Volgorečensk (Kostroman agj) 6 km lodeheze orhal vai 10 km avtotedme, Plös 16 km pohjoižpäivnouzmha orhal vai 18 km avtotedme, i Furmanov 18 km suvipäivlaskmha orhal, 20 km avtotedme vai raudtedme. Raudtesarak radab vaiše jüguiden täht.

Privolžsk om lidnankundan üks'jäine eländpunkt. Lidnankundan pind — 16 km².

Eläjad

Vl 1939 lidnan ristitišt oli 14 669 eläjad. Vn 2010 Venäman rahvahanlugemižen mödhe lidnan eläjiden lugu oli 16 747 ristitud, rajonan koume videndest. Kaikiš suremb ristitišt oli 19..21 tuhad eläjid vozil 1967−1998 (21 tuh. rist. vl 1967).

Rahvahad (2010): venälaižed — 96,5%, toižed rahvahad — 3,5%.

Ortodoksižen hristanuskondan Nikol'skii-naižjumalankodi ph. Mikulai-čudonsädajan jumalanpertinke (1779) i koume časounäd^[5] oma avaitud lidnas, vanhuskolaižiden Jumalanmaman Kazanin jumalaižen časoun' (1882) om kaičenus.

Professionaližen opendusen aluzkund om Furmanovan tehnižen kolledžan Privolžskan palakund.

Galerei

Privolzhsk road.jpg

Znam lidnan röunal
Приволжск - panoramio.jpg

Ph. Mikulai-čudonsädajan jumalanpert' kellčuhundusenke, vn 2011 nägu
Часовня.png

Vanhuskolaižiden Jumalanmaman Kazanin jumalaižen časoun', vn 2018 nägu
Kul'turkeskuz (2019)
Въезд в Приволжск со стороны Плеса - panoramio.jpg

Tulend lidnha Plösan polespäi vl 2011

Homaičendad

Irdkosketused

Lidnankundan lehtpoled rajonan oficialižel privadmin.ru-saital. (ven.)

	Ivanovon agjan lidnad
	Furmanov \| Gavrilov Posad \| Ivanovo \| Jurjevec \| Juž \| Kinešm \| Kohm \| Komsomol'sk \| Navoloki \| Plös \| Privolžsk \| Pučež \| Rodniki \| Šui \| Zavolžsk \| Teikovo \| Vičug

[_72993c059dbea415-1] OKTMO. 179/2016.

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Privolžsk «Krasnaja Presnä»-juvelirtegimen sait (kr-presnya.ru). (ven.)

[4] «Privolžskan juvelir»-fabrikan sait (pjew.ru). (ven.)

[5] Privolžskan pühäpertid sobory.ru-saital. (ven.)

[1]

[2]

[3]

[4]

[5]