Jurjevec
| Jurjevec | |||||
|---|---|---|---|---|---|
 | |||||
|
|||||
| 57°19′00″ с. ш. 43°06′00″ в. д.GЯO | |||||
| Valdkund | |||||
| Istorii da geografii | |||||
| Tegemižen päiv | 1225[2] | ||||
| Pind |
|
||||
| Высота | 120 | ||||
| Aigvö | UTC+3[d] | ||||
| Eläjad | |||||
| Eläjad |
|
||||
| Lugud | |||||
| Telefonan kod | 49337 | ||||
| Počtan indeksad | 155453 | ||||
|
|
|||||
| Официальный сайт | |||||
 Mediafailad RUWIKI-tedoiš | |||||
.png)
.png)
Jurjevec (ven.: Ю́рьевец) om Venäman lidn da lidnankund Ivanovon agjan pohjoižpäivnouzmas. Se om Jurjevecan rajonan administrativine keskuz.
Istorii
Eländpunktan alusenpanendan oficialine voz' om 1225, Vladimiran Jurii II-ruhtinaz pani lidnusen alust kaičemha röunad londoišpäi. Edeližed nimitused: Jurjev-Povol'skii (ven.: Юрьев-Повольский, Georgijevsk, Jurjev-Povolžskii. Žilo sai lidnan statusad vl 1778. Vll 1955−1957 Gor'kijan vezivaradim om täuttud, lidnan istorižen keskusen pala sijadase pol'tošt metrad alemba veden järgelišt pindad i kaičese dambal.
Jurjevec šingotase omblendcehal da turizmal, betontegesiden, tualetbumagan i meblin tehmižel. Ende pölvhanfabrik, leibtegim i punümbriradai kombinat radoiba mugažo.
Geografijan andmused
Lidn sijadase pidust' Volgan Gor'kijan vezivaradimen oiktad randad, 120 m ü.m.t. keskmäižel korktusel. Vezivaradimen tazopind om 84 m ü.m.t., 15 kilometrhasai levette lidnad vaste. Kavag'mec om lidnan taga. Matkad Alalidnan agjhasai om koume..viž kilometrad päivnouzmha orhal (sar' vezivaradimes), Ivanovohosai om 134 km päivlaskmha-suvipäivlaskmha orhal vai 166 km avtotel. Lähembaižed lidnad oma Pučež 39 km suvhe orhal vai 50 km avtotedme, i Kinešm (raudtestancii) 60 km päivlaskmha orhal vai 63 km avtotedme.
Jurjevec om lidnankundan üks'jäine eländpunkt. Lidnankundan pind — 9,11 km².
Eläjad
Vl 1939 lidnan ristitišt oli 15 508 eläjad. Vn 2010 Venäman rahvahanlugemižen mödhe lidnan eläjiden lugu oli 10 210 ristitud, rajonan viž kahesandest. Kaikiš suremb ristitišt oli 19..21 tuhad eläjid vozil 1959−1974 (21 tuh. rist. vl 1967).
Rahvahad (2010): venälaižed — 98,5 %, toižed rahvahad — 1,5 %.
Ortodoksižen hristanuskondan kuz'toštkümne pühäpertid[4] oma olmas lidnas: Sündun Tulendan Jerusalimha (1733, om ližasaudud vl 1806) i Jumalanmaman Emäganpäivän (1825−1833) päjumalanpertid, kümne jumalanpertid i nell' časounäd.
Jurjevecan agrotegimištoline kolledž[5] om professionaližen opendusen aluzkundaks.
Edeline lidnankundan pämez' (Nevondkundan ezimez') om Svetlana Baranova (reduku 2015 — kül'mku 2020).
Galerei
Georgijevskai-torg Jurjevecan rajonan administracijanke (huralpäi) i ph. Jurgijan jumalanpertinke kellčuhunduses (2008)
Päjumalanpertiden kompleks, vn 2013 nägu
- Юрьевец - Торговые ряды общий вид в 2020 году.jpg
19. voz'sadan torguindrived vl 2020
- Yurievets Riverfront Area 02.jpg
Puišt randirdal (2020)
Istorijan i čomamahtoiden muzei (2011, ende lidnan Flägin-pämehen pert')
Homaičendad
- ↑ OKTMO. 179/2016.
- ↑ А. Ф. С. Юрьевец (рус.) // Энциклопедический словарь — СПб.: Брокгауз — Ефрон, 1904. — Т. XLI. — С. 433—434.
- ↑ https://rosstat.gov.ru/storage/mediabank/tab-5_VPN-2020.xlsx
- ↑ Jurjevecan pühäpertid sobory.ru-saital.(ven.)
- ↑ Jurjevecan agrotegimištoližen kolledžan sait (юрьевецкий-апк.рф).(ven.) (angl.)(saks.)
Irdkosketused
- Lidnankundan i Jurjevecan rajonan tobmuden юрьевец-официальный.рф-sait.(ven.)
- Lidnan da rajonan kodirandantedištandan sait (yurevets37.ru).(ven.)
| Ivanovon agjan lidnad | ||
| Furmanov | Gavrilov Posad | Ivanovo | Jurjevec | Juž | Kinešm | Kohm | Komsomol'sk | Navoloki | Plös | Privolžsk | Pučež | Rodniki | Šui | Zavolžsk | Teikovo | Vičug | ||