Sobink

Sobink
Флаг[d] Герб
55°59′24″ с. ш. 40°01′00″ в. д.
Valdkund	Venäma
Istorii da geografii
Pind	19,68
Высота	105
Eläjad
Eläjad	▲17 444 чел. (2021)
Lugud
Telefonan kod	49242
Počtan indeksad	601200
Официальный сайт
Mediafailad RUWIKI-tedoiš

Sobink (ven.: Со́бинка) om Venäman lidn da lidnankund Vladimiran agjan keskuzpalan päivlaskmas. Se om Sobinkan rajonan administrativine keskuz, vspäi 2008 mülüb rajonha.

Istorii

Eländpunktan aluz om pandud vl 1858 kuti Sobink-radnikžilo tekstil'fabrikanno. Vspäi 1929 om Sobinkan rajonan keskuseks. Vn 1939 18. päiväl sügüz'kud radnikžilo sai lidnan statusad.

Sobink šingotase puvillkanghiden pästandal i sömtegimištol (leibänkombinat da konditerine «Bol'ševik»-fabrik), mugažo kaks' omblendfabrikad ratas (radsobad, sportsobad, modaižed sobad).

Geografijan andmused

Lidn sijadase Meščoran alangišton lodehližes palas, Kläz'm-jogen oiktal randal tobjimalaz (Volgan bassein), 105 m keskmäižel korktusel valdmeren pindan päl. Matkad Vladimirhasai om 37 km pohjoižpäivnouzmha.

Sobink om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 19 482 ristitud. Kaikiš suremb ristitišt oli 22..23 tuhad eläjid vozil 1970−2001 (23 720 rist. vl 1989).

Ortodoksižen hristanuskondan Jumalanmaman Deržavnai-jumalaižen jumalanpert' om saudud lidnas vll 2000−2010. Sündun Eläbzdusen jumalanpert' i sen tulendan puine loičendpert' oma kaičenus paloin i ei ole rados.

Transport

Undol-raudtestancii (ven.: Ундол) sijadase Lakinsk-lidnas nell' kilometrad lodeheze Sobinkan keskusespäi «Moskv — Vladimir»-raudtekeskustal. Avtobusad ühtenzoittas lidnoid keskneze kundaližeks transportaks.

Galerei

• Url009.jpg

  Karl Marksan muštnik ühtennimižel torgul (2019)

• Url0012.jpg

  Lugendkasskeskuz vl 2019 (ende bank, om saudud vl 1939)

• Url0010.jpg

  Keskškol nomer 1, ende Sündun Eläbzdusen jumalanpert' i tulendan škol senno (2019)

• Url0024.jpg

  Istorine eländpert' (2020)

Homaičendad

Irdkosketused

• Llidnan sijaližen tobmuden aluzkundoiden oficialine sait (sobinka-city.ru). (ven.)