Balahn

	Balahn
	Герб
	56°28′51″ с. ш. 43°32′25″ в. д.GЯO
Valdkund	Venäma;
Istorii da geografii
Tegemižen päiv	1536
Pind	48;
Высота	75
Aigvö	UTC+3:00[d]
Ekonomik
Eläjad
Eläjad	▲48 569 чел. (2021);
Lugud
Telefonan kod	83144
Počtan indeksad	606400–606427
-
	Официальный сайт
	lugeda • diskussii • redaktiruida

Balahn (Alalidnan agjan keskuzpalan päivlaskmas, Balahnan rajonan administrativine keskuz da pala.

Istorii

Ristitud elädas niiš tahoiš amussai. Eländpunkt nügüdläiženke nimenke mainitase kirjutadud purtkiš ezmäižen kerdan vl 1536 kuti muretud paloin elokaz lidn Kazanin Safa-Girei-hanan londan jäl'ghe. Se voz' lugese lidnan alusenpanendan oficialižeks vodeks, ezmäine puine lidnuz oli saudud pigai totarlaižid londoid vaste. Keitandsolan samižen keskuz 17. voz'sadhasai, laivansauvomižen keskuz 18.-19. voz'sadal. Vspäi 1925 NiGRES radab lidnas (vll 1933−1991 nimitihe GoGRES:aks), sijaližel turbhal edel 1984, sid' londuseližel gazal. Vspäi 1993 lidnanvuitte Pravdinsk-žilo mülüb lidnha mikrorajonaks, ristitišt ližadui kahthe kerdha 1992. voden rindataden.

Balahn šingotase avtosauvomižel (pened avtobusad, specialižen kävutamižen avtod), elektrotehnižel sarakol (radiotegim, elektrolaudad), cellülozbumagaižel kombinatal (Venäman kartonan edheotandal, pakuitesen pästandal (stökolmülüd, polipropilenkerteh).

Geografijan andmused

Lidn sijadase Volg-jogen oiktal randal, 75 m ü.m.t. keskmäižel korktusel. Matkad Alauz'lidnan röunhasai om 10 km suvipäivnouzmha kaikil teil, keskushesai — 34 km. Toižed lähembaižed lidnad oma Gorodec 17 km pohjoižhe orhal vai 33 km avtotedme i Dzeržinsk 29 km suvhe orhal, 36 km avtotedme vai raudtedme. Lidnan raudtestancijad oma Balahn, Pravdinsk, Vanäti.

Balahn om lidnankundan üks'jäine eländpunkt. Lidnankundan pind om 70,63 km², lidnfartaloiden — 48 km².

Eläjad

Vl 1931 ristitišt oli 15 300 eläjad. Vn 2010 Venäman rahvahanlugemižen mödhe eläjiden lugu oli 51 519 ristitud, rajonan kaks' koumandest. Kaikiš suremb lidnan ristitišt oli 63 600 eläjad vl 1996.

Ortodoksižen hristanuskondan ühesa jumalanpertid^[3] oma olmas lidnas, Jumalankatken mez'jumalankodi oli olmas vhesai 1783.

Balahnan tehnine tehnikum^[4] i Alalidnan universitetan Lobačevskii nimed Balahnan filial^[5] oma professionaližen opendusen aluzkundoikš.

Galerei

Balahnan rajonan tobmuden sauvuz (2007)
Церковь Рождества Христова в Балахне, вход.jpg

Sündun Raštvoiden jumalanpert', vn 2021 nägu (om saudud vll 1674−1675)
Sündun Toižetamižen jumalanpert', vn 2007 nägu (om saudud vll 1664−1668, kellčuhunduz 1702)
NiGRES vl 2007
Dom-kultury-GoGRES-front Balakhna.JPG

GRES:an kul'turkeskuz (2014)
Россия, Нижегородская область, Балахна, автостанция, 11-41 09.05.2006 - panoramio.jpg

Avtostancii vl 2006

Homaičendad

Irdkosketused

Balahn Vikiaitas

	Alalidnan agjan lidnad
	Alauz'lidn \| Arzamas \| Balahn \| Bogorodsk \| Bor \| Čkalovsk \| Dzeržinsk \| Gorbatov \| Gorodec \| Knäginino \| Kstovo \| Kulebaki \| Liskovo \| Lukojanov \| Navašino \| Pavlovo \| Perevoz \| Pervomaisk \| Sarov \| Semönov \| Sergač \| Šahunj \| Zavolžje \| Uren' \| Vetlug \| Viks \| Volodarsk \| Vorsm

[_56dd60f671f5dd96-1] 1,0 ^1,1 ОКТМО. 185/2016. Volga Federal District

[_15bd2465f028e4c3-2] 2,0 ^2,1 https://rosstat.gov.ru/storage/mediabank/tab-5_VPN-2020.xlsx

[3] Balahnan pühäpertid sobory.ru-saital. (ven.)

[4] Balahnan tehnižen tehnikuman sait (balakhna-btt.org). (ven.)

[5] Balahnan filial Alalidnan universitetan Lobačevskii nimed unn.ru-saital. (ven.)

[1]

[2]

[3]

[4]

[5]