Čkalovsk (Alalidnan agj)

Čkalovsk
Čkalovsk
Флаг	Герб
	56°46′00″ с. ш. 43°15′00″ в. д.GЯO
Valdkund	Venäma;
Istorii da geografii
Tegemižen päiv	XII век
Pind	7;
Высота	100
Eläjad
Eläjad	▲11 535 чел. (2021);
Lugud
Telefonan kod	83160
Počtan indeksad	606540
	Mediafailad RUWIKI-tedoiš

Čkalovsk (ven.: Чкаловск) om Venäman lidn Alalidnan agjan päivlaskmas. Se om Čkalovskan lidnümbrikon (vhesai 2015 — rajonan) administrativine keskuz da pala.

Istorii

Eländpunkt mainitase ezmäižen kerdan 12. voz'sadal kuti Vasilöva Slabad (ven.: Василёва Слобода) Jurii I Pit'kkäded-ruhtinasen Vasil'ko-poigan-sodavejan nimen mödhe. Panihe slabadan alust Vasil'kon käskön mödhe kuti varalidnuz Gorodecan täht Volgan vastrandal. Vspäi 1764 Vasilövo oli ekonomižeks žiloks. Läz 25 astiinikoiden edheotandad radoi siš 19. voz'sadan keskes. Laivanlikund madalzdujadme jogedme ližadui, i vl 1883 sauvoškanzihe žilos kohenduzedheotandoid jogen pohjan süvendusen laivišton täht.

Udesnimitihe žilod vn 1937 elokus sündnuden žilho Vasilii Čkalov-lendajan kanzannimen mödhe hänen lendandan jäl'ghe Pohjoižnaban kal't Amerikannoks. Čkalovskan pala putui upotamižen zonha Gor'kijan GES:an sauvondan aigan 1950-nzil vozil, ka udessaudihe erasid pertid i laivansauvomižen tegint udel sijal. Žilo sai lidnan statusad vl 1955.

Čkalovsk šingotase verfil, «Polöt»-tegimel (tarkoiktad metalližed tegesed ladimiden, avtoiden i raudten täht), omblendfabrikal i elektromehanižel tegimel, mugažo šampanj-vinan tegim radab.

Geografijan andmused

Lidn sijadase ümbrikon pohjoižpäivnouzmas, Volgan oiktal randal (Gor'kijan vezivaradim) i langenijal sihe Sanaht-jogen hural randal (ven.: Санахта 28 km pitte), 100 m ü.m.t. keskmäižel korktusel. Matkad Ivanovon agjan röunhasai om 10 km pohjoižhe orhal, Alauz'lidnan keskushesai om 67 km suvipäivnouzmha orhal vai 103 km avtotedme. Lähembaižed lidnad oma Gorodec 20 km suvipäivnouzmha orhal vai 50 km avtotedme, Zavolžje (lähembaine raudtestancii) 17 km suvipäivnouzmha-suvhe orhal vai 39 km avtotedme, i Pučež (Ivanovon agj) 25 km pohjoižhe orhal vai 44 km avtotedme.

Vll 2004−2015 lidn oli rajonan lidnankundaks.

Eläjad

Vn 2010 Venäman rahvahanlugemižen mödhe lidnan eläjiden lugu oli 12 368 ristitud, lidnümbrikon viž ühesandest. Kaikiš suremb lidnan ristitišt oli läz 15 tuhad eläjid vll 1989−1998 (15 100 rist. vl 1996).

Ortodoksižen hristanuskondan kaks' pühäpertid^[3] oma avaitud lidnas: ph. Anastasija-sol'menpätajan jumalanpert' (1995) i Sündun Eläbzdusen časoun'.

Čkalovskan transportan i informacižtehnologijoiden tehnikum^[4] om professionaližen opendusen aluzkundaks.

Galerei

Пожарка г. Чкаловск (2012.07.01) - panoramio.jpg

Lämoipalonvastaine palakund (2012)
Часовня Воскресения Христова в Чкаловске (21607972515).jpg

Sündun Eläbzdusen časoun', vn 2015 nägu
V.P. Čkalovan lendimiden memorialine angar vl 2011
Kul'turan da sportan keskuz i Čkalovan muštnik (2011)
Автовокзал (2012.07.10) - panoramio.jpg

Avtostancii vl 2012

Homaičendad

Irdkosketused

Lidnan da lidnümbrikon oficialine sait (gorodchkalovsk.ru). (ven.)
Lidnan enččen municipalitetan sait (chkalovsk.narod.ru). (ven.) (edel 2015. vot)

	Alalidnan agjan lidnad
	Alauz'lidn \| Arzamas \| Balahn \| Bogorodsk \| Bor \| Čkalovsk \| Dzeržinsk \| Gorbatov \| Gorodec \| Knäginino \| Kstovo \| Kulebaki \| Liskovo \| Lukojanov \| Navašino \| Pavlovo \| Perevoz \| Pervomaisk \| Sarov \| Semönov \| Sergač \| Šahunj \| Zavolžje \| Uren' \| Vetlug \| Viks \| Volodarsk \| Vorsm

[_56dd60f671f5dd96-1] ОКТМО. 185/2016. Volga Federal District

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Čkalovskan pühäpertid sobory.ru-saital. (ven.)

[4] Čkalovskan transportan i informacižtehnologijoiden tehnikuman sait (протехникум.рф). (ven.)

[1]

[2]

[3]

[4]