Pervomaisk (Alalidnan agj)

	Pervomaisk
Флаг	Герб
	54°52′00″ с. ш. 43°48′00″ в. д.GЯO
Valdkund	Venäma;
Istorii da geografii
Aigvö	UTC+3:00[d]
Ekonomik
Eläjad
Eläjad	▼13 223 чел. (2021);
Lugud
Telefonan kod	83139
Počtan indeksad	607760 и 607762
-
	lugeda • diskussii • redaktiruida

Pervomaisk (Alalidnan agjan suves. Se om Pervomaiskan lidnümbrikon (edel 2012. vot — rajonan) administrativine keskuz.

Istorii

Eländpunktan aluz om pandud 19. voz'sadal kuti Tašino-radnikžilo kaugedraudan valamižtegimenno. Nikolai Karamzin-istorikan Aleksandr-poig sauvoi tegint ičeze Natal'ja-akan päluižespäi da valdoiči sil, ka nimiti žilod akan sulal Taša-nimel. Kaidraižuine raudte tuli žilho 1920-nzil vozil. Radnikžilo sai lidnan statusad nügüdläiženke nimenke vl 1951, saudihe levedraižušt raudted sil-žo aigal. Nimitihe lidnad «Keväden i radon päiv»-praznikan toižen «Pervomai»-nimen mödhe.

Pervomaisk šingotase raudtemašiništon «Transpnevmatika»-tegimel (azotimed i kompressorad, mašinad, ladimed), mecpilindan edheotandal, sömtegimištol (leibtegim, maidon vajehtimen tegim).

Geografijan andmused

Lidn sijadase ümbrikon suves, 155 m ü.m.t. keskmäižel korktusel. Umoč (Umač)-jogi läbitab lidnad (21 km pitte, Suran hurapol'ne bassein). Matkad Mordovijan Tazovaldkundhasai om 5 km suvhe, Alauz'lidnhasai om 163 km pohjoižhe orhal, 184 km avtotedme vai raudtedme. Lähembaižed lidnad oma Sarov 31 km päivlaskmha orhal, 38 km avtotedme vai raudtedme, i Lukojanov 48 km päivnouzmha-pohjoižpäivnouzmha orhal, 58 km avtotedme vai 85 km raudtedme.

Pervomaisk-Gor'kovskii-raudtestancii radab «Alauz'lidn — Saransk»-keskustan 55-kilometrižen sarakon ühteks kahtes lopstancijaspäi (toine om Sarov) lidnan keskuzpalas.

Eläjad

Vn 2010 Venäman rahvahanlugemižen mödhe lidnan eläjiden lugu oli 14 568 ristitud, lidnümbrikon seičeme kümnendest. Kaikiš suremb lidnan ristitišt oli 16..17 tuhad eläjid vll 1979−1998 (17 tuhad ristituid vl 1998).

Ortodoksižen hristanuskondan Jumalanmaman Kazanin jumalaižen puine jumalanpert'^[4] radab lidnas, om saudud vll 2000−2002.

Pervomaiskan politehnine tehnikum^[5] om professionaližen opendusen aluzkundaks.

Homaičendad

↑ ^1,0 ^1,1 ОКТМО. 185/2016. Volga Federal District
↑ ^2,0 ^2,1 Geographic Names Server — 2018.
↑ ^3,0 ^3,1 https://rosstat.gov.ru/storage/mediabank/tab-5_VPN-2020.xlsx
↑ Pervomaiskan pühäpertid sobory.ru-saital. (ven.)
↑ Pervomaiskan politehnižen tehnikuman sait (ppt52.ru). (ven.)

Irdkosketused

Lidnümbrikon oficialine sait (1maysk.ru). (ven.)

Pervomaisk (Alalidnan agj) Vikiaitas

	Alalidnan agjan lidnad
	Alauz'lidn \| Arzamas \| Balahn \| Bogorodsk \| Bor \| Čkalovsk \| Dzeržinsk \| Gorbatov \| Gorodec \| Knäginino \| Kstovo \| Kulebaki \| Liskovo \| Lukojanov \| Navašino \| Pavlovo \| Perevoz \| Pervomaisk \| Sarov \| Semönov \| Sergač \| Šahunj \| Zavolžje \| Uren' \| Vetlug \| Viks \| Volodarsk \| Vorsm

[_56dd60f671f5dd96-1] 1,0 ^1,1 ОКТМО. 185/2016. Volga Federal District

[_2f28e8503a3bfcb2-2] 2,0 ^2,1 Geographic Names Server — 2018.

[_15bd2465f028e4c3-3] 3,0 ^3,1 https://rosstat.gov.ru/storage/mediabank/tab-5_VPN-2020.xlsx

[4] Pervomaiskan pühäpertid sobory.ru-saital. (ven.)

[5] Pervomaiskan politehnižen tehnikuman sait (ppt52.ru). (ven.)

[1]

[2]

[3]

[4]

[5]