Keväden i radon päiv

Рувики-späi

Prezidentan kirjišton B.N. Jel'cinan nimel materialad

Library.png
Neciš kirjuteses om kävutoitud materialad Prezidentan kirjišton B.N. Jel'cinan nimel fondaspäi
К материалам
Learning.svg

Prezidentan kirjišton B.N. Jel'cinan nimel materialad

Arrow-Right.png
Library.png
Neciš kirjuteses om kävutoitud materialad Prezidentan kirjišton B.N. Jel'cinan nimel fondaspäi
К материалам
Keväden i radon päiv
Первомай фото.png
Tip

Radajiden da proforganizacijoiden praznik

Oficialižesti

Nügüd' Venämal — Keväden i radon päiv

Mugažo

Radon praznik, Radon päiv, Keväden i radon päiv, Rahvahidenkeskeižen radajiden solidarnostin päiv

Znamoičend

Sovetskijas Sojuzas da Venämal mail'man radnikoiden sur' praznik

Om tehtud

Toižen internacionalan Parižan kongressal Čikagan Haimerketan rahvahanlibundan kadodusiden muštoks, heinku vodel 1889).

Praznuitas

Rahvahidenkeskeine praznik

Päiv

1. semendkud

Praznoičemine

demonstracijad, mitingad

Om sidotud

Haimarketan rahvahan libundanke, Čikago-lidn

lugeda • diskussii • redaktiruida

Keväden i radon päiv (ven.: Праздник весны и труда), (völ sidä nimitadas Ezmäine päiv semendkud' (ven.: Пе́рвое ма́я)) — nece om rahvahidenkeskeine jogavozne praznik, miččen praznuitas äjiš maiš 1. semendkud. Sen sündund om sidotud Čikagon radnikoiden demonstracijanke, mitte oli mänetadud 4. semendkud vodel 1886 Heimarket-avoirdal. Venämal praznikad ezmäižen kerdam praznuičitihe vodel 1890, kut rahvahidenkeskeižen solidarnost'päivän[1]. Jogahižes valdkundas praznikan päiv vahvištoitase erilašti. Tobjimalaz nece om pühäpäiv.

Vodel 2025 praznik linneb nellänz'päivän. Necil päivälpäi zavodišoiš lebupäiväd 4. semendkuhusai.[2].

Istorii

21. sulakud vodel 1856 Avstralian radsirdändoil oli taritud kahesačasuine radpäivän mär.[3].

Kahesa časud radon täht. Kahesa časud lebuaigan täht. Kahesa časud sen täht, midä mö tahtoim! — oliba Amerikan lozungad (1. semendkud vodel 1886)[4].

1. semendkud vodel 1886 Amerikas da Kanadas anarhižiden organizacijoiden abul oliba heittud kuverz'-se mitingoid da demonstracijoid[3].

4. semendkud vodel 1886 Čikago-lidnas oli Heimarket-bunt, miččen jäl'ghe oli riktud kuverz'-se anarhistoid: Avgust Spis, Al'bert Parsons, Adol'f Fišer, Džordž Engel'man, Luis Lingg, Mihael' Švab, Sem'uel Filden da Oskar Neebe[5].

Heinkus voden 1889 riktud anarhistoiden muštoks II Internacionaližen Parižan kongress tedoti Kaiken mail'man radnikoiden ühtištusen päivän, miččen aigan oli männu demonstracii pakičusenke kahesačasuižes radon päiväs da völ toižiden socialižiden pakičusidenke[6][1]. Kanman praznikan päivän sädandad, radnikad planuičihe rahvahan libund 1. semendkud vodel 1890[3].

Kaikiden maiden kaikile social-demokratižile partijoiden organizacijoile da profsojuzoile pidab ezineda ezmäižen päivän semendkud pakičusenke zakonižes 8-časuižes radpäiväs, proletariatan pakičusiš da ühthižes mirus, — kucui kudenz' II Internacionalan konferencii vodel 1904[7].

Kaikidem maiden proletariatan organizacijoile pidab heitta radon 1. semendkud, kus sidä voib tehta kadotusita radnikoiden täht, — om sanutud II Internacionalan Parižan kongressan käskos[7].

Vodel 1890 demonstracii pakičusenke 8-časuižes radpäiväs oli Germanias, Amerikas, Danias, Bel'gias, Avstro-Vengrias, Italias, Ispanias, Francias, Norvegias da Švecias[8].

Vodel 1891 ll Internacionalan Br'usselin kongressan käskon mödhe joga male oli anttud voimuz ičenašti valita necen päivän praznuičemižen lugumäran da forman[8].

Venäman imperii

Vodel 1890 Venämal da Varšavas ezmäižen kerdan pidettihe Pervomai-praznikad — radajiden rahvahidenkeskeine solidarnostin päivän. Praznuičemižen aigan oli mänetadud rahvahan vastustuz, miččehe ühtni 10 tuhad radnikad[1]. Vodel 1891 Piteriš läz 200 valdankumanikoid Mihail Brusnevan ohjandusel tegiba ezmäižen peitoližen majovkan[9].

Vodelpäi 1897 praznikal oli politine znamoičend. 1. semendkud mänetadihe joukstačkad da radnikoiden demonstracijad[1].

Vodel 1903 paiči Piterid da Moskvad semendkun demonstracijad oliba Tveriš, Tulas, Samaras, Har'kovas, Odessas, Тiflisas da toižiš Venäman imperian lidnoiš [10]. Kuluiba lozungad: «Heittä carin valdoičendad!», «Tervhen tuldes valdkundale!», «Heittä kunigast!», «Tervhen tuldes valdankumaidusele!»[11].

Vozil 1912 — 1914 demonstracijale läksi enamba 500 tuhad radnikad, saldatad, merimest da maorjad[10].

Vodel 1917 jäl'ges Uhokun valdankumaidust irdoil kerazihe millionad radnikoid[10]. Petrogradas demonstracii mäni Marsovon pöudol, kus pidi ezitust А. F. Kerenskii.

Bol'ševikoiden lozungat[1]:

  • «Heittä ministroid-kapitalistoid»;
  • «Kaik vald Sovetoile»;
  • «Heittä imperialistižed voinad!».

Ezmäine päiv semendkud om radnikoiden praznik, hö oma ühtes velliden ühtištuses ahtištusen vasthapäi, socialistižen rahvazkundan tegendas, — sanui V. I. Lenin[7].

RSFSR da SSSR

Vodel 1917 jäl'ges Redukun valdankumaidust «Internacionalan päiv» praznik oli sätud oficiališti.[12].

Vodel 1918 Moskvas Hodinskan pöudol oli ezmäine voinparad. Jäl'ges paradad mäneškanziba Rusttal avoirdal[ru] [11].

Pervomajan praznuičend Dvorcan avoirdal. 1918 voz'. Piterin keskmäine valdkundaline kinofotofonodokumentoiden arhiv

Vodelpäi 1918 RSFSRan radon Zakonkogomusen mödhe 1. semendkud tegihe pühäpäiväks [13]. Sulakun 23. päiväspäi vodel 1928 Sovetskijan Sojuzan Komissaroiden Nevondišton Keskmäižen änestuzlaudkundan käskon mödhe «Praznikpäiviš, miččed oma omištadud Internacionalan päiväks da erilaižiš lebupäiviš» 2. semendkud tegihe toižeks praznikan päiväks[14]. Pidettihe mugomad azjtegod[10]:

  • 1. semendkud — radnikoiden demonstracijad da voinparadad.
  • 2. semendkud — Majovkad.

Pervomajan aigan Sovetskijan Sojuzan radnikad ühtnedas kapitalistmaiden radnikoiden valdankumaidusižehe voibištelendaha, rahvahaližehe päzutandan sirdämižehe, ozutab rohktud antta kaik väged voibištelendas mirun täht, kommunistižen ühthižkundan sauvondas, - sanui L. I. Brežnev[7].

Лозунги[4]:

  • «Tetabuz' radon mehele!»;
  • «Mir! Rad! Semendku!»;
  • «Olem todesižed Leninan käskoile!»;
  • «Tervhen tuldes 1. semendkud!».

Kaikiš valdkundoiš mänetadihe[10]:

  • radnikoiden kollonoiden praznikastundad, miččed satoihe maršmuzikal da politikmuzikal. Pädemonstracii oli Moskvas Rusttal avoirdal;
  • komedpagižimišpäi kuluiba diktoroiden tervehtuzsanad da politižed lozungat;
  • administrativižiden pertinno oliba pandud pagižijan lavad, kuspäi demonstracijan ühtnikoid tervehtoitiba Sovetskijan Sojuzan kommunistižen partijan pämehed da valdmehišton ezitajad;
  • teleozutand da radiostarinoičend oli sijaližil da keskmäižil kanaloil.

Vodel 1933 Moskvas Rusttal avoirdal 1. semedkud oli il'mparad[10]. Oliba ozutadud ANT-20 «Maksim Gor'kii», I-16 da toižed lendandmašinad. Nece vero levenzoitihe i SSSRan toižihe lidnoihe[10].

Pervomajan miting Engel's-lidnas. 1932 voz'

Suren Kodiman voinan aigan paradad da praznikastundad oliba heittud[8].

Kolhoan lugendlehtez: Venevan RK VKP(b) da rajonižen radnikoiden deputatoiden Nevondišton organ. — Venev-lidn (Tulan agj). 1941, № 68 (1774) (1. semendkud).

Vodel 1956 ezmäižen kerdan oli tehtud Moskvan pervomajan demonstracijan teleozutez Rusttal avoirdal[8].

Vozil 1970 praznik oli nimitadud «Rahvahidenkeskeine radnikoiden solidarnostin päiv»[10]:

Sovetskii ozatelendkartaine «Praznikanke 1. semendkud!»

Oliba radnikoiden joukastundad flagoidenke da transparantoidenke.

1. semendkud vodel 1990 oli mnnu jäl'gmäine oficialine pervomajan demonstracii, sidä aigan oli oficialitoi demokratižen valdmehišton ühtnikoiden astund antisovetskijoidenke lozungoidenke[10].

1. semendkud vodel 1991 Rusttal avoirdal oli tehtud miting arvoiden libutandan vasthapäi. Sen sädajad oliba Moskvan profsojuzoiden federacii da joudajiden da ripmatomiden profsojuzoiden Associacii. Mavzolejan[ru] pagižijan laval oliba М. S. Gorbačov, А. I. Lukjanov da toižed[15].

Demonstrantoiden lozungat[15]:

  • «Kovas pakičem zakonad indeksacias»;
  • «Olem vasthapäi lapsiden tavaroiden kallištuses»;
  • «Parlamentarijad — antkat socialižen kaičusen radnikoile»;
  • «Radai vägele arvoine maks»;
  • «Murendam ekonomikan — kolem kaik»;
  • «Heittä möndan da holitesen 5 % nalog

Venäma Sovetskijan Sojuzan jäl'ghe

Vodel 1992 Rahvahidenkeskeine radnikoiden solidarnostin päiv oli nimitadud Keväden da radon praznikaks [1].

Vodel 1993 semendkun mitingoiden sädajad oliba Rahvahaline kaičuzfront, Radon-Moskva, Venäman kommunistine partii. 1. semendkud Leninan prospektal oli ocastuz OMONan da demonstrantoiden keskes, miččen aigan 150 mest saiba satatusid[16][17].

Praznikastundan ühtnikad. Vozil 1990

Social-politižed lozungat[18][19]:

  • «Bankrotoiden valdmehišt — heittä!»;
  • «Mö em tahtoigoi maksta TEIDEN krizisas!»;
  • «Ičevaumičuz! Ičenaine valdelim! Ičekaičuz!» da toižed.

Vodelpäi 2002 ezmäižen kerdan Novosibirskas oli mänetadud Monstracia-akcii. Jäl'gmaine oli vodel 2019.

Vodel 2004 oli tehtud zakon, miččen mödhe 2. semendkud tegihe radpäiväks[10]. Moskvas oli Moskvan profsojuzoiden federacijan astund, politikpartijoiden mitingad.

Vodel 2009 erilaižed profsojuzad, partijad da rahvahan sebrad mänetiba politikakcijad. Ozutesikš, «Ühthine Venäma», «Oiged Venäma», «KPRF», «Jabloko», «Solidarnost'», LDPR da Avtonomine sirdämine partijoilpäi[20]. Azjtegoiden aigan oliba lozungat[20]:

  • «Putinan plan — Vägestusen plan!»;
  • «Bonusad — pensioneroile»;
  • «Koume last kanzas — nece om norm!».

Vodel 2013 prezident Vladimir Putin sädi Venäman Radon Geroi-arvnimen. Nece om ühtejitte Socialistižen Radon Geroi-arvnimenke, mitte oli Sovetskijas Sojuzas. Tobjimalaz Radon Geroi-arvnimen andand om Keväden da radon praznikaks. Vodel 2013 Moskvas irdoile läksi enamba 100 tuhad demonstrantoid[21].

Vodel 2014 profsojuzoiden ühtnikad mänetiba ezmäižen joukastundan, mitte oli äjiš valdkundan lidnoiš[4]. 1. semendkud Moskvas oli 92 azjtegod. Sen täht oli anttud läz 50 tandreht.

Vodel 2016 erasiš Venäman regionoiš oliba heittud semendkun praznikastundad da mitingad sikš, ku praznik oli ühtel aigal ortodoksižen Äipäiv-praznikanke [22].

Vodel 2018 Praznikastundaha ühti läz 3 millionad mest[10]. Olipmižes Lužniki-sportkompleksas zavodihe kezaline sezon. Professionalad ozutiba moto-, velo- da potklaudtr'ukoid. Gor'kovan puištos oli kargaiduzparad. Redukun 50-voččen jubilejan puištos oli Änikoiden bal. Rusttal avoirdal oli tradicionine profsojuzoiden praznikastund.

Vozil 2020 — 2022 joukazjtegod oliba heittud COVID-19 pandemijan täht[10]. Semendkun akcii oli onlain-režimas: socverkoiš akcijan ühtnikad paniba fotokuvad flagoidenke da plakatoidenke [10].

Vodel 2023 Moskvas oli enamba 200 azjtegod. Sen lugus: koncertad, master-klassad, irdteatrozutused, tedošoud, kvizad, muzikjoukuiden koncertad. Samaras mäni rahvahidenkeskeine ven.: «Гитары в строю»-pajofestival'[23]. Azjtegoiden lugus:

  • «Mir, rad, semendku!»-miting-koncert;
  • Venäman rahvahaližen Grenada-ansambl'an da Džima MakRejan koncert;
  • avtomotoajand ven.: «Ночные волки»-motoklubanke;
  • Tetabuden muštpachanno änikoiden panend.

Kuibiševan avoirdal Samaras festivalin lidnaine, miččes radoiba[23]:

  • tematižed ozutelused,
  • аrt-instal'l'acijad,
  • virtualižed muzejad,
  • master-klassad,
  • lekcijad,
  • vändtandrehed da sädaizonad.

Samaran operan da baletan teatras oli simfonižen orkestran eziteluz, miččehe ühtniba dirižorad Kreig Roberts, Sašo Gačnik (Slovenii) Fransua Modeme (Francii)[23]. ven.: «Художественный»-kinoteatras oli ozutadud ven.: «Ржев»-fil'm[23].

Päivän lopus pajatiba mugomad joukud kut[23]:

  • ven.: «Декабрь»,
  • ven.: «Зверобой»,
  • LiberArte (Nikaragua),
  • Rastrelli Cello Quartet (Germanii).

Vodel 2024 Moskvas Ühthižvenälaižen ven.: «Труд крут» radakcijan aigan, Rahvahan elomišton satusiden ozutelusel oli ven.: «Май! Труд крут!» praznikastund. Sen sädajad oliba «Venäman üläopenikoiden joukud» da Rosmolod'ož-agenstvo [24]. Kirjištos № 248 oli tehtud ven.: «Зажигай, Первомай»-programm, miččen aigan kaik tahtnikad voiba pajatada tematižid pajoid karaokes[24].

VDNHan paviljonas № 59 «Zerno» ven.: «ВЭБ.РФ. Города для жизни сбываются» ozutelusel oli mänetadud viktorina praznikan istorijas[25].

Venäman üläopenikoiden joukud praznikastundal ven.: «Май! Труд крут!» VDNH-ozutelusel. 1. semendkud vodel 2024

Vägestusen muzejas Kumardusen mägel[ru] radoi trofeitehnikan ozuteluz, kus oli ozutadud Germanian, Velikobritanian, Amerikan, Švecian, Avstrian, Turcian tehnik [25].

Sokol'niki-puištos oli festival' ven.: «Запуск лета: парк в ритме поп-рока» miččel oliba mugomad joukud kut[25]:

  • ven.: «Над пропастью во лжи», ven.: «Без обид», Lissa da Samagi.

Gorkovan puištos oli sportjoksend ven.: «Май! Парк! Бег!». Völ radoiba rok-n-rolan, bačate-, balkargaidusen openduztandrehed. Mäniba ekskursijad puištodme ven.: «Я люблю тебя, мой старый парк» da ven.: «Из глубины веков в космические дали»[25].

Ermitaž-puištos oli tehtud programm ven.: «Культурный пикник», kus vändi simfo-džazovine B-band-jouk, mäniba akteran da baletan mahtišton master-klassad. Pirdajiden täht oliba tehtud joukplenerad. Oliba lekcijad söndan kul'turas literaturas da Moskvan irdoiden istorijas [25].

Vestišton tedoiden mödhe vodel 2025 Moskvas Keväden da radon päiv-praznikaks oliba mänetadud erazvuiččed praznikkoncertad[26]. 1. semendkud puištoiš N. E. Baumana nimel, Severnoje Tušino, Sokol'niki, usad'ba Voroncovo, Gor'kovan da toižiš oliba ezitadud master-klassad, lekcijad, muzikkoncertad, sporttegod, kvizad, vändod da viktorinad lapsiden täht. Piteriš oliba praznikastundad, demonstracijad, mitingad da joukgul'aidandad [27]. Profsojuzoiden azjtegoiden pätemaks vodel 2025 Venäman ripmatomiden profsojuzoiden Federacijan tegendkomitetan pätandan mödhe tegihe: Suren Kodiman voinan 80-vozne Vägestuzpäiv, 120-vozne Venäman profsojuzan sirdämine da 35-vozne Venäman ripmatomiden profsojuzoiden federacijan sädand. Akcijan deviz: «Parahim rad — Vägestusen garant!»[28].

Toižiden maiden praznuičemižen verod

  • Anglias 1. semendkud äjiš lidnoiš seižutadas «semendkun pun», miččen čomitadas lentoil da mändas rahvahan praznikad[29].
  • Azias mändas demonstacijad, koncertad, jarmarkad, festival'ad, rahvahan enambišt lebaidasoiš da mänetadas praznikad kodiš kanzanke[4].
  • Afrikas profsojuzoiden organizacijoiden ühtnikad pidetas koncertad da garažiden lopmöndad. Erazvuiččiš eländtahoiš oma ozutelused, miččil om ezitadud sijaližiden mastariden käzitehmused[4].
  • Brazilias Keväden da radon päiv nimitase «Dia do Trabalho» — ven.: «День труда»[30]. Sidä praznuitas kut rahvahidenkeskeižen radnikoiden solidarnostin znam. 1. semendkud tobjimalaz oma mitingad, paradad. Mäneba profsojuzan azjtegod, sädasoiš ilotuztegod, piknikoid, jaugmäčvändon matčad[11].
  • 1. semendkud Belorussijas oma oficialižed mitingad, kanzaližed ilotuztegod, majovkad, tegeližuden hüvid radnikoiden, radon veteranoiden da profsojuzan aktivistoiden arvostelused[31].
  • Ezmäine semendkun päiv Germanian nimitadas der Tag der Arbeit — ven.: «День труда». Om vero seižutada Das Maibaum — puine pacaz, mitte om čomitadud lentoil da änikoil. Prazniklaval ozutadas vanhiden legendoiden mödhe teatrozutused. Pachan seižutandan aigan mäneba paradad, vändod da tradicionižiden nemeckijoiden kalbasaižiden söndad. Germanian pohjoižpoles om vero mända kanzanke piknikoile, ottes kerdale söndan, jondan da pened lahjad lapsiden täht peniš käzitelegaižiš [32]. Paksus 1. semendkud Berlinas oma ocastomused radikaližiden hurjoukuiden demonstrantoiden da policijan keskes [33].
  • Semendkun demonstracii Berlinas, 2005 voz'

    Semendkun demonstracii Berlinas, 2005 voz'

  • GDRan muštmonet, 1990 voz': 100-vozne Pervomai, Gollandii

    GDRan muštmonet, 1990 voz': 100-vozne Pervomai, Gollandii

  • 1. semendkud Gavajoil praznuitas «Änikpal'mikoiden päiv».Necel päiväl tehtas änikpal'mikod da praznikastundad rahvahaližiš sädoiš [29].
  • Grecias Pervomajan aigan lapsed da norišt lähteltas irdele da tervehtoittas kaikid siričmänijoid, a jäl'ges mändas ecmaha keväden znamad — ezmäšt saraklindušt[4].
  • 1. semendkud ispanialaižed praznuitas Rahvahankeskeižen radon päiv-praznikad. Ispanias nece praznik znamoičeb voibištelendad radon oitudes da solidarnostid radnikoiden keskes. Äjiš lidnoiš mäneba mitingad, praznikastundad, miččed oma omištadud radnikoiden oiktuden kaičusen da radoloiden parembzoitusen täht [34]. Völ necel päiväl naižile lahjoitas ezmäižiden keväz'anikoiden änikkirbid[4].
Semendkun demonstracii Barselonas. Fotokuvan tegii Quique García. 2024 voz'
  • Irlandias pidab čomitada rusttoil lentoil bojarišnikan da sen rindal sanuba himod [29].
  • Vodel 1996 Kazahstanas pidettihe «Radon päiv». Nügüdlaižel aigal 1. semendkud praznuičese kut «Kazahstanan rahvahan ühtmuden päiv».
  • 1. semendkud Kubal praznuitas Radon päiv. Lidnoiš mäneba demonstracijad da praznikastundad. Praznikaks irdad čomitadas flagoil, plakatoil, tetabiden valdankumaidusen ühtnikoiden modkuvil[35].
  • Niderlandoiš 1. semendkud ei ole oficialine pühäpäiv, no äjad radonandajad da profsojuzad pagištoitasoiš kesknezoi voimuses radnikoile otta pühäpäivän 1. semendkud ičenaižen tahton mödhe[36].
  • 1. semendkud Paragvajas ajiden kompanijoiden pämehed vaumitas radnikoiden täht lebuajandan londusele[11].
  • Dakaras — Senegalan pälidnas 1. semendkud demostracijoiden ühtnikad ühtejituižiš sädoiš pismäižidenke da tamtamoidenke ühtnedas praznikastundaha. Paradan jäl'ghe radnikad profsojuzoiden päliči lahjoitas valdkundan pämehele «muštlehtikon abidoičusidenke [8]» pakičuzlugetišenke, miččiden tegend, heiden mel'pidon mödhe, выполнение которых, по их мнению, «parembzoitab heiden elon da radon olod»[37].
  • Amerikas mäneba manefistacijad da mitingad. Nju-Jorkas tehtas ajandad velokezroil[11].
  • Suomes 1. semendkud mänetadas keväzližen üläopenikoiden karnavalan[38]. 30. sulakud Hel'sinkiš zavodiše Pervomajan praznuičemine. Kaik paradan ühtnikad necel päiväl pandas pähä vauktad furažkad üläopenikoiden, kudambad lopiba licejad da pidiba kaik ekzamenad znam. 6. časud ehtad üläopenikad pandas vauktad furažkad nimfan Havis Amanda-vestatusen pähä[38].
  • 1. semendkud Šri-Lankal pidetas Rahvahidenkeskeižen Radnikoiden päiv. Necel päiväl mäneba mitingad< demonstracijad, miččed tehtas profsojuzoiden da radnikoiden organizacijad [39].
Šri-Lankan socialistižen frontpartijan ühtnikad Vladimir Leninan modkuvanke. Kolombo, Šri-Lanka. 2024 voz'. Fotokuvan tegii: Eranga Jayawardena

Homaičendad

  1. ↑ 1 2 3 4 5 6 1 мая - Праздник весны и труда. Справка, РИА Новости (9 sulakud 2025). Дата обращения: 5 sulakud 2025.
  2. ↑ Началась последняя полная рабочая неделя перед майскими праздниками. На следующей неделе будет всего три рабочих дня. РБК Life (21 sulakud 2025). Дата обращения: 23 sulakud 2025.
  3. ↑ 1 2 3 Каково происхождение Первого Мая? propaganda-journal.net. Дата обращения: 5 sulakud 2025.
  4. ↑ 1 2 3 4 5 6 7 1 мая 2025: суть, история и традиции Первомая, когда, где и как начали отмечать Праздник Весны и Труда, Lenta.RU. Дата обращения: 9 sulakud 2025.
  5. ↑ Бессмертный К. С.. История Дня Гнева (Первомая). samlib.ru. Дата обращения: 5 sulakud 2025.
  6. ↑ Юрий. О международной манифестации 1 Мая 1890 г., I конгресс II Интернационала в Париже (14 — 21 июля 1889) (неопр.). www.illuminats.ru. Дата обращения: 5 sulakud 2025.
  7. ↑ 1 2 3 4 День международной солидарности трудящихся, «Научная Россия» - электронное периодическое издание. Дата обращения: 9 sulakud 2025.
  8. ↑ 1 2 3 4 5 Первое мая: история появления праздника, традиции, как его отмечают, РИА Новости (27 sulakud 2023). Дата обращения: 9 sulakud 2025.
  9. ↑ Роженцова, О. История 1 мая. Как отмечали в СССР и что празднуют в России. А ещё — как Первомай менял свои названия. РБК Life (27 sulakud 2024). Дата обращения: 23 sulakud 2025.
  10. ↑ 1 2 3 4 5 6 7 8 9 10 11 12 13 История 1 мая. Как отмечали в СССР и что празднуют в России, РБК Life. Дата обращения: 9 sulakud 2025.
  11. ↑ 1 2 3 4 5 Ксения Эпова. 1 мая: история и традиции праздника — в статье на Zoon.ru (неопр.). zoon.ru. Дата обращения: 9 sulakud 2025.
  12. ↑ Основные законодательные и правовые материалы. Кодекс законов о труде 1918 года. www.hist.msu.ru. Дата обращения: 5 sulakud 2025.
  13. ↑ Кодекс законов о труде 1918 года. Дата обращения: 1 semendkud 2015. Архивировано 1 semendkud 2015 года.
  14. ↑ Постановление ЦИК СССР от 23.04.1928 "О праздничных днях, посвященных дню Интернационала, и об особых днях отдыха". www.consultant.ru. Дата обращения: 6 sulakud 2025.
  15. ↑ 1 2 Фильм Май тревог и надежд.. (1991). web.archive.org. Дата обращения: 5 sulakud 2025.
  16. ↑ Предварительный отчет о массовых беспорядках, имевших место в Москве 1 мая 1993 года. web.archive.org. Дата обращения: 5 sulakud 2025.
  17. ↑ Предварительный отчет о массовых беспорядках, имевших место в Москве 1 мая 1993 года. www.1993.sovnarkom.ru. Дата обращения: 9 sulakud 2025.
  18. ↑ «Долой министров-капиталистов!» Призывы и лозунги Центрального Комитета КПРФ к массовым акциям 1 и 9 мая 2009 г.. Дата обращения: 5 sulakud 2025.
  19. ↑ Если хочешь лучшей жизни — выходи на демонстрацию! Лозунги и призывы ЦК КПРФ к 1 и 9 Мая. Дата обращения: 5 sulakud 2025.
  20. ↑ 1 2 В Кризис.ру - экстренные новости экономики и бизнеса. Финансовый кризис, Россия кризис, причины кризиса, экономический кризис, кризис 2009. web.archive.org. Дата обращения: 5 sulakud 2025.
  21. ↑ На первомайскую демонстрацию в Москве вышли 100 тыс человек, Runews24. Дата обращения: 5 sulakud 2025.
  22. ↑ День святой Пасхи, РИА Новости (20160501T0406). Дата обращения: 5 sulakud 2025.
  23. ↑ 1 2 3 4 5 Приедут европейцы: посмотрите, как пройдет празднование Первомая в Самаре, 63.ру. Дата обращения: 9 sulakud 2025.
  24. ↑ 1 2 1 мая в 2024 году: праздник весны и труда, как отмечают первомай в России и мире, РЕН ТВ (24 sulakud 2024). Дата обращения: 9 sulakud 2025.
  25. ↑ 1 2 3 4 5 Куда сходить в Москве 1 Мая: программа мероприятий, Известия (30 sulakud 2024). Дата обращения: 9 sulakud 2025.
  26. ↑ Концерты на 1 мая в Москве. «КП» – Афиша (2025). Дата обращения: 23 sulakud 2025.
  27. ↑ Праздничные события в мае (Майская афиша в России и мире). Geektrips.ru (2025). Дата обращения: 23 sulakud 2025.
  28. ↑ Первомайская акция профсоюзов в 2025 году. Департамент Аппарата ФНПР по связям с общественностью, молодёжной политике и развитию профсоюзного движения (2025). Дата обращения: 23 sulakud 2025.
  29. ↑ 1 2 3 1 мая — Праздник Весны и Труда, традиции и история, Халва медиа (8 sulakud 2024). Дата обращения: 9 sulakud 2025.
  30. ↑ Праздник труда День труда в Бразилии. Оренбургское региональное телевидение (ОРТ) (20 redukud 2023). Дата обращения: 23 sulakud 2025.
  31. ↑ Мир, труд, май: что мы празднуем 1 мая?, Sputnik Беларусь (1 semendkud 2021). Дата обращения: 23 sulakud 2025.
  32. ↑ Гуляева, К. 1 мая – День труда в Германии. Deutsch online (30 sulakud 2024). Дата обращения: 24 sulakud 2025.
  33. ↑ Umbruch-Bildarchiv Fotos und ein Video zum 1. Mai 2002 in Berlin. www.umbruch-bildarchiv.de. Дата обращения: 5 sulakud 2025.
  34. ↑ Día de los trabajadores: история и традиции в Испании. Españalandia (2024). Дата обращения: 23 sulakud 2025.
  35. ↑ May Day in Havana. Cubagrouptour (2024). Дата обращения: 23 sulakud 2025.
  36. ↑ Почему в Нидерландах 1 мая не является выходным днем: исторический контекст (неопр.). Новости Нидерландов. Дата обращения: 23 sulakud 2025.
  37. ↑ Как зародился и как сегодня празднуется Первомай, Российская газета (1 semendkud 2023). Дата обращения: 23 sulakud 2025.
  38. ↑ 1 2 aucor. Первое мая в Финляндии – праздник весны - Это Финляндия, Это Финляндия (27 sulakud 2015). Дата обращения: 5 sulakud 2025.
  39. ↑ 1 мая – Международный Праздник Трудящихся. Туроператор «Кайлаш». Дата обращения: 23 sulakud 2025.

Literatur

  1. Календарные обряды и обрядовая поэзия Воронежской области. Афанасьевский сборник. Материалы и исследования. — Вып. III / Сост. Пухова Т. Ф., Христова Г. П. — Воронеж: Изд-во ВГУ, 2005. — 249 с.
  2. Мельников-Печерский П. И. В лесах. Книга вторая. — М., 1875.
  3. Попов Алексей Дмитриевич, Пивоваров Никита Юрьевич. Демонстрация дискурсивной власти: высшее партийное руководство СССР и организация празднования 1 мая и 7 ноября (1950-1960-е годы) // Исторический курьер. — 2021. — № 6 (20).
  4. Люксембург, Р. Праздник Первого мая: пер. с польского. — СПб., 1895. — 16 с. Архивная копия от 27 sügüz'kud 2020 на Wayback Machine
  5. Фурсова Е. Ф. Традиционализм и неотрадиционализм в современной культуре восточнославянских народов Сибири // Материалы международной научно-практической конференции «Регионы России для устойчивого развития: образование и культура народов Российской Федерации». — Новосибирск: ЗАО ИПП «Офсет», 2010. — Т. 1. — С. 882—892. — ISBN 5-7133-0704-2.

Tarkendused

Om sadud "https://vep.ruwiki.ru/w/index.php?title=Keväden_i_radon_päiv&oldid=302191"