Perevoz (Alalidnan agj)

	Perevoz
Флаг	Герб
	55°35′46″ с. ш. 44°32′41″ в. д.GЯO
Valdkund	Venäma;
Istorii da geografii
Ekonomik
Eläjad
Eläjad	▲8999 чел. (2021);
Lugud
Telefonan kod	83148
Počtan indeksad	607400
-
	lugeda • diskussii • redaktiruida

Perevoz (Alalidnan agjan suvipalas. Se om Perevozan lidnümbrikon (edel vn 2017 kezakud — rajonan) administrativine keskuz.

Istorii

Eländpunkt mainitase ezmäižen kerdan vl 1593 kuti külä traktan ehtatusenno. Toine nimituz oli Pjanskii Perevoz. Kändihe žiloks 1630-nzil vozil pühäpertin sauvondan jäl'ghe. Sai makundan lidnan statusad vl 1779, tehtihe muite lidnaks vspäi 1798. Vll 1913−1914 «Arzamas — Šihrani»-raudtekeskust läbiti lidnad, Perevozskai-stancii (ven.: Перевозская) radab. Kändihe lidnad žiloks vn 1917 jäl'ghe. Radnikžilo vspäi 1962. Žilo sai lidnan statusad tošti vn 2001 uhokus.

Perevoz šingotase valdkundaližil holitišil, hebonfermal, asfal'ttegimel i udel elevatoral (vspäi 2021). Kombisötken tegim, leibtegim i omblendfabrik eile rados.

Geografijan andmused

Lidn sijadase ümbrikon keskuzpalas, Pjan-jogen keskjoksmusen oiktal randal (Suran hurapol'ne bassein), 100 m ü.m.t. keskmäižel korktusel. Om kos'kid joges. Matkad Alauz'lidnhasai om 88 km lodeheze-pohjoižhe orhal, 113 km avtotedme vai 175 km raudtedme. Lähembaižed lidnad oma Knäginino 39 km pohjoižpäivnouzmha orhal vai 50 km avtotedme, Sergač 59 km päivnouzmha orhal, 73 km avtotedme vai 64 km raudtedme, i Arzamas 50 km suvipäivlaskmha orhal, 58 km avtotel vai raudtel.

Čergat'-külä (199 rist. vl 2017) mülüi lidnankundha edel sen tühjitust vl 2017. Lidnankundan pind oli 6,63 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 9 201 ristitud, lidnümbrikon viž ühesandest. Lidnan ristitišt om läz 9 tuhad eläjid vspäi 2000, kaikiš suremb oli 9 386 ristitud vl 2002.

Rahvahad (2010): jezidad — 2,2%, toižed rahvahad — 3,0%.

Ortodoksižen hristanuskondan Jumalanmaman katken jumalanpert'^[3] (letihe vl 1816) om väges lidnas.

Perevozan sauvondkolledž^[4] om professionaližen opendusen aluzkundaks.

Galerei

Ümbrikon policijan palakund i rajonan käskuzkundan sauvuz (2012)
Jumalanmaman katken jumalanpert', vn 2012 nägu
Perevoz. Town Civil Engineering College.jpg

Sauvondkolledž vl 2012
Fizkul'turan da tervehtamižen «Čaika»-kompleks (vspäi 2008)
Perevozskai-raudtestancijan sauvuz vl 2012

Homaičendad

↑ ¹ ² ОКТМО. 185/2016. Volga Federal District
↑ ¹ ² Geographic Names Server — 2018.
↑ Perevozan pühäpertid sobory.ru-saital. (ven.)
↑ Perevozan sauvondkolledžan sait (gboupsk.ru). (ven.)

Irdkosketused

Lidnan da lidnümbrikon oficialine sait (pvzrayon.ru). (ven.)

Perevoz (Alalidnan agj) Vikiaitas

	Alalidnan agjan lidnad
	Alauz'lidn \| Arzamas \| Balahn \| Bogorodsk \| Bor \| Čkalovsk \| Dzeržinsk \| Gorbatov \| Gorodec \| Knäginino \| Kstovo \| Kulebaki \| Liskovo \| Lukojanov \| Navašino \| Pavlovo \| Perevoz \| Pervomaisk \| Sarov \| Semönov \| Sergač \| Šahunj \| Zavolžje \| Uren' \| Vetlug \| Viks \| Volodarsk \| Vorsm

[_56dd60f671f5dd96-1] ¹ ² ОКТМО. 185/2016. Volga Federal District

[_70d62ce602d0e5c8-2] ¹ ² Geographic Names Server — 2018.

[3] Perevozan pühäpertid sobory.ru-saital. (ven.)

[4] Perevozan sauvondkolledžan sait (gboupsk.ru). (ven.)

[1]

[2]

[3]

[4]