Kanaš

Kanaš
Kanaš
Флаг	Герб[d]
	55°31′00″ с. ш. 47°30′00″ в. д.GЯO
Valdkund	Venäma;
Istorii da geografii
Tegemižen päiv	1892
Pind	18,5;
Высота	190
Aigvö	UTC+3[d]
Eläjad
Eläjad	▼44 354 чел. (2021);
Lugud
Telefonan kod	83533
Počtan indeksad	429330, 429331, 429332, 429333, 429334, 429335, 429336 da 429282
	Официальный сайт(ven.)
	Mediafailad RUWIKI-tedoiš

Kanaš (čuv.: Канаш «nevondkund», ven.: Кана́ш, tot.: Канаш / Kanaş) om Venäman lidn da lidnümbrik, järed avtote- da raudtesol'm Čuvašijan Tazovaldkundan keskuzpalas. Se om tazovaldkundan koumanz' lidn eläjiden lugun mödhe, mugažo om Kanašan rajonan administrativižeks keskuseks, ei ole rajonan palaks.

Istorii

Eländpunktan aluz om pandud vl 1892 kuti Šihrani-külä (čuv.: Шăхран). Vl 1925 se sai lidnan statusad nügüdläiženke nimenke.

Kanašan tegimišton päsarakod oma transportmašinoiden sauvomine (vagonad i niiden palad, avtobusoiden palad, kormadimed, mecližavedamad jüguavtoiden täht, traktoran jäl'gmašiništ, tesauvondan pened mašinad, henotiž-sortiruindmašiništ i konvejerad), toine mašinansauvomine (leiktimiden pästand, metallan ümbriradmine, henikon tegim), elektrotehnine (Arkto-vilugoitimed-škapad, vspäi 2020), sömtegimišt (leibtegim, sagudkombinat, painatosed), sauvond, sauvondmujuiden, keramikan i hobasižiden kengiden tehmine.

Geografijan andmused

Lidn sijadase Pen' Civil'- (čuv.: Кĕçĕн Çавал) da Kubn'- (čuv.: Кĕтне, ven.: Кубня) jogidenkeskeižes (Volgan oiged randpol'), 190 m ü.m.t. keskmäižel korktusel. Reljef om vanoikaz. Matkad Čeboksarhasai om 70 km pohjoižhe orhal vai 80 km avtotedme. Lähembaine lidn om Civil'sk 39 km pohjoižhe orhal vai 47 km avtotedme.

Kanaš om lidnümbrikon üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 45 607 ristitud. Kaikiš suremb lidnan ristitišt oli enamba 56 tuhad eläjid vozil 1992−2000 (56 900 rist. vl 1996).

Rahvahad (2010): čuvašalaižed — 53,0 %, venälaižed — 31,8 %, totarlaižed — 8,7 %, toižed rahvahad — 6,5 %.

Ortodoksižen hristanuskondan viž pühäpertid^[2] oma olmas lidnas: ph. Mikulai-čudonsädajan kafedraline päjumalanpert' (1901), koume jumalanpertid i časoun' pühäpäivän školanno.

Professionaližen opendusen aluzkundad: Kanašan transportiž-energetine tehnikum^[3], Kanašan sauvondtehnikum^[4], Kanašan pedagogine kolledž^[5], mugažo Čeboksaran medicinižen kolledžan filial i kahten üläopendusen aluzkundoiden filialad.

Lidnan Administracijan pämez' om Vitalii Mihailov vn 2020 kül'mkuspäi.

Transport

Avtobusad da maršruttaksid oma kundaližeks transportaks lidnas.

Kanaš- i Kanaš-2-raudtestancijad sijadasoiš lidnan territorijal.

Galerei

Kanaš-lidnan Administracijan sauvuz (2008)
Здание учительской семинарии г.Канаш.jpg

Opendajiden seminarijan sauvuz (1915) i ph. Mikulai-čudonsädajan kafedraline päjumalanpert', vn 2016 nägu
Перед Канашским ВРЗ (8).jpeg

Kanašan vagonkohenduztegimen pätulend vl 2008
Kanash bolnica ЖД.jpeg

Raudten läžundkodi Kanašas (2008)
Kanaš-päraudtestancii vl 2016

Homaičendad

Irdkosketused

Kanaš-lidnan tobmuden sait (gkan.cap.ru). (ven.)

	Čuvašijan Tazovaldkundan lidnad
	Alatir' \| Civil'sk \| Čeboksarad \| Jadrin \| Kanaš \| Kozlovk \| Mariinskii Posad \| Novočeboksarsk \| Šumerl'

[_15bd2465f028e4c3-1] ttps://rosstat.gov.ru/storage/mediabank/tab-5_VPN-2020.xlsx

[2] Kanašan pühäpertid sobory.ru-saital. (ven.)

[3] Kanašan transportiž-energetižen tehnikuman sait (kantet.ru). (ven.)

[4] Kanašan sauvondtehnikuman sait (pu16kan.ucoz.com). (ven.)

[5] Kanašan pedagogižen kolledžan sait (kanpk.ru). (ven.)

[1]

[2]

[3]

[4]

[5]