Civil'sk

Civil'sk
Civil'sk
	čuv.: Ҫӗрпӳ
Флаг[d]	Герб
	55°52′00″ с. ш. 47°29′00″ в. д.GЯO
Valdkund	Venäma;
Istorii da geografii
Tegemižen päiv	1183
Pind	7;
Высота	70
Aigvö	UTC+3[d]
Eläjad
Eläjad	▼12 762 чел. (2021);
Lugud
Telefonan kod	83545
Počtan indeksad	429900 da 429901
	Официальный сайт
	Mediafailad RUWIKI-tedoiš

Civil'sk (ven.: Циви́льск, čuv.: Çĕрпӳ) om Venäman lidn da lidnankund Čuvašijan Tazovaldkundan pohjoižes. Se om Civil'skan rajonan administrativine keskuz da üks'jäine lidn.

Istorii

Nügüdläižen eländpunktan aluz om pandud vl 1589 kuti Venäman puine lidnuz čuvašalaižiden külänno. Om nimitadud möhemba venäks Sürbejevo:ks eländpunktan čuvašan nimitusen mödhe, čuvašan kelen ҫӗрпӳ-sana znamoičeb «sadanik» — sodajoukun sadanke mehenke käsknik. Lidnuz kadoti sodaznamoičendad, i 17. voz'sadaspäi külä šingotaškanzihe torgovanoiden da käziradajiden keskuseks. Vl 1781 se sai makundan lidnan statusad.

Civil'skan tegimišton päsarakod oma sömän tehmine (maidkombinat, leibkombinat, humalan fabrik) i sauvondmaterialiden pästand (savič, metalltegesed, uksiden kaks' fabrikad), mugažo innovacižtehnologijoiden tegim om olmas lidnas. Jogavozne jarmank oleleb heinkun ezmäižel nedalil.

Geografijan andmused

Lidn sijadase Sur' Civil'- (čuv.: Мăн Çавал, mödvedhe muite Civil', Volgan oiged ližajogi) i Pen' Civil'- (čuv.: Кĕçĕн Çавал) jogiden ühthejoksmusen randoil, 70 m ü.m.t. keskmäižel korktusel. Matkad Čeboksarhasai om 35 km lodeheze orhal vai M7-avtotedme. Lähembaižed lidnad oma Čeboksarad, Novočeboksarsk 28 km pohjoižhe orhal i Kanaš 39 km suvhe orhal vai 47 km avtotedme.

«Volg»-avtote (M7) läbitab lidnan suvipäivlaskmašt palad. Lähembaine Civil'sk-raudtestancii sijadase kudes kilometras päivlaskmha «Čeboksarad — Kanaš»-jonol, om olmas vspäi 1938.

Civil'sk om lidnankundan üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 13 479 ristitud, rajonan ristitišton kaks' videndest. Kaikiš suremb ristitišt om nügüd' (vl 2021).

Ortodoksižen hristanuskondan viž pühäpertid^[3] oma kaičenus lidnas: Tihvinan Jumalanmaman naižjumalankodi (17. voz'sada) päjumalanpertinke i Haralampijan jumalanpertinke, Eläban Eziauguižen Stroican päjumalanpert' (1734) Joann Armahtajan jumalanpertinke kellčuhunduses i Kazanin Jumalanmaman jumalanpert' (1735).

Civil'skan agrariž-tehnologine tehnikum^[4] om professionaližen opendusen aluzkundaks.

Galerei

A church in the city of Tsivilsk, Chuvashiya. (29849835638).jpg

Kodirandantedištandmuzei (huralpäi) i Eläban Eziauguižen Stroican päjumalanpert' kellčuhundusenke (tagamal, 2018)
Near the women monastery in the city of Tsivilsk, Chuvashiya. (41910882090).jpg

Tihvinan Jumalanmaman naižjumalankodi päjumalanpertinke Suren Civilin randal, vn 2018 nägu
Каменный одноэтажный дом, улица Карла Маркса, 14, Цивильск, Цивильский район, Чувашия.jpg

Lapsiden čomamahtoiden škol (2022)
Цивильск автовокзал Tsivilsk Bus Station - panoramio.jpg

Avtostancii vl 2011

Homaičendad

Irdkosketused

Civil'skan lidnankundan oficialine sait Čuvašijan Tazovaldkundan tobmuden aluzkundoiden portalal (gov.cap.ru). (ven.)

	Čuvašijan Tazovaldkundan lidnad
	Alatir' \| Civil'sk \| Čeboksarad \| Jadrin \| Kanaš \| Kozlovk \| Mariinskii Posad \| Novočeboksarsk \| Šumerl'

[_5d90c9e50f16fc2b-1] ttps://ru.wikisource.org/wiki/ЭСБЕ/Цивильск

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Civil'skan pühäpertid sobory.ru-saital. (ven.)

[4] Civil'skan agrariž-tehnologižen tehnikuman sait (catt21.ru). (ven.)

[1]

[2]

[3]

[4]