Jadrin
| Jadrin | |||
|---|---|---|---|
| čuv.: Етĕрне | |||
 | |||
|
|||
| 55°57′ с. ш. 46°12′ в. д.GЯO | |||
| Valdkund | |||
| Istorii da geografii | |||
| Tegemižen päiv | 1590 | ||
| Pind |
|
||
| Высота | 70 | ||
| Aigvö | UTC+3[d] | ||
| Eläjad | |||
| Eläjad |
|
||
| Lugud | |||
| Telefonan kod | 83547 | ||
| Počtan indeksad | 429060 | ||
|
|
|||
| Официальный сайт | |||
 Mediafailad RUWIKI-tedoiš | |||
Jadrin (ven.: Я́дрин, čuv.: Етĕрне, nitmar.: Ядырна, mägimar.: Йӓдӹрнӓ) om Venäman lidn da lidnankund Čuvašijan Tazovaldkundan lodehes. Se om Jadrinan rajonan administrativine keskuz (vspäi 1927) da üks'jäine lidn.
Istorii
Eländpunktan aluz om pandud vl 1590 kuti varjoičendpost. Külä sai lidnan statusad vl 1781 oficialiženke Jadrinsk-nimitusenke, möhemba nimi lüheni nügüdläižeks.
Jadrinan ižandusen päsarakod oma sömtegimišt (spirttegim, maidon da lihan ümbriradmižen edheotandad), sauvondmaterialiden tehmine (savičtegim), mugažo metallmašiništon tegim i omblendfabrik ratas. Lidn om maižanduzrajonan keskuz.
Geografijan andmused
Lidn sijadase Sur-jogen hural randpolel, päivlaskmha jogen känmaspäi, 70 m ü.m.t. keskmäižel korktusel. Matkad Čeboksarhasai om 60 km päivnouzmha orhal vai 77 km avtotedme. Lähembaine raudtestancii om Šumerl'-lidnas 59 km suvhe avtotedme.
Jadrin om lidnankundan üks'jäine eländpunkt.
Eläjad
Vn 2010 kaiken Venäman rahvahanlugemižen mödhe eläjiden lugu oli 9 614 ristitud, rajonan ristitišton koumandez. Kaikiš suremb ristitišt oli 11 tuhad eläjid vozil 1996−2001.
Ortodoksižen hristanuskondan viž pühäpertid[2] oma olmas lidnas, niišpäi Spasan Toižetamižen päjumalanpert' i Mikoi-arhangelan jumalanpert' oma kaičenus vaiše paloin i ei ole väges.
Jadrinan agrotehnine tehnikum[3] om professionaližen opendusen aluzkundaks.
Edeline lidnan pämez' (Deputatoiden Nevondkundan ezmez') om Irina Oblinova (reduku 2015 — 2017). Edeline lidnan Administracijan pämez' om Igor' Čečeneškin (kül'mku 2020 — kezaku 2022).
Transport
Avtobusad oma kundaližeks transportaks lidnas.
«Volg»-avtote (M7) om vides kilometras pohjoižhe lidnaspäi.
Homaičendad
Irdkosketused
- Lidnankundan lehtpoled Čuvašijan Tazovaldkundan tobmuden aluzkundoiden oficialižel portalal (gov.cap.ru) (ven.)
- Lidnan informacine sait (yadrin.ru). (ven.)
| Čuvašijan Tazovaldkundan lidnad | ||
| Alatir' | Civil'sk | Čeboksarad | Jadrin | Kanaš | Kozlovk | Mariinskii Posad | Novočeboksarsk | Šumerl' | ||