Mariinskii Posad

Mariinskii Posad
Mariinskii Posad
	čuv.: Сĕнтĕрвăрри
	56°07′00″ с. ш. 47°43′00″ в. д.GЯO
Valdkund	Venäma;
Istorii da geografii
Tegemižen päiv	1620
Pind	9;
Высота	80
Aigvö	UTC+3[d]
Eläjad
Eläjad	▼7851 чел. (2021);
Lugud
Telefonan kod	835 4 2
Počtan indeksad	429573
	Официальный сайт
	Mediafailad RUWIKI-tedoiš

Mariinskii Posad (ven.: Марии́нский Поса́д, čuv.: Сĕнтĕрвăрри) om Venäman lidn da lidnankund Čuvašijan Tazovaldkundan pohjoižes. Se om Mariinskii Posadan rajonan administrativine keskuz (vspäi 1927) da üks'jäine lidn.

Istorii

Marilaižiden amuine lidnut sijazihe Sundirin mägen pohjanno amuižes aigas. Čuvašalaižiden külä sündui sen jäl'ghe. Eländpunkt mainitase ezmäižen kerdan aigkirjas vl 1620 kuti Sundir' (ven.: Сунды́рь). Nimitadas čuvašan kelel Сĕнтĕрвăрри tähäsai kahten penen jogen mödhe (nüg. Üläsundirk i Alasundirk), nimi kändase «Sundirin jogensu». Vl 1856 ühtenzoittihe lähižidenke külidenke da anttihe lidnan statusad udenke venäkel'ženke nimenke, Venäman imperatoran Marija Aleksandrovna-akan oiktastuseks.

Mariinskii Posadan ižandusen päsarakod oma turizm, sauvondmaterialiden tehmine (elektrokabeläd, elektroveimed, naglad) i sömtegimišt (leibkombinat, lihan ümbriradmižen edheotand), mugažo spirttegim om radmata.

Geografijan andmused

Lidn sijadase Volg-jogen (čuv.: Атӑл) oiktal randal, 80 m ü.m.t. keskmäižel korktusel. Emändan vai Sundirin mägi (ven.: Государева гора, mägimar.: Аламнер vai Аралы курык) om pirtud lidnanznamal, seižub lidnan päivnouzmas. Matkad Čeboksarhasai om 25 km päivlaskmha orhal vai 45 km avtotedme. Lähembaine lidn om Novočeboksarsk seičeme kilometrad päivlaskmha orhal vai 25 km avtotedme.

Mariinskii Posad om lidnankundan üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 9 088 ristitud, rajonan ristitišton kaks' videndest. Kaikiš suremb ristitišt oli läz 11 tuhad eläjid vozil 1992−2001 (11 100 rist. vl 2000).

Ortodoksižen hristanuskondan kaks' pühäpertid^[2] oma udessündutadud i letud lidnas: ph. Stroican päjumalanpert' (1726), Kazanin Jumalanmaman jumalanpert' (1761), koume časounäd.

Professionaližen opendusen aluzkundad: Mariinskii Posadan tehnologine tehnikum^[3] i Voglaveren valdkundaližen tehnižen universitetan filial (Joškar-Ol).

Edeline lidnan pämez' om Aleksandr Budnikov (kül'mku 2015 — reduku 2020). Lidnan Administracijan pämez' om Väčeslav Sergejev vn 2022 kezakuspäi (velgusentäutai).

Transport

Avtobusad da taksid oma kundaližeks transportaks lidnas.

Jogivaldmad ma turistlaivoiden täht.

Galerei

Volga river cruises- the old Russian town of Mariinsky Posad is located on the right bank of the Volga River. - 42135492235.jpg

Lidnan ZAGS (2018)
Kazanin Jumalanmaman jumalanpert', nägu 1990-nziden voziden lopus
Марпосадкабель - panoramio.jpg

«Marposadkabel'»-tegim vl 2012
Мариинский спорткомплекс - panoramio.jpg

Fizkul'turiž-sportivine «Mariinskii»-kompleks (2012)
Pordhad randirdanno vl 2004

Homaičendad

Irdkosketused

Lidnan ohjastusen lehtpoled Čuvašijan Tazovaldkundan tobmuden aluzkundoiden oficialižel portalal (gov.cap.ru). (ven.)

	Čuvašijan Tazovaldkundan lidnad
	Alatir' \| Civil'sk \| Čeboksarad \| Jadrin \| Kanaš \| Kozlovk \| Mariinskii Posad \| Novočeboksarsk \| Šumerl'

[_15bd2465f028e4c3-1] ttps://rosstat.gov.ru/storage/mediabank/tab-5_VPN-2020.xlsx

[2] Mariinskii Posadan pühäpertid sobory.ru-saital. (ven.)

[3] Mariinskii Posadan tehnologižen tehnikuman sait (mptt-marpos.edu21.cap.ru). (ven.)

[1]

[2]

[3]