Šahunj

Šahunj
Флаг Герб
57°41′00″ с. ш. 46°36′00″ в. д.
Valdkund	Venäma
Istorii da geografii
Tegemižen päiv	1921
Высота	152,2
Aigvö	UTC+4:00[d] da MSD[d]
Eläjad
Eläjad	▼17 626 чел. (2021)
Lugud
Telefonan kod	83152
Počtan indeksad	606910
Официальный сайт
Mediafailad RUWIKI-tedoiš

Šahunj (ven.: Шаху́нья) om Venäman lidn Alalidnan agjan pohjoižpäivnouzmas. Se om Šahunjan lidnümbrikon (edel vn 2011 kül'mkud — rajonan) administrativine keskuz da pala.

Istorii

Ende marilaižed eliba enambuses lidnan tahondas. Eländpunktan aluz om pandud mecoiden i soiden sijha vl 1921 kuti žilo Šahunj-raudtestancijanno sauvomha da holitamha «Alauz'lidn — Kotel'nič»-raudtekeskustad koumes kilometras pohjoižpäivnouzmha ühtennimižes Šahunj-küläspäi (om olmas nügüd'-ki). Saudihe puruvedimdepod vodele 1928. Vspäi 1933 kändihe radnikžilod rajonan keskuseks. Žilo sai lidnan statusad vn 1943 27. päiväl redukud.

Šahunj šingotase maidtegimel, raudten edheotandoil (koume depod), mecanümbriradmižen sarakol (nell' edheotandad) i poimetišiden fabrikal.

Geografijan andmused

Lidn sijadase rajonan päivnouzmas, 152 m ü.m.t. keskmäižel korktusel. Černušk (Čornai)-jogi da sen pened Kopan'- i Samarih-ližajoged jokstas lidnadme suvespäi pohjoižhe (Vetlugan i Volgan hurapol'ne bassein). Matkad Kirovan agjan röunhasai om 20 km suvipäivnouzmha, Alauz'lidnhasai om 218 km suvipäivlaskmha orhal, 263 km avtotedme vai raudtedme. Lähembaižed lidnad oma Jaransk (Kirovan agj) 86 km päivnouzmha-suvipäivnouzmha orhal vai 101 km avtotedme, Uren' 54 km päivlaskmha-suvipäivlaskmha orhal, 57 km avtotedme vai raudtedme, i Vetlug 54 km lodeheze orhal vai 66 km avtotedme.

«Alauz'lidn — Kirov»-raudtekeskust jagab lidnad poleti, «Alauz'lidn — Kirov»-mante ümbärdab lidnad suvipäivlaskmaspäi.

Eläjad

Vn 2010 Venäman rahvahanlugemižen mödhe lidnan eläjiden lugu oli 20 921 ristitud, lidnümbrikon viž ühesandest. Kaikiš suremb lidnan ristitišt oli enamba 23 tuhad eläjid vll 1996−2001 (23 600 rist. vl 2000).

Rahvahad (2010): venälaižed — 96,2%, totarlaižed — 1,2%, toižed rahvahad — 2,6%.

Ortodoksižen hristanuskondan nell' pühäpertid oma olmas lidnas: Jumalanmaman Katken jumalanpert' (1994) i koume časounäd.

Šahunjan agrarižen industrijan kolledž om professionaližen opendusen aluzkundaks.

Galerei

• Выступление на Шахунской сцене.jpg

  Lidnan da lidnümbrikon tobmuden sauvuz (vn 2010 olend)

• Вид на инфекционное отделение городской больницы — Шахунья.jpg

  Lidnan läžundkodin kertläžundoiden palakund, vn 2015 nägu

• Вид на центральный универмаг (Шахунья).jpg

  Keskuzline universaline lauk vl 2014

• Городской дом культуры (Шахунья).jpg

  Lidnan kul'turkeskuz (2011)

• Шахунская автостанция (05.05.2013) - panoramio.jpg

  Avtostancii raudtenno vl 2013

Homaičendad

Irdkosketused

• Lidnan da lidnümbrikon oficialine sait (shahadm.ru). (ven.)