Gorbatov (lidn)

	Gorbatov
	Герб
	56°08′00″ с. ш. 43°04′00″ в. д.GЯO
Valdkund	Venäma;
Istorii da geografii
Высота	160
Aigvö	UTC+3:00[d]
Ekonomik
Eläjad
Eläjad	▼1934 чел. (1 vilukud 2018);
Lugud
Telefonan kod	83171
Počtan indeksad	606125
-
	Официальный сайт
	lugeda • diskussii • redaktiruida

Gorbatov (Alalidnan agjan päivlaskmas. Se om agjan kaikiš penemb lidn, Pavlovon rajonan lidnankundan administrativine keskuz.

Istorii

Meššora-heimon ezitajad eliba lidnan tahondas 10.-12. voz'sadal. Meššerskaja Porosl' -külä mainitase vspäi 1565. Udesnimitihe Gorbatai-küläks (Ivan IV anasti küläd ruhtinasel da andoi jumalankodile. Vl 1672 saudihe ezmäšt pujumalanpertid, i külä kändihe Gorbatovo-žiloks. Vl 1779 ühtištuihe sidä Meššorskai-slabadanke, žilo sai makundan lidnan statusad. Seižui «Moskv — Alauz'lidn»-traktal.

Gorbatov šingotase kervačuiden da noroiden fabrikal amussai, mugažo poimetišiden fabrikan (kuti Šahunjas) i Pavlovon suvenirtegimen filialil. Kazvatadas jablokpuid, višnäd da marjoid suriš lugumäriš. Kurorttahond lebukodidenke ümbärdab lidnad.

Geografijan andmused

Lidn sijadase Okan oiktal randal sen känmas, 160 m ü.m.t. keskmäižel korktusel, valdmad oma olmas. Matkad Alauz'lidnhasai om 62 km päivnouzmha-pohjoižpäivnouzmha orhal vai 89 km avtotedme, Pavlovo-rajonkeskushesai om 15 km suvhe orhal vai 20 km avtotedme. Lähembaine lidn om Volodarsk 13 km pohjoižpäivnouzmha orhal vai 117 km avtotedme. Lähembaine avtotedme Vorsm-raudtestancii om 12 km suvipäivnouzmha lidnaspäi.

Kaik 14 küläd i kaks' žilod mülüdas lidnankundha Gorbatovan ližaks vspäi 2009. Lidnankundan pind — 176,71 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 2 278 ristitud, lidnankundan — 2 813 ristitud. Kaikiš suremb lidnan ristitišt oli 4 800 eläjad vl 1913 i 4 611 eläjad vl 1970. Kaik 2 387 ristitud elihe lidnankundas vl 2017.

Rahvahad (2010): venälaižed — 98,5%, toižed rahvahad — 1,5%.

Ortodoksižen hristanuskondan koumen jumalanpertin i ühten časounän sauvused^[3] oma kaičenus lidnas erazvuiččes olendas, niišpäi kaks' jumalanpertid oma väges.

Professionaližen opendusen lähembaižed aluzkundad ratas Pavlovo-rajonkeskuses.

Galerei

Park of Gorbatov in may.JPG

Monument Suren sodan pölištunuzile sodamehile lidnan puištos, 2011
Троицкий собор в Горбатове, северная сторона, 2020-03-01.jpg

Pühän Stroican päjumalanpert', vn 2020 nägu (om saudud vll 1813−1814)
Жилой дом с торговыми помещениями на Приокской улице, 16, Горбатов, 2020-03-01.jpg

Istorine eländpert' torguindhonusidenke vl 2020
Town Secondary School.jpg

Lidnan keskškol (2009)
Gorbatov Recreation House.jpg

Gorbatovan lebukodi vl 2009

Homaičendad

Irdkosketused

Lidnankundan lehtpoled Pavlovon rajonan tobmuden aluzkundoiden admpavlovo.ru-saital. (ven.)

Gorbatov (lidn) Vikiaitas

	Alalidnan agjan lidnad
	Alauz'lidn \| Arzamas \| Balahn \| Bogorodsk \| Bor \| Čkalovsk \| Dzeržinsk \| Gorbatov \| Gorodec \| Knäginino \| Kstovo \| Kulebaki \| Liskovo \| Lukojanov \| Navašino \| Pavlovo \| Perevoz \| Pervomaisk \| Sarov \| Semönov \| Sergač \| Šahunj \| Zavolžje \| Uren' \| Vetlug \| Viks \| Volodarsk \| Vorsm

[_56dd60f671f5dd96-1] 1,0 ^1,1 ОКТМО. 185/2016. Volga Federal District

[_58778f25141c52ad-2] 2,0 ^2,1 26. Численность постоянного населения Российской Федерации по муниципальным образованиям на 1 января 2018 года — Riikliku statistika föderaalteenistus.

[3] Gorbatovan pühäpertid sobory.ru-saital. (ven.)

[1]

[2]

[3]