Dmitrovsk

	Dmitrovsk
	Герб
	52°30′18″ с. ш. 35°08′47″ в. д.GЯO
Valdkund	Venäma;
Istorii da geografii
Tegemižen päiv	1711
Pind	6;
Высота	200
Aigvö	UTC+3:00[d]
Ekonomik
Eläjad
Eläjad	▲5202 чел. (2021);
Lugud
Telefonan kod	48649
Počtan indeksad	303240
-
	lugeda • diskussii • redaktiruida

Ph. Dmitrii Solunalaižen jumalanpert', vn 2020 nägu

Dmitrovsk (Dmitrovskan rajonan administrativine keskuz da pala.

Istorii

Eländpunktan aluz om pandud vl 1711 kuti Dmitrovk-žilo usadibanke (Moldovan ruhtinazkundan Dmitrii Kantemir-gospodaril (1676−1723). Nened rahvahad eliba žilos: moldovalaižed, romanijalaižed, baškiralaižed. Žilo kändihe valdkundaližeks vl 1780 i sai makundan lidnan statusad vl 1782 nügüdläiženke nimitisenke, no nimitihe Mitrijevk:aks paginkeles 20. voz'sadahasai. Usadiban territorii om kaičenus tähäsai lidnan suves. Lidn šingotihe käziradoil i torguindal, revolücijan jäl'ghe — tegimil-ki. Vll 1928−2005 lidnan nimituz oli Dmitrovsk-Orlovskii, muga erasil-se kartoil tähäsai, erištamha Kurskan agjan Dmitrijev-lidnaspäi. Toižen mail'man sodan aigan lidn oli okkupiruidud nacistoil (2. reduku 1941 — 12. eloku 1943), muretihe sidä lujas.

Dmitrovsk šingotase sömtegimištol (sagudmaidtegim, leibtegim, lihakombinat) i linkapken edheotandal.

Geografijan andmused

Lidn sijadase rajonan päivlaskmas, Neruss-jogen üläjoksmusen hural randal (Desnan hura ližajogi), 212 m ü.m.t. keskmäižel korktusel. Obščeric-jogi (ven. Общерица 19 km pitte) ümbärdab lidnad suvipäivlaskmaspäi da lankteb Nerussha, uit om saudud lidnan suviröunal. Matkad Bränskan agjhasai om 8 km päivlaskmha orhal. Matkad Orelhasai om 80 km pohjoižpäivnouzmha orhal vai 92 km avtotel. Lähembaine lidn om Železnogorsk (Kurskan agj, raudtestancijanke) 24 km suvipäivnouzmha orhal vai 29 km avtotedme.

Klimat om ven kontinentaline. Voden keskmäine lämuz om +5,5 C°, kezakun-elokun +17..+19 C°, vilukun-uhokun — −8..−9 C°. Paneb sadegid 608 mm vodes, enamba kezakus-heinkus (72..81 mm kus), vähemba vilukus-keväz'kus (30..38 mm kus).

Dmitrovsk om lidnankundan üks'jäine eländpunkt. Lidnankundan pind — 56,38 km².

Eläjad

Vl 1897 lidnan ristitišt oli 5 291 eläjad, vl 1939 — 5 421 eläjad. Vn 2010 Venäman rahvahanlugemižen mödhe lidnan eläjiden lugu oli 5 648 ristitud, rajonan pol'. Kaikiš suremb lidnan ristitišt oli 10 400 eläjad vl 1913 i 7 000 eläjid vl 1996. Vl 2017 lidnan ristitišt oli 5 181 eläjad.

Rahvahad (2010): venälaižed — 98,0%, toižed rahvahad — 2,0%.

Johann-edelkävujan Sündundan jumalanpert' (letihe vodele 2014) i ph. Stroican časoun' (2004). 19. voz'sadan lopus kaik seičeme jumalanpertid i koume časounäd oli avaitud lidnas.

Orelan agrotehnologijoiden da transportan tehnikum^[4] — Dmitrovskan filial om lidnan professionaližen opendusen aluzkundaks.

Lidnankundan pämez' om Rahvahan deputatoiden Nevondkundan ezimez'. Lidnan Administracii om likvidiruidud vn 2017 keväz'kus, rajonan administracii tegeb sen velgusid.

Homaičendad

↑ ^1,0 ^1,1 Geographic Names Server — 2018.
↑ ^2,0 ^2,1 https://rosstat.gov.ru/storage/mediabank/tab-5_VPN-2020.xlsx
↑ Dmitrovskan pühäpertid sobory.ru-saital. (ven.)
↑ Orelan agrotehnologijoiden da transportan tehnikuman sait (отаит.рф). (ven.)

Irdkosketused

Lidnankundan lehtpoled rajonan tobmuden aluzkundoiden dmitrovsk-orel.ru-saital. (ven.)

Dmitrovsk Vikiaitas

	Orelan agjan lidnad
	Bolhov \| Dmitrovsk \| Livni \| Maloarhangel'sk \| Mcensk \| Novosil' \| Orel

[_d2a7818e5707bd23-1] 1,0 ^1,1 Geographic Names Server — 2018.

[_15bd2465f028e4c3-2] 2,0 ^2,1 https://rosstat.gov.ru/storage/mediabank/tab-5_VPN-2020.xlsx

[3] Dmitrovskan pühäpertid sobory.ru-saital. (ven.)

[4] Orelan agrotehnologijoiden da transportan tehnikuman sait (отаит.рф). (ven.)

[1]

[2]

[4]