Dobränk

Dobränk
Флаг[d] Герб
58°27′00″ с. ш. 56°25′00″ в. д.
Valdkund	Venäma
Istorii da geografii
Высота	130
Aigvö	UTC+5:00[d]
Eläjad
Eläjad	▼28 782 чел. (2021)
Lugud
Telefonan kod	34265
Počtan indeksad	618740
Официальный сайт
Mediafailad RUWIKI-tedoiš

Dobränk (ven. i perm. komi: Добрянка) om Venäman lidn da lidnankund Permin randan keskuses. Se om Dobränkan lidnümbrikon (edel vn 2019 tal'vkud — rajonan) administrativine keskuz.

Istorii

Eländpunkt mainitase ezmäižen kerdan vl 1623 kuti Domränk-külä (ven.: Домрянка). Sauvoškanzihe vas'kentegint i žilod senno vl 1752. Pigai vajehtihe nimed nügüdläižikš i tegimen profiläd raudan samižhe sijaližen vas'kkivendon vähän lugun tagut. 18. voz'sadan lopuspäi vedihe jarmankoid i toihe lidnalašt kul'turad Permišpäi. Radnikžilo sai lidnan statusad vl 1943. Vll 1954−1956 täuttihe Kaman vezivaradint, i demontiruihe metallurgijan tegint.

Dobränk šingotase järedan Permin GRES:an radol (3,3 GVt), mecan ümbriradmižen edheotandoil (mecpilind, mebel') i kivivoin samižen edheotandoil.

Geografijan andmused

Lidn sijadase Kaman vezivaradimen hural randal, penen Dobränk-jogensunno, 130 m ü.m.t. keskmäižel korktusel. Matkad Permin röunhasai om 50 km suvhe avtol vai raudtedme (vaiše jüguiden täht). Toine lähembaine lidn om Čormoz 38 km lodeheze orhal, vezivaradimen oiktal randal, i 203 km avtotedme Permin kal't.

Kahesa küläd mülüihe lidnankundha Dobränkan ližaks edel 2020. vot. Lidnankundan pind oli 498,24 km².

Eläjad

Vl 2010 Venäman rahvahanlugemižen mödhe lidnan eläjiden lugu oli 33 686 ristitud, lidnankundan — 34 198 ristitud, rajonan koume videndest. Kaikiš suremb lidnan ristitišt oli 38 400 eläjad vll 2000−2001. Vl 2017 kaik 33 083 ristitud elihe lidnas i 33 513 ristitud kaikes lidnankundas.

Ortodoksižen hristanuskondan nell' pühäpertid om avaitud lidnas: koume jumalanpertid i časoun'-muštnik.

Dobränkan gumanitariž-tehnologine tehnikum om professionaližen opendusen aluzkundaks.

Lidnan jäl'gmäine pämez' oli Dmitrii Antonov vn 2016 tal'vkuspäi.

Galerei

• Добрянка, историко-краеведческий музей - panoramio.jpg

  Kodirandantedištandmuzejan tulend (2012)

• Добрянка - panoramio (3).jpg

  Jumalanmaman Sündundpäivän jumalanpert', vn 2012 nägu (om saudud vll 1832−1852)

• Добрянка, часовня - panoramio.jpg

  Ph. Aleksandr Nevalaižen časoun'-muštnik, vn 2012 nägu (om saudud vl 2000)

• Добрянка. Городской рынок - panoramio.jpg

  Lidnan torgusel (2012)

• Добрянка - panoramio (4).jpg

  Personaline pertišt vl 2012

Homaičendad

Irdkosketused

• Lidnan i sen lidnümbrikon tobmuden aluzkundoiden sait (dobrraion.ru). (ven.)
• Enččen lidnankundan tobmuden aluzkundoiden sait (dobryanka-city.ru, täuteldihe vhesai 2020). (ven.)