Gräzovec
| Gräzovec | |||||
|---|---|---|---|---|---|
 | |||||
|
|||||
| 58°53′00″ с. ш. 40°15′00″ в. д.GЯO | |||||
| Valdkund | |||||
| Istorii da geografii | |||||
| Высота | 185 | ||||
| Aigvö | UTC+3[d] | ||||
| Eläjad | |||||
| Eläjad |
|
||||
| Lugud | |||||
| Telefonan kod | 81755 | ||||
| Počtan indeksad | 162000 | ||||
|
|
|||||
| Официальный сайт | |||||
 Mediafailad RUWIKI-tedoiš | |||||
.png)
_(1781).png)
Gräzovec (ven.: Гря́зовец) om Venäman lidn da lidnankund Vologdan agjan suves. Se om Gräzovecan rajonan administrativine keskuz.
Istorii
Eländpunkt mainitase ezmäižen kerdan vl 1538 kuti Gräzivitckoi počinok, sid' Gräzlivici-külä (ven.: село Грязливицы). Vl 1780 se sai lidnan statusad Gräzovic-nimenke (ven.: Грязовица), vspäi 1824 om olmas nügüdläiženke nimenke. Ezmäine pertišton plan om vahvištadud vl 1781.
Raudte tuli lidnha vl 1872. Lidn oli ümbrišton torguindsijaks 20. voz'sadan augotišhesai. Üks' amuižiš jarmankoišpäi om udessündutadud da radab kezaaigan.
Gräzovecan ižandusen päsarakod oma sömtegimišt (järed maidtegim[3] argvoin i kuivatud maidon pästandanke), sauvondmaterialiden pästand (savič, metalližed konstrukcijad joksusenoigendamižpirdoiden täht[4]) i torguind. Gazproman kompressorstancii radab läz lidnad, järed «Gräzovec — Viipur»-gazanveim zavodiše täs.
Geografijan andmused
Lidn sijadase Jävaldmeren i Kaspijan meren vezijagandal, 185 m ü.m.t. keskmäižel korktusel. Ržavk-joguden randad (ven.: Ржавка) mülüdas Volgan hurapol'žhe basseinha; Luht-jogi (ven.: Лухта 31 km pitte, lankteb Komelha oiktalpäi) augotase lidnan pohjoižpäivnouzmas i mülüb Jävaldmeren basseinha. Matkad Vologdan röunhasai om 43 km avtotedme (uz' da vanh oma), keskushesai — 47 km. Gräzovec-raudtestancii radab «Vologd — Jaroslavl'»-keskustal vspäi 1872.
Kaks' pen't küläd, Pirogovo (180 rist. vll 2002−2010) i Svistunovo (29 rist.), mülüdas lidnankundha Gräzovecan ližaks.
Eläjad
Vn 2010 Venäman rahvahanlugemižen mödhe lidnan eläjiden lugu oli 15 201 ristitud, rajonan ristitišton pol'. Kaikiš suremb ristitišt oli enamba 16 tuhad eläjid vll 1989−2003 (16 424 rist. vl 1989). Vl 2017 kaik 14 916 ristitud elihe lidnas i 15 109 ristitud kaikes lidnankundas.
Ortodoksižen hristanuskondan koume jumalanpertid[5] oma avaitud lidnas, niišpäi kaks' oma letud lidnan kaumžomas: Ristan Zdviženjan (19. voz'sadan augotiž) i ph. Kornilii Komelalaižen (1997−2003).
Politehnine tehnikum[6] om lidnan specialižen keskopendusen aluzkundaks.
Edeline lidnankundan pämez' om Lübov' Voronina (2014−2020).
Galerei
Lidnan muzei (ende škol kurdižlamanoiden lapsiden täht i Razumovskii-Mašaldinan pert')
Pühän Kornilii Komelalaižen jumalanpert', vn 2012 nägu
- Грязовец. Вид с Центральной площади на улицу Карла Маркса.JPG
Endevanhad torguindrived Keskuztorgul (2012)
Gräzovec-päraudtestancijan sauvuz vl 2013
Homaičendad
- ↑ http://www.gks.ru/free_doc/2016/oktmo/tom2_oktmo.rar
- ↑ https://rosstat.gov.ru/storage/mediabank/tab-5_VPN-2020.xlsx
- ↑ «Severnoje moloko»-edheotandan sait (milk35.ru). (ven.)
- ↑ Gräzovecan avtokohenduztegimen sait (arzavod.ru). (ven.)
- ↑ Gräzovecan pühäpertid sobory.ru-saital. (ven.)
- ↑ Gräzovecan politehnižen tehnikuman sait (p12601.edu35.ru). (ven.)
Irdkosketused
- Lidnankundan tobmuden sait (mogryazovec.ru). (ven.)
- Gräzovecan istorijan i rahvahankul'turan muzei (gryazovec-muzeum.vgr.muzkult.ru). (ven.)
| Vologdan agjan lidnad | ||
| Babajevo | Belozersk | Čerepovec | Gräzovec | Harovsk | Kadnikov | Kirillov | Krasavino | Nikol'sk | Sokol | Sur' Ustüg | Tot'm | Ustüžn | Vitegr | Vologd | ||