Tot'm
| Tot'm | |||||
 | |||||
| |||||
| Valdkund | |||||
|---|---|---|---|---|---|
| Istorii da geografii | |||||
| Pind |
| ||||
| Высота |
130 | ||||
| Aigvö | |||||
| Ekonomik | |||||
| Eläjad | |||||
| Eläjad |
| ||||
| Lugud | |||||
| Telefonan kod |
81739 | ||||
| Počtan indeksad |
161300 | ||||
| - | |||||
|
| |||||
| lugeda • diskussii • redaktiruida | |||||
![Флаг[d]](/wiki/Fail:Flag_of_Totma_(Vologda_oblast).png)
.png)
Tot'm (ven.: То́тьма) om Venäman lidn da lidnankund Vologdan agjan päivnouzmas. Se om Tot'man rajonan administrativine keskuz.
Istorii
Eländpunkt mainitase ezmäižen kerdan vl 1137 uz'lidnan Svätoslav Ol'govič-ruhtinasen tohesižes kirjeižes kuti Tošm-pagast (ven.: погост Тошма)[3]. Sirdihe Tot'mad Suhonan ülezjogen severz'-se kerdoid: ezmäi sijazihe Vanh Tot'm-jogensun randal (kümnes kilometras Suhonan mödvedhe), sid' saiba keitandsolad kaks' kilometrad pohjoižhe nügüd'aigaižes lidnaspäi (nüg. Varnicad-külä), nimitihe Tot'man Usol'je.
Vspäi 1541 saudihe lidnust kaičemhas vihankandajišpäi totarlaižiden londan jäl'ghe, korktal kukhal, nügüdläižen lidnan sijas. Änikoičeškanzi torguindlidnaks 17. voz'sadal, konz kaik Venäman verazmaine torguind tegihe Pohjoižen kal't. Tot'm sai oficiališt lidnan statusad vl 1780. Torguind poleni Piterin šingotesenke, no tot'malaižed löuziba uzid voimusid šingotadas. 18. voz'sadan kahtendel polel hö sädatiba da oigenziba äi joukuid Sibirihe, Edahaižen Päivnouzman i Amerikan randoihe samha živatkarvad, sišpäi must amerikaine reboi om lidnanznamal. Tot'man eläjad tegiba 20 ekspedicijad tedoidamha Tüned valdmert, avaižiba da nimitiba sen erasid sarid.
Tot'man ižandusen päsarakod oma turizman holituz, sömtegimišt (leibänkombinat, lihakombinat, argvoin tegim), mecan ümbriradmine.
Geografijan andmused
Lidn sijadase Suhon-jogen keskmäižen joksmusen hural korktal randal tobjimalaz, 130 m ü.m.t. keskmäižel korktusel. Om äi astužnikoiden sildoid, sikš miše pertišt om kukhikahas vanoikahas tahondas. Matkad Vologdhasai om 180 km suvipäivlaskmha orhal vai 210 km avtotedme. Lähembaižed lidnad oma Soligalič 103 km suvhe orhal, Kadnikov 145 km orhal vai 165 km suvipäivlaskmha avtotedme i Vel'sk 128 km pohjoižhe orhal.
Tot'm om lidnankundan üks'jäine eländpunkt.
Eläjad
Vn 2010 Venäman rahvahanlugemižen mödhe eläjiden lugu oli 9 776 ristitud, rajonan ristitišton nell' ühesandest. Kaikiš suremb ristitišt oli 10 900 eläjad vll 2000−2001. Vl 2017 lidnan ristitišt oli 9 895 eläjad. Läz 15 tuhad eläjid om ezilidnoidenke.
Ortodoksižen hristanuskondan 13 pühäpertid[4] oma kaičenus lidnas: koume päjumalanpertid (niišpäi kaks' oma Spasan Sumorinan mez'jumalankodiš), ühesa jumalanpertid i üks' časoun'. Niišpäi vaiše kaks' jumalanpertid oma avaitud: Eläban Stroican jumalanpert' Zelenal i Hristan Raštvoiden jumalanpert'. Kaik om kuz' muzejad Tot'mas, niišpäi nell' sijadasoiš enččiš hristanuskondan pühäpertiš.
Tot'man politehnine kolledž[5] om lidnan professionaližen opendusen aluzkundaks.
Municipaližen ühtnikan pämez' om lidnan Nevondkundan ezimez'. Lidnan Administracijan pämez' om Anatolii Skorükov vn 2017 kül'mkuspäi.
Transport
Taksid oma kundaližeks transportaks lidnas da sen ümbrištos. Reisavtobusad ühtenzoittas ümbrišton žiloidenke da lähembaižidenke rajonkeskusidenke. Avtotesild om Suhonas päliči lidnan suvipäivlaskmas.
Passažirlaivad ujudas Suhonadme vaiše turistoidenke. Ei ole olmas Tot'm-aeroportad 1990-nziden voziden lopuspäi, tobmuz andoi lendimpöudon territorijad sauvomha pertištod.
Sebruzlidnad
Bodega Bei, Kalifornii, Galerei
- RU Totma Sovetskaya6-2.jpg
Lidnan administracijan enzne pert' vl 2018
- RU Totma Kirova31-1.jpg
Tulendan Jerusalimha (huralpäi) i Hristan Raštvoiden (pun taga) jumalanpertid, vn 2018 nägu
«Rassvet»-adivpert' vl 2010
Avtotesil'd Suhonas päliči
Avtostancii vl 2009
Homaičendad
- ↑ 1,0 1,1 http://www.gks.ru/free_doc/2016/oktmo/tom2_oktmo.rar
- ↑ 2,0 2,1 https://rosstat.gov.ru/storage/mediabank/tab-5_VPN-2020.xlsx
- ↑ Кузнецова С. В., Филиппова Е. В. Тотьма / 2-е изд., испр. и доп. — Вологда: Полиграфист, 2005. (ven.)
- ↑ Tot'man pühäpertid sobory.ru-saital. (ven.)
- ↑ Tot'man politehnižen kolledžan sait (p22501.edu35.ru). (ven.)
- ↑ Tot'm: sebruzlidnad. — Lidnan administracijan sait (adm-totma.ru). (ven.)
Irdkosketused
- Municipaližen «Tot'm-lidn»-ühtnikan tobmuden sait (adm-totma.ru). (ven.)
- Lidnan da rajonan turizman sait (tourizm-totma.ru). (ven.)
 |
Tot'm Vikiaitas |
| Vologdan agjan lidnad | ||
| Babajevo | Belozersk | Čerepovec | Gräzovec | Harovsk | Kadnikov | Kirillov | Krasavino | Nikol'sk | Sokol | Sur' Ustüg | Tot'm | Ustüžn | Vitegr | Vologd | ||