Vel'sk

Vel'sk
Vel'sk
Флаг	Герб
	61°04′00″ с. ш. 42°06′00″ в. д.GЯO
Valdkund	Venäma;
Istorii da geografii
Pind	15;
Высота	90 ± 1
Aigvö	UTC+3[d]
Eläjad
Eläjad	▼21 613 чел. (2021);
Lugud
Telefonan kod	81836
Počtan indeksad	165150
	Официальный сайт
	Mediafailad RUWIKI-tedoiš

Vel'sk (ven.: Вельск) om Venäman lidn Arhangel'skan agjan suves. Se om Vel'skan rajonan i lidnankundan administrativine keskuz da üks'jäine lidn.

Istorii

Eländpunkt mainitase kirjutadud purtkiš ezmäižen kerdan vl 1137 kuti Velin pagast (ven.: Вельский погост) — jumalankodin andan keradandsija, nimitihe Vel'-jogen mödhe. Vl 1780 sille anttihe lidnan statusad. Vozil 1796−1929 mülüi Vologdan gubernijha.

Vel'skan ižandusen päsarakod oma mecan ümbriradmine, mechimii, sömtegimišt.

Geografijan andmused

Lidn sijadase Vag-jogen hural randal tobjan palan, sen Vel'-ližajogen lanktendan sijas, Vel'-jogen oiktal randal. Vel'sk seižub 90 m ü.m.t. keskmäižel korktusel. Matkad Arhangel'skhasai om 395 km pohjoižhe orhal vai 505 km «Holmogorad»-avtotedme (M8). Lähembaižed lidnad oma Nändom 120 km lodeheze orhal vai 200 km avtotedme i Tot'm 128 km suvhe orhal, järedad lidnad — Vologd, matkad sihesai om 250 km suvipäivlaskmha avtotedme, i Kotlas (266 km päivnouzmha raudtedme, 410 km avtotedme).

Klimat om ven kontinentaline. Voden keskmäine lämuz +2,7 C°. Paneb sadegid 645 mm vodes, vähemba tal'vkus-keväz'kus (35..41 mm kus).

Kaik kaks' küläd da raudtestancii mülüdas lidnankundha Vel'skan ližaks. Lidnankundan pind om 26,5 km².

Eläjad

Vl 1913 eläjiden lugu oli 3 000 ristituid. Vn 2010 Venäman rahvahanlugemižen mödhe lidnan eläjiden lugu oli 23 885 ristitud, lidnankundan — 24 366 ristitud. Kaikiš suremb lidnan ristitišt oli 25..26 tuhad eläjid vll 1989−2009 (26 800 rist. vl 1992). Kaik 22 776 eläjad oli lidnas vl 2017.

Ortodoksižen hristanuskondan kaks' pühäpertid oma avaitud lidnas: Jumalanmaman Emäganpäivän jumalanpert' (om saudud vll 1793−1796) kaumžomal, ph. Kirill Vel'skalaižen puine časoun' (om letud vll 2009−2010), mugažo Spasan Toižetamižen päjumalanpert' (1898−1913) om kaičenus i kävutase kul'turkeskuseks.

Vel'skan maižandusen tehnikum^[3] i industrialiž-ekonomine kolledž^[4] oma lidnan professionaližen opendusen aluzkundoikš.

Transport

Ühtennimine raudtestancii radab «Konoš — Kotlas»-raudtekeskustal. Vologd — Arhangel'sk avtote (M8) ümbärdab lidnad päivlaskmaspäi.

Lendimport sijadase nelläs kilometras suvhe lidnaspäi, kävutadas sidä sanitarižaviacijan täht vaiše.

Galerei

Vel'skan kodirandantedištandmuzei öližel aigal (2021)
Вельск Успенская церковь by iTitov83.jpg

Jumalanmaman Emäganpäivän pühäpert' lidnan kaumžomas, vn 2018 nägu
Archive (27675909760).jpg

«Dodo Picca»-restoran (2016)
Р. Вага, ж-д мост, вид с автомобильного моста - panoramio.jpg

Raudtesildan nägu avtotesildaspäi Vag-joges päliči, 2005
Päraudtestancijan sauvuz vl 2010

Homaičendad

Irdkosketused

	Arhangel'skan agjan lidnad
	Arhangel'sk \| Kargopol' \| Koräžm \| Kotlas \| Mezen' \| Mirnii \| Nar'jan Mar \| Novodvinsk \| Nändom \| Oneg \| Severodvinsk \| Sol'vičegodsk \| Šenkursk \| Vel'sk

[_46056e228bbd5108-1] ttp://www.gks.ru/free_doc/2016/oktmo/tom2_oktmo.rar

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Vel'skan maižandusen tehnikuman sait (vst29.ru). (ven.)

[4] Vel'skan industrialiž-ekonomižen kolledžan sait (виэк.рус). (ven.)

[1]

[2]

[3]

[4]