Novodvinsk

Novodvinsk
Novodvinsk
Флаг[d]	Герб
	64°25′00″ с. ш. 40°49′00″ в. д.GЯO
Valdkund	Venäma;
Istorii da geografii
Tegemižen päiv	1936
Высота	20
Aigvö	UTC+3[d]
Eläjad
Eläjad	▼33 294 чел. (2021);
Lugud
Telefonan kod	81852
Počtan indeksad	164900, 164901, 164902 da 164903
	Mediafailad RUWIKI-tedoiš

Novodvinsk (ven.: Новодви́нск) om Venäman lidn da lidnümbrik Arhangel'skan agjan pohjoižes, Arhangel'skan suvine ezilidn.

Istorii

Vspäi 1924 penen «Rusked Zor'a»-kommunan aluz oli pandud rahvahatomha sijha Pohjoižen Dvinan Mečka-Polai-hijaman randal. Vl 1935 zavottihe sauda sul'fit-cellülozišt kombinatad necil sijal i nimitihe sauvomišt Arhbumstroi:aks.

Nügüdläižen eländpunktan aluz om pandud vl 1936 sauvojiden žiloks kombinatanno, kävutihe türmatud-ki mehiden radod. Žilo sai oficiališt statusad vl 1941 kuti Vorošilovskii-radnikžilo, sikš miše kombinat oli jo nimitadud Vorošilovan kanzannimel. Vl 1957 udesnimitihe sidä Pervomaiskii-žiloks, mülüi Arhangel'sk-lidnan Isakogorkan rajonha. Lidnanvuitte žilo sai lidnan statusad vn 1977 24. päiväl kül'mkud, nimitihe nügüdläižikš, se kändihe lidnaks agjan alištusenke.

Arhangel'skan cellülozbumagaine kombinat om järed lidnan edheotand. Sen ližaks, raudbetontegesiden tegim i Arhangel'skan fanerkombinat ratas Novodvinskas.

Geografijan andmused

Lidn sijadase Pohjoižen Dvinan hural randal, 20 m ü.m.t. keskmäižel korktusel, kümnes kilometras päivnouzmha M8-avtotespäi. Matkad Arhangel'skan keskushesai om 20 km pohjoižhe orhal vai 27 km avtotedme, röunhasai — üks' kilometr jogedme lodeheze.

Pavlovo-külä (ristitišton lugu om tundmatoi) mülüb lidnümbrikho Novodvinskan ližaks.

Eläjad

Vn 2010 Venäman rahvahanlugemižen mödhe lidnan eläjiden lugu oli 40 615 ristitud. Kaik 38 735 eläjad oli lidnas vl 2017. Kaikiš suremb ristitišt oli 49..50 tuhad eläjid vozil 1986−1995.

Ortodoksižen hristanuskondan koume jumalanpertid^[2] oma avaitud lidnas.

Novodvinskan industrialine tehnikum^[3] om lidnan professionaližen opendusen aluzkundaks.

Transport

Avtobusad da taksid oma kundaližeks transportaks lidnas, ned-žo ühtenzoittas lidnad lähižidenke eländpunktoidenke, niiden kesken Severodvinskanke.

Lähembaine Isakogork-raudtestancii sijadase ühesas kilometras päivlaskmha.

Galerei

Novodvinsk IntercessionChurch 008 9134.jpg

Jumalanmaman Katken puine pühäpert' (2019, om saudud vl 1995)
Arhangel'skan cellülozbumagaine kombinat, vn 2009 nägu
Novodvinsk HolySpiritChurch 008 9105.jpg

Pühän hengen tulendan jumalanpert' (2019, om saudud vl 2006)
Banner Novodvinsk 009 0225.jpg

Lidnan ühthine nägu Pohjoižen Dvinan vastrandaspäi (2019)

Homaičendad

Irdkosketused

Lidnan tobmuden aluzkundoiden informacine portal (novadmin.ru). (ven.)

	Arhangel'skan agjan lidnad
	Arhangel'sk \| Kargopol' \| Koräžm \| Kotlas \| Mezen' \| Mirnii \| Nar'jan Mar \| Novodvinsk \| Nändom \| Oneg \| Severodvinsk \| Sol'vičegodsk \| Šenkursk \| Vel'sk

[_46056e228bbd5108-1] ttp://www.gks.ru/free_doc/2016/oktmo/tom2_oktmo.rar

[2] Novodvinskan pühäpertid sobory.ru-saital. (ven.)

[3] Novodvinskan industrialižen tehnikuman sait (novindteh.ru). (ven.)

[1]

[2]

[3]