Gräzovecan rajon

Gräzovecan rajon
Грязовецкий район
Znam;	Flag;
Valdkund	Venäma
Administrativine keskuz	Gräzovec
Eläjiden lugu (2015)	33,580 ristitud
Pind	5,029 km²
	Gräzovecan rajon Грязовецкий район

Gräzovecan rajon (rajon Vologdan agjas.

Administrativine keskuz om Gräzovec-lidn.

Istorii

Rajonan aluz om pandud vl 1929 heinkun 15. päiväl Pohjoižen randan Vologdan ümbrikos. Vl 1930 heinkun 30. päiväl heitihe ümbrikod, i vhesai 1936 rajon mülüi Pohjoižhe randha kuti administrativine ühtnik, sid' vozil 1936−1937 — Pohjoižhe agjaha. Vs 1937 sügüz'kun 23. päiväspäi mülüb Vologdan agjaha. Rajon om olmas nügüdläižiš röunoiš vspäi 2006.

Geografijan andmused

Gräzovecan rajon om Vologdan agjan suvine taho. Pind — 5 029 km². Sen piduz pohjoižespäi suvhe — 70 km, päivlaskmaspäi päivnouzmha — 150 km. Mec otab territorijan koume nelländest (3723 nellikkilometrad).

Om röunoid 7 Venäman rajonanke:

suvipäivnouzmas Soligaličun da Bujan rajonidenke;
suves Lübiman rajonanke;
suvipäivlaskmas Pervomaiskii-rajonanke;
päivlaskmas Pošehonjen rajonanke;
lodehes da pohjoižes Vologdan agjan Vologdan rajonanke;
pohjoižes da pohjoižpäivnouzmas Vologdan agjan Jogidenkeskeižen rajonanke.

Znamasižed joged oma Lež da Monz. Joged mülüdas Suhonan (Kaspijan meren) basseinoihe.

Londuseližed varad oma turbaz, sauvondmaterialad (letked, saved, gravii), mec.

Vs 2013 keväz'kun 7. päiväspäi rajonan territorii alajagase 7 municipaližhe ühtnikha: 2 lidnkundha da 5 küläkundha.

Tobmuz

Mihail Lupandin om rajonan pämez' vs 2003 tal'vkuspäi, hän-žo radab Sijaližen Suiman ezimehen vs 2009 keväz'kuspäi.

Käskusenandai tobmuz om rajonan parlament — Sijaline Suim (ven. Земское Собрание) 29 ühtnijanke. Sen aluz om pandud vl 1993 redukun 23. päiväl. Suim om ezmäine mugoine Venälaižes Federacijas, no jätktab edelrevolücišt tradicijad.

Vs 2009 semendkuspäi Andrei Kazunin om rajonan administracijan pämez'. 5 ohjandust alištudas rajonan administracijale.

Eläjad

Vn 2010 Venäman rahvahanlugemižen mödhe eläjiden lugu oli 36 820 ristitud.

Kaik om 511 eländpunktad rajonas, sidä kesken 1 lidn, 1 lidnanvuitte žilo, 16 muite žilod, 477 küläd, 7 raudtestancijad, 5 raudtesarakod da 4 futorad.

Toine sur' eländpunkt om lidnanvuitte Vohtog-žilo (5,8 tuh. rist. vl 2015).

Ižanduz

Rajonan ižandusen päsarakod oma mecan ümbriradmine, sauvondmaterialiden tehmine, raudte- da tor'vikveimtransport, maižanduz da sömtegimišt, omblendtegimišt da turizm.

Homaičendad

Irdkosketused