Larisa Lazutina

Рувики-späi
Hihtäi
Larisa Lazutina
Лазутина Лариса Евгеньевна.jpg
Personaližed tedod
Pol naine
Täuz' nimi Larisa Jevgenjevna Lazutina
Rahvahuz'
Sündundpäiv 1. kezakud 1965(1965-06-01) (61 год)
Sündundsija
Kazv 167 sm
Hibjan jugu 57 kg
Karjera
Sportjoukus 1984—2002
Status lopi sportvoibud
Karjeran lop 2002
Medalid
Olimpikvändod
Kuld Al'bervil'l' 1992 voz' estafet 4×5 km
Kuld Lillehammer 1994 voz' estafet 4×5 km]]
Hobed Nagano 1998 voz' 15 km
Kuld Nagano 1998 voz' 5 km
Kuld Nagano 1998 voz' преследование 5+10 km]]
Kuld Nagano 1998 voz' estafet 4×5 km]]
Bronz Nagano 1998 voz' 30 km]]
Mail'man čempionat
Kuld Oberstdorf 1987 voz' estafet 4×5 km
Bronz Obersdorf 1987 voz' 20 km
Kuld Falun 1993 voz' 5 km
Hobed Falun 1993 voz' sabustuz 5+10 km
Kuld Falun 1993 voz' estafet 4×5 km
Kuld Tander Bei 1995 voz']] 5 km
Kuld Tander Bei 1995 voz' sabustuz 5+10 km
Kuld Tander Bei 1995 voz' 15 km
Kuld Tander Bei 1995 voz' estafet 4×5 km
Kuld Tronheim 1997 voz' estafet 4×5 km
Kuld Ramzau 1999 voz' 30 km
Kuld Ramzau 1999 voz' estafet 4×5 km
Bronz Lahti 2001 voz' 10 km
Kuld Lahti 2001 voz' estafet 4×5 km
Valdkundaližed pauklahjad
Satused
Olimpikvändod  7 (Gold medal icon.svg x 5 + Silver medal icon.svg x 1 + Bronze medal icon.svg x 1)
Mail'man čempionat 14 (Gold medal icon.svg x 11 + Silver medal icon.svg x 1 + Bronze medal icon.svg x 2)
Mail'man Kubok
Eziozutez Mail'man Kubkal 24. keväz'kud vodel 1984
Vägestused Mail'man Kubkal 21
Parahim sija Mail'man Kubkal 1 (1989/1990), (1997/1998)

Larisa Jevgenjevna Lazutina (ven.: Лари́са Евге́ньевна Лазу́тина) (nimi sündundan aigan Pticina; sündui 1. kezakud vodel 1965, Kondopogas, SSSR — sovetskii da venälaine hihtäi, vižkerdaine olimpidan čempionka, äikerdaine mail'man čempionka. Kaks'kerdaine Mail'man Kubkan omištai. Venäman Geroi (1998). Sovetskijan Sojuzan arvostadud sportmastar' (1987), Venäman arvostadud sportmastar' (1994). Vodelpäi 2003 om politikmez'.

Elostarin

Vodel 1972 mäni opendamhas kondopogan kesk'školaha № 1. Lopi školan da päzui opendamhas Habarovskan likundan institutaha, kudamban lopi harjoitai-opendajan. Völ openzihe Karjalan valdkundaližes opendajiden institutas likundan tedokundal.

Zavodi sportata suksil, konz hänele oli 11 vot kondopogan D’USŠ lapsiden sportškolas (ezmäižed harjotelijad oma L. V. Mel’nikova, L. V. Jakovleva, Ju. A. Jakovlev). Üläopenikan aigan sai ezmäižed sured sabutused. Vodel 1984 ühtni Sovetskijan Sojuzan suksen hihtämižen sportjoukuhu. Harjoitajan oli Nikolai Lopuhov[1].

Vozil 1983—1984 ezmäižen kerdan ühtni aigvoččehe Mail’man Kubok-voibištelendaha. 24. keväz’kud vodel 1984 Murmansk-lidnas hän ühtni suksen klassikhihtämižehe, sai 15 sijan da ezmäižed kubkan čokimed. Mail’man Kubkan lugetišes sai 49 sijan.

Vozil 1984—1985 tegihe junioroiden mail’man čempionkaks. Sportjoukus sai kuldmedalin estafetas, miččen piduz' om 3х5 km.

Vozil 1985—1986 Pticina ühtni aidvoččehe Mail’man Kubkaha da satusiden mödhe sai 25 sijan.

Ezmäižen kerdan ühtni germanian Obersdorf-lidnan mail’man čempionataha da tegihe estafetan čempionkaks. Necen čempionatan aigan hän sai bronzmedalin joudaistilin suksen hihtämižes (20 km). Vodel 1987 läksi mehele Gennadii Lazutinan taga da zavodi sportata Lazutina-nimel.

Vozil 1988—1989 Mail'man Kubkan lugetišes oli 5 sijal. Suomen Lahti-lidnan mail'man čempionatas sai hobedmedalin joudaistilin suksen hihtämižes (30 km), vaiše pästtes edehe Jelena V'al'bed.

Mail'man Kubkal vozil 1989—1990 Lazutina sai Suren Hrustaližen manšarun. Vägesti ezmäižes personaližes Mail'man Kubkan voibištelendas. 15. tal'vkud vodel 1989 vägesti kanadan Tander-Bei-lidnas suks'voibištelendan 15 km klassikstiliš. Sidä voz'aigal völ kuz' kerdad oli aluižel personaližiš voibištelendoiš (kerdan oli toine da viž kerdad koumanz').

Vozil 1990—1991 hän ei ühtnend sportvoibištelendoihe sikš, miše tegi Alisa-tütren.

Vozil 1991—1992 ühtni olimpikvändoihe Al'bervil'l'-lidnas. Tegihe etafetan olimpikčempionkaks (joksi 3 joudaistilin etapan). Mail'man Kubkan lugetišes sai 11 sijan.

Mail'man Kubok-voibištelendan vozil 1992—1993 lopi 4 sijal. Švecian Falun-lidnan mail'man čempionatal tegihe kaks'kerdaižeks čempionkaks (vägesti estafetas videhe kilommetraha klassiketapal) da sai hobedmedalin hihtämižes kümnendehe kilometraha štargstilil, vaiše finišal händast da L'ubov' Jegoravad vägesti italialaine Stefania Bel'mondo.

Vozil 1993—1994 jatksi ozutada hüvid satusid, lopi voden videndel sijal ühthižes lugetišes. Mail'man Kubkan etapoil hän vägesti kaks' kerdad (ühten kerdan estafetas) da kaks' kerdad sai toižen sijan (kerdan estafetas). Ühtneb Olimpiadaha norjan Lillehammer-lidnas, kus toižen kerdan karjeras sab estafetan kuldmedalin (joksi klassikstilin 2 etapan). Kut i Al'bervilles necen Olimpiadan aigan vägesti L'ubov' Jegorova, kudamb sai koume kuldmedalid.

Vozil 1994—1995 oli parahim Lazutinan karjeran täht. Mail'man Kubkan etapoil hän kerdan oli personaline vägestai da nel'l' kerdad vägesti estafetan joukus. Kanadan Tander-Bei-lidnan mail'man čempionatal sai 4 kuldmedalid videspäi, miččed oliba čempionatal (vägesti estafetas, personaližes klassikhihtämižes videhe kilometraha, kümnendehe kilometraha joudaistilil da videhetoštkümnendehe kilometraha klassikstilil). Vaiše hihtämižes koumekümnehe kilometraha, kus vägestajan oli Jelena V'al'be, Larisa Lazutina ei voin sada medalid. Voden lopi koumandel sijal ühthižes lugetišes.

Vozil 1995—1996 püzui koumandel sijal mail'man Kubkan ühthižes lugetišes. Vägesti viž voibištelendad (nel'l' estafetan joukus) da völ viž kerdad oli pjedestalal.

Mail'man Kubkal vozil 1996—1997 vägesti kaks' estafetan voibištelendad da völ koume kerdad sai toižen sijan (kaks' kerdad estafetas). Lopkvalifikacijas oli kahesanden, sprintas — kümnenden, sportmakkas — kudenden. Norjan Tronheim-lidnan mail'man čempionatal tegihe estafetan joukun nčempionkaks.

Vodem 1996—1997 oficiališti sanui miše lopib sportan karjerad. No Venäman suksen hihtämižen Federacii uskotoiti händast jatkta sportata. Hänele tuli uz' ven.: «Роснефть-Сахалинморнефтегаз»-rahoitajan abu, i Lazutina zavodi ičevaumičusen[2][3].

Vozil 1997—1998 jäl'ges sidä, kut läksi Jelena V'al'be, Lazutina sai toižen karjeras Sur' Hrustaline manšar-pauklahjan, sportmatkan laduiš sai Penen Hrustaližen manšarun, a sprintas oli toižel sijal jäl'ges norjan Bente Martinsen taga. Kuz' kerdad Mail'man Kubok-čempionatal oli ezmäine da völ viž kerdad oli libunu pjedestalale. Nagano-lidnan Olimpikvändoil kaikiš vides voibištelendas sai medalid. Sai koume kuldmedalid — suksen klassikhihtämižes videhe kilometraha, štarghihtämižes kümnendehe kilometraha da völ estafetas 4х5 km (joksi nelländel etapal). Sai hobedmedalin klassikhihtämižes 15 кilometraha da bronzmedalin 30 km joudaihihtämižes.

Mail'man Kubkan aigan vozil 1998—1999 vägesti nel'l' kerdad (kaks' kerdad estafetas), oli koumanden personaližes voibištelendas. Avstrian Ramzau-lidnan mail'man čempionatal sai kaks' kuldmedalid. Necen sportvoden lopi videndel sijal ühthižes lugetišes, koumandel — sportmatkan laduiš, kudendel — sprintas.

Mail'man Kubkal vodel 1999—2000 vägesti 4 kerdad personaližes voibištelendas da völ viž kerdad oli pjedestalal. Vodel lopikoumandel sijal ühthižes lugetišes, sai Penen Hrustaližen manšarun.

Mail'man kubkal vozil 2000—2001 35-vozne hihtäi sai koumanden sijan. Vägesti koume etapad (kerdan estafetan joukus). Lahti-lidnan mail'man čempionatal sai koume erazvuittušt medalid (kuldmedalin, hobedmedalin da bronzmedalin).

Lazutinan Mail'man Kubok-voibištelendan suksen hihtämižen karjeras om 21 vägestust da 62 podiumad. Kaks' vot hän oli vägevamb man hihtäi-statusas. Hän om äikerdaine mail'man da olimpiadan čempionka.

Diskvalifikacii

Olimpine voz'aig vodel 2002 tegihe lopuližeks da ühten aigan ridaližen hihtäjan täht. Hän tarkas vaumičihe Solt-Leik-Sitin Olimpiadvändoihe da niiden startaigan oli hüväs sportformas. Voibištelendoiden startal hän sai kaks' hobedašt medali. No, jäl'ges jügedad klassikmarafonad 30 km, miččes hän sai kuldaižen medalin, händast homaičiba darbepoetinan küvutandas — nece om eritropoetinan rod. Rahvahidenkeskeine olimpiadkomitet (MOK) oti Lazutinal kuldaižen medalin. Rahvahidenkeskeižen sportarbitražnijan sudan käskon mmödhe hän oli heittud Vändoišpäi kahtele vodele[4] (kut i toine neniden Vändoiden venälaine čempionka Ol'ga Danilova). 29. kezakud vodel 2003 Rahvahidenkeskeine olimpiadkomitet (MOK) keraduses Praga-lidnas päti diskvalificiruida da annuliruida kaik Lazutinan sportsatused rahvahidenkeskeižiš voibištelendoiš jäl'ges tal'vkud vodel 2001.

Jäl'geline rad

Vodel 2002 om anttud arvnimi — Venäman armijan major.

Vozil 2003—2007 da 2007—2011 oli valitud Moskvan lidnalaižen Duman deputataks, radoi Moskvan lidnalaižen Duman opendusen, kul'turan, sportan, norišton azjoiden da turizman komitetan pämehen.

Oli likundan da sportan Nevondišton ühtnikan Venäman Prezidentanno.

Vodel 2011 om valitud deputataks Moskvan agjan Duman Odincovan röunan № 14 "Ühthine Venäma"-partijaspäi. Om Moskvan agjan Duman opendusen da kul'turan komitetan pämez'.

Ühthižel valičendan päiväl 18. sügüz'kud vodel 2016 udes om valitud Moskvan agjan Duman deputataks. Om Moskvan agjan duman ezmäine varapämez'.

Värituz plagiatas

Larisa Lazutina vodel 2007 hüvin lopi Venäman valdkundaližen služban akademijan Venäman Prezidentanno "oiktuz'tedo"-special'nostin mödhe da sai ekonomižen tedokandidatan stepenin. "Dissernet"-verksebran oppindoiden mödhe Lazutinan tedotö ühtes tagasanoidenke om plagiat[5].

Larisan Lazutinan mail'man Kubok (voz'aig 1989/90)

Ühthine kodvuzznam

Sija Sportmez' Čokimmär
1 Sovetskii Sojuz Larisa Lazutina 146
2 Sovetskii Sojuz Jelena V'al'be 137
3 Norvegii Trude D'ubendal' 136
4 Sovetskii Sojuz Svetlana Nageikina 134
5 Italii Manuela di Čenta 126

Larisan Lazutinan mail'man Kubok (voz'aig 1997/98)

Ühthine kodvuzznam

Sija Sportmez' Čokimmär
1 Venäma Larisa Lazutina 773
2 Norvegii Bente Martinsen 625
3 Italii Stefania Bel'mondo 544
4 Norvegii Anita Moen 462
5 Norvegii Marit Mikkel'splass 416

Sportmatk

Sija Sportmez' Čokimmär
1 Venäma Larisa Lazutina 293
2 Venäma Svetlana Nageikina
3 Italii Stefania Bel'mondo 208
4 Venäma Ol'ga Danilova 164
5 Venäma Jelena V'al'be 136

Sprint

Sija Sportmez' Čokimmär
1 Norvegii Bente Martinsen 525
2 Venäma Larisa Lazutina 480
3 Italii Stefania Bel'mondo 355
4 Norvegii Anita Moen 336
5 Norvegii Marit Mikkel'splass 281

Larisa Lazutinan mail'man Kubkan satused

Voz'aig Päkodvuzznam Sportmakan ladud Sprint
Очки Место Очки Место Очки Место
1983/84 6 49. - - - -
1984/85 - - - - - -
1985/86 12 25. - - - -
1986/87 46 13. - - - -
1987/88 - - - - - -
1988/89 89 5. - - - -
1989/90 146 1. - - - -
1990/91 - - - - - -
1991/92 45 11. - - - -
1992/93 519 4. - - - -
1993/94 458 5. - - - -
1994/95 785 3. - - - -
1995/96 732 3. - - - -
1996/97 366 8. 136 6. 130 10.
1997/98 773 1. 293 1. 480 2.
1998/99 648 5. 343 3. 305 6.
1999/2000 1008 3. 360
553		 1.
3.(kes'ksportmatkad)		 95 15.
2000/01 893 3. - - 103 15.
2001/02 44 54. - - - -

Pauklahjad

  • Venäman Geroi (27. uhokud vodel 1998) — parahimiš sabutusiš sportas, ozutadud XVIII tal'veližil Olimpiadvändoil rohktudes da geroizmas vodel 1998[6]
  • IV stepenin orden "Kodiman huväs rados" (5. kül'mkud vodel 2020) — sures panendas parlamentizman kehitoitusehe, aktivižes zakonkogomusen sädairados da äivoččes hüväs rados[7].
  • Arvostusen orden (3. uhokud vodel 2015) — aktivižes zakonkogomusen sädairados da äivoččes hüväs rados[8]
  • Rahvahiden sebruden orden (22. sulakud vodel 1994) — suriš sportsabutusiš XVII tal'veližil Olimpiadvändoil vodel 1994[9]
  • Karjalan likundan arvostadud radnik (1995)
  • Karjalan arvostadud eläi-nimi (1999)[10]
  • III stepenin eriznam "Moskvan agjan arvtegoiš" (15. tal'vkud vodel 2008)[11]
  • Orden "Sampo" (28. redukud vodel 2019, Karjala) — parahimiš arvtegoiš Karjalan da sen eläjiden kul'turas, taidehes, tedos, sportas, tervhuden kaičendas, valdkundaližen sauvondas da ekonomikan, social'no-kul'turižen, valdkundaližen, aktivistan rados[12]
  • Odincovo-lidnan arvostadud eläi (1999). Odincovo-lidnan arvostadud eläjiden käveluzkujol om pandud rindkuva.

Kanz

Uk — Gennadii Lazutin (sündui vodel 1966), ühtni suks'voibištelendoihe Olimpiadvändoil vodel 1994. Lapsed oma Alisa-tütär (sündui vodel 1991 vai 1992)[13], Daniil-poig (sündui vodel 2003) Piterin SKA-jämäčvändkluban sisteman tacindvändai[14].

6. sügüz'kud vodel 2002 Odincovo-lidnan 45 voden praznuičendan aigan avaitud jäl'ges kohendust suks'rollerine trassa mülüi Venäman Gerojan Larisa Lazutinan nimel sportlebaiduzpuištoho.

Homaičendad

  1. ↑ Николай Лопухов: прямая линия с читателями журнала «Лыжный спорт». Дата обращения: 15 sügüz'kud 2017. Архивировано 15 sügüz'kud 2017 года.
  2. ↑ Лариса Лазутина: у меня появился новый мощный спонсор. Дата обращения: 11 semendkud 2017. Архивировано 16 sügüz'kud 2017 года.
  3. ↑ «РОСНЕФТЬ» помогает Лазутиной. Дата обращения: 11 semendkud 2017. Архивировано 15 kezakud 2017 года.
  4. ↑ Дух против буквы. Как главная русофобка мирового спорта сокрушила МОК и стала олимпийской чемпионкой. Дата обращения: 7 vilukud 2020. Архивировано 7 sulakud 2022 года.
  5. ↑ Лазутина Лариса Евгеньевна. "УПРАВЛЕНЧЕСКИЙ УЧЕТ ЗАТРАТ НА ФУНКЦИОНИРОВАНИЕ И РАЗВИТИЕ ВУЗОВ" Архивная копия от 10 heinkud 2016 на Wayback Machine // Диссернет
  6. ↑ Указ Президента Российской Федерации от 27 февраля 1998 года № 206 "О награждении государственными наградами Российской Федерации спортсменов, тренеров, работников физической культуры и спорта по итогам XVIII зимних Олимпийских игр 1998 года" (недоступная ссылка)
  7. ↑ Указ Президента Российской Федерации от 05.11.2020 № 675 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Дата обращения: 5 kül'mkud 2020. Архивировано 7 sulakud 2022 года.
  8. ↑ Указ Президента Российской Федерации от 03.02.2015 № 48 «О награждении государственными наградами Российской Федерации». Дата обращения: 4 uhokud 2015. Архивировано 4 uhokud 2015 года.
  9. ↑ Указ Президента Российской Федерации от 22 апреля 1994 года № 808 «О награждении государственными наградами Российской Федерации спортсменов, тренеров, работников физической культуры и спорта Российской Федерации по итогам XVII зимних Олимпийских игр 1994 года». Дата обращения: 4 sulakud 2013. Архивировано из оригинала 4 sügüz'kud 2014 года.
  10. ↑ Лучшим людям Карелии. Дата обращения: 10 vilukud 2010. Архивировано из оригинала 4 keväz'kud 2016 года.
  11. ↑ Постановление губернатора Московской области от 15 декабря 2008 года № 170-ПГ «О награждении наградами Московской области». Дата обращения: 12 tal'vkud 2018. Архивировано 7 sulakud 2022 года.
  12. ↑ Указ Главы Республики Карелия от 28.10.2019 № 66 "О награждении государственными наградами Республики Карелия" Архивная копия от 4 semendkud 2021 на Wayback Machine (Дата обращения: 30 redukud 2019)
  13. ↑ Туманов С. Лариса Лазутина: «Не судачьте о том, что у меня все в прошлом» // Спортивная панорама. — 1998. — 16 sulakud (№ 58). — С. 3.
  14. ↑ Кто из россиян будет на драфте НХЛ—2021. За ними уже следят в Америке. Дата обращения: 12 redukud 2020. Архивировано 14 redukud 2020 года.

Literatur

  • Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: ИД "ПетроПресс", 2009. С. 134—464 с.: ил., карт. ISBN 978-5-8430-0125-4 (т. 2)
  • Симонов А. А., Чудинова С. В. Женщины — Герои Советского Союза и России. — Москва: Фонд «Русские Витязи», Музей техники Вадима Задорожного, 2017. — С. 300—301. — 352 с. — ISBN 9785990960701.

Tarkendused

Om sadud "https://vep.ruwiki.ru/w/index.php?title=Larisa_Lazutina&oldid=509659"