Andrei Paškov

Эта статья входит в число добротных статей
Рувики-späi
Andrei Nikitovič Paškov
Андрей Никитович Пашков.jpg
Sündundpäiv 27. elokud 1910(1910-08-27)
Sündund sija Jendoguba-külä, Sorokskan volost', Kemin ujezd, Arhangel'skan gubernii[1], Venäman imperii
Kolendpäiv 27. vilukud 1945(1945-01-27) (34 vot)
Kolend sija Pol'ša
Rahvahuz’  SSSR
Voiskiden sugu tankvoiskad
Služban voded 1932—1945
Služban nimi Polkovnik
Ohjanzi 32. eriline gvardijan murdandan tankanpolk,
220. tankbrigad
Torad/voinad Sovetsko-suomalaine voin (1939—1940)
Sur' Kodiman voin
Pauklahjad da premijad
Sovetskijan Sojuzan Geroi
Leninan orden SU Order of the Red Banner ribbon.svg SU Order of the Red Banner ribbon.svg Kodiman voinan I stepenin orden
Rusttan Tähthaižen orden Medal' «Voin arvtegoiš» Medal' "Leningradan polestuses"

Andrei Nikitovič Paškov (ven.: Андрей Никитович Пашко́в, 27. elokud 1910 — 27. vilukud 1945) — sovetskii oficer-tankist, Sovetsko-suomalaižen voinan (1939—1940) da Suren Kodiman voinan ühtnik. Sovetskijan Sojuzan Geroi.

Suren Kodiman voinan aigan — 220. tankbrigadan komandir, Rusttan Armijan polkovnik. Ozuti ičtaze vilukus vodel 1945 Vislo-Oderskan operacijan aigan.

Elostarin

Aigaližed voded

Om sündunu 27. elokud vodel 1910 Jendoguba-küläs, nügüdläižes Belomorskan agjas Karjalas gol'l'an maorjan kanzas[2].

Vodel 1924 putui komsomolaha, oli valitud mecpil'dudzavodan komsomolorganizacijan sekretarikš[2]. Vodelpäi 1925 vodhesai 1928 openzihe Mecpil'dudzavodan Fabrik-zavodan openikoiden školas Soroki-küläs (nügüd' Belomorsk-lidn), konz lopi sen, radoi brakovščikan Sorokskan mecpil'dudzavodal[2].

Vodel 1929 putui VKP(b)-organizacijaha. Vodel 1930 oli valitud Sorokskan raikoman komsomolan sekretarikš[2].

Voinslužb

Jäl'ghe opendust radfabrikal Leningradas vodel 1932 oli kuctud Rad-maorjan Rusttaha Armijaha Belomorskan raivojenkomatal da oli oigetud Saratovan tankškolha, konz lopi sen vodel 1933 služi tankčastiš Leningradan voinümbruses[2].

Vodel 1939 lopi Voinakademijan М. V. Frunzen nimel[2].

Sovetsko-suomalaine da Sur' Kodiman voinad

Oldes kapitanan ühtni sovetsko-suomalaižehe voinaha[2].

Kezakuspäi vodelpäi 1941 kapitan А. N. Paškov ühtni vointoroihe Suren Kodiman voinan frontoil, voinan augotišes oli Rigas, kus miččen-se aigan oli 12. mehaniziruitud korpusan 28. tankdivizijan štaban pämehen[3]. Ühtni varjoičendtoroihe Öbokan frontal š'aul'ajan da Novgorodan al[2]. Iče ühtni kudehe tanktoraha. Rohktoiš azjtegoiš voinan augotišes oli pauklahjoitud Rusttan Znamenin ordenal (25. heinkud vodel 1941)[3]. 18. elokud oli jügedas ranitud[4].

Redukus-kül'mkus vodel 1941 ühtni Tihvinan vointoraha[2]. Om pandud 7. gvardijan jügedan tankbrigadan komandiran varapämeheks[5].

Vilukus vodel 1943 gvardijan polkovnik A. N. Paškov ohjanzi 32. eriližel gvardijan murdandan tankpolkal, ühtni Leningradan blokadan murdandaha Šlissel'burgan rajonas[2]. Hänen polk ühtes 327. ambunddevizijan častidenke oti valdha ühten kaikiš vahvoišpäi vihanikoiden varjoičendsijoišpäi — "Kruglaja" - saren. Kacmata jügedaha kontuzijaha jäi henghe da jatksi vedäda vointorad. Leningradan blokadan murdandas А. N. Paškov oli pauklahjoitud Kodiman voinan I stepenin ordenal (17. keväz'kud vodel 1943), 327. ambunddevizii om vajehtadud 64. gvardijan ambunddevizijaks[6].

Oldes kuverdad-se aigad Leningradan frontal komandir A. N. Paškov ohjanzi 59. armijan bronetankan da mehaniziruitud voiskil, kezakus vodel 1944 oli pandud 220. Gatčinan Rusttanznamenin tankbrigadan komandiraks. Konz vihanik läksi Karjalan perešeikaspäi da Viborg oli pästtud, hänen brigad oli sirttud Pol'šaha, kus mülüškanzi 5. udarnijaha armijaha[2].

Vilukun augotišes vodel 1945 brigad mäni päliči Visla-joges suvemba Varšavad, da ühtes toižiden pehotan da artillerijan ühtištusidenke (94. gvardijan ambunddivizii, 396. gvardijan jüged ičemänii artillerijan polk, 92. inžener-tankan polk[4]) sille pidi murta vihanikan ezipirdad Magnuševskan placdarmal[2].

220. tankbrigadan komandir polkovnik A. N. Paškov mahtokahašti murzi vihanikan ezipirdad 14. vilukud vodel 1945 da mäni päliči Pilica-joges. 17. vilukud vodel 1945 brigad oti Skernevice-lidnad (Pol'ša) da pidi sen kuni ei tuldud ambundčastid[2] (oli vastustadud 8 kontratakad sutkas[4]). Pigai brigad oti Vongrovec-lidnad[2].

Brigadan nimer 300 komandiran tank, oldes vointoras, 27.01.45 aigal 14-40 oli amptud peitsijaspäi gaustgranatal. Puttes tankan pähä brigadan komandir oli amptud.

Om kirjutadud 28.1.1945[7].

27. vilukud vodel 1945 vihanikoiden sauvotusiden šturman aigan Erbarsdorf-lidnan kündusel brigadan komandir polkovnik A. N. Paškov oli ambtud, konz brigadan tankad putuiba peitsijale.

Om pandud maha Vongrovec-lidnan päavoinirdal[2].

Sovetskijan Sojuzan Ülembaižen Nevondišton Prezidiuman käsköl 6. sulakud vodel 1945 "mahtokahas tankbrigadan ohjandamižes, parahimas tehtud voinrados da rohktudes, geroizmas vointoroiš nemcoiden-fašistoiden vihanikoidenke" gvardijan polkovnikale Andrei Nikitovič Paškovale om anttud Sovetskijan Sojuzan Gerojan nimen[2].

Pauklahjad da arvnimed

Sovetskijad valdkundaližed pauklahjad da arvnimed[2]:

  • Sovetskijan Sojuzan Geroi (6. sulakud vodel 1945[4]);
  • Leninan orden (6. sulakud vodel 1945);
  • Rusttan Znamenin kaks' ordenad (25. heinkud vodel 1941[3], 25 апреля 1942[6]);
  • Kodiman voinan I stepenin orden (17. keväz'kud vodel 1943[6]);
  • Rusttan Tähthaižen orden (14. uhokud vodel 1944[8]);
  • medalid, siš lugus:
    • medal' "Voinsatusiš" (1944[4]);
    • medal' "Leningradan varjoičendas" (1942[4]).

Kanz

Внешние изображения
Фото семьи.

Naku minä olen udes fateras tihedas pedaižomas, panim süväs maha kaik tavarad. Nece om jäl'gmäine fater edel vointorad. Nügüd' minun päs om kaks' surt mel't: 1. Nece olet tö, minun kanz, kudambanke minä tahtoin vastatas i nikonz enamba ei erigoittas; 2. Nece vägestada vointoras da vähemba kadotada soldatoid.

Kirjeižespäi akale 4. vilukud vodel 1945[5].

Ak — Anna Grigorjevna Paškova (Peret'agina), eli Leningradas Povarskijas irdkujos[9]. Voinahasai openzihe Fabrik-zavodan sorokskijas školas, radoi meczavodal. Ühtes mužikanke jagoi Rusttan Armijan komandiran "sirttud" elon kaik jugedused[5].

Poig — Jevgenii, inžener-avomašinanvedäi[5]. А. N. Paškov kirjuti frontalpäi akale da poigale enamba kaht sadad kirješt[5].

Voinlekarin J.A. Noreikon muštlosiden mödhe, А. N. Paškov — "pen' kazvol, kambak mužik prostijan aktivižen modonke. Kaiken aigan om kapos mužik ordenoidenke, küzub ičelaiž da ühtesradinikoil, kova tabal, konz nece tariž, i ühtes kaikenke lebuaigal hänenke voib kebnäs pagišta."[10] Hänen voinsatusiš kaik kombatad — М. D. Kononov, V. А. Gnedin da V. G. Kabanov, kudambad mugažo tegihe Sovetskijan Sojuzan Gerojikš — ilonke-tozišti nimitiba А. N. Paškovad "bat'aks"[5]. Necil-žo aigal А. N. Paškov lujas läžui, hänel oli südäinkohtun rubikibu, no brigadas hänen läžundas niken ei tedand, a voinas nänel ei olen aigad konz tervehtoittas[10].

Mušt

Внешние изображения
Modkuva muštpachan galerejas Petroskoiš.
Pert' Jendoguba-küläs, kus sündui da kazvoi А. N. Paškov. (недоступная ссылка)

Belomorskas da Pol'šan Vongrovec-lidnas А. N. Paškovan muštoks om pandud muštpachad. Hänen nimi om anttud avoinirdale Vongrovec-lidnas Pol'šas (om udes nimitadud), mugažo irdale da lidnalaižele puištole Belomorskas. А. N. Paškovan modkuva om ripputadud Sovetskijan Sojuzan Gerojoiden galerejas, mitte oli avaitud vodel 1977 Petroskoiš Antikainenan da Rusttan irdoiden keskes[2].

Jendoguba-kodiküläs mugažo kaičihe pert', kus sündui da eli vodhesai 1925 Sovetskijan Sojuzan Geroi А. N. Paškov[11], om voin-istoriližen jäl'gestusen objekt Karjalas[12].

Homaičendad

  1. ↑ Nügüd' Belomorskan agj, Karjalan Valdkund.
  2. ↑ 1 2 3 4 5 6 7 8 9 10 11 12 13 14 15 16 17 18 Andrei Paškov. Сайт «Герои страны».
  3. ↑ 1 2 3 Наградной лист А. Н. Пашкова с представлением в ордену Красного Знамени в электронном банке документов «Подвиг народа» (архивные материалы ЦАМО. Ф. 33. Оп. 682523. Д. 1. Л. 175).
  4. ↑ 1 2 3 4 5 6 Наградной лист А. Н. Пашкова с представлением к званию Героя Советского Союза в электронном банке документов «Подвиг народа» (архивные материалы ЦАМО. Ф. 33. Оп. 793756. Д. 36. Л. 182).
  5. ↑ 1 2 3 4 5 6 Бацер И. М. Друзья комбрига / Кошкина, 2010.
  6. ↑ 1 2 3 Наградной лист А. Н. Пашкова с представлением в ордену Отечественной войны I степени в электронном банке документов «Подвиг народа» (архивные материалы ЦАМО. Ф. 33. Оп. 682526. Д. 616. Л. 17).
  7. ↑ Бацер И. М. В передовом отряде / Кошкина, 2010.
  8. ↑ Наградной лист А. Н. Пашкова с представлением в ордену Красной Звезды в электронном банке документов «Подвиг народа» (архивные материалы ЦАМО. Ф. 33. Оп. 686044. Д. 2857. Л. 23).
  9. ↑ Информация в электронном банке документов ОБД «Мемориал» (архивные материалы ЦАМО. Ф. 33. Оп. 11458. Д. 844)
  10. ↑ 1 2 Евгений Норейко. Наш комбриг / Кошкина, 2010.
  11. ↑ Ендогуба. Карелия. Туристский портал. Дата обращения: 16 sügüz'kud 2014.
  12. ↑ Объекты военно-исторического наследия на территории Республики Карелия, связанные с именами Героев Советского Союза. Объекты историко-культурного наследия Карелии. Дата обращения: 16 sügüz'kud 2014. Архивировано 23 uhokud 2020 года.

Literatur

  • Кликачев А. В огне сражений. [О Герое Советского Союза А. Н. Пашкове]. — Петрозаводск, Карел, кн. изд., 1962. — 84 с. с илл.
  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  • Бацер И. М. Пишу на броне: повесть о комбриге. Петрозаводск, 1979. — 245 с.
  • Герои земли советской. 2-е изд., испр., доп. Петрозаводск, 1968. — С. 216—240.
  • Героям Родины — слава! 3-е изд., испр., доп. Петрозаводск, 1985. — С. 274—275.
  • Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: ИД «ПетроПресс», 2009. С.352—464 с.: ил., карт. ISBN 978-5-8430-0125-4 (т. 2)
  • Пашков Андрей Никитич : библиодайджест / Сост. С. В. Кошкина. — Беломорск : Беломорская центральная районная библиотека, 2010. — 38 с. — (Моя малая Родина).

Tarkendused

✰ Nece kirjutez mülüb RUWIKIn venänkeližen erišton hüviden kirjutesiden lugetišehe.
Om sadud "https://vep.ruwiki.ru/w/index.php?title=Andrei_Paškov&oldid=513089"