Nikolai Varlamov

Рувики-späi
Nikolai Gavrilovič Varlamov
ВарламовН.Г.jpeg
Sündundpäiv 6. vilukud 1907(1907-01-06)
Sündund sija Sankt-Peterburg
Kolendpäiv 25. heinkud 1943(1943-07-25) (36 vot)
Kolend sija Segežan rajon, Karjal-Suomalaine SSR
Rahvahuz’  SSSR
Voiskiden sugu
Пехота
Služban voded 1929 — 1943
Služban nimi
Сержант
Torad/voinad Sur' Kodiman voin
Pauklahjad da premijad
Sovetskijan Sojuzan Geroi — 1943
Leninan orden — 1943

Nikolai Gavrilovič Varlamov ven.: Николай Гаврилович Варла́мов (1907 — 1943) — Rad-maorjan Rusttan Armijan seržant, Suren Kodiman voinan ühtnik, Sovetskijan Sojuzan Geroi (1943).

Elostarin

Nikolai Varlamov sündui 6. vilukud vodel 1907 Sankt-Peterburgas Putilovskian zavodradnikan Gavriila Kuz'miča Varlamovan äilapsižes kanzas. Kudespäi Varlamovoiden lapsišpäi Nikolai oli nelländen. Pigai Nikolajan sündundan jäl'ghe hänen tat, kudambad Venäman imperijan policii lugi «nadeimatomaks», Kanzanke tuli Petroskoihe, kus radoi Aleksandrovskian azegtegendaližel (nügüd' — Äniž-traktoran zavod) zavodal.

14-voččen, jäl'ges seičemevoččed školad, necel zavodal Nikolai Varlamov tegihe slesarin openikaks. Vozil 1929 — 1931 hän služi Rad-maorjan Rusttas Armijas, jäl'ges pörzihe zavodan radole [1].

Suren Kodiman voinan ezmäižil päivil Varlamov ühtes kahten vellenke ičetahtol mäniba Rad-maorjan Rusttaha Armijaha. Kuctud Petroskoin Zareckan rajonižen vojenkomatal 25. kezakud vodel 1941. Ezmäi vojui 71. ambunddivizijas, ühtni vointoroihe valdkundan röunaspäi Medvežjegorsk-lidnahasai, kus oli kovas randed sügüzel vodel 1941. Jäl'ges tervehtust Varlamov pörzihe frontale. Heikunnoks vodel 1943 seržant Nikolai Varlamov ohjanzi Karjalan frontan 26. armijan 27. ambunddivizijan 239. ambundpolkan 9. ambundrotan erištod. Sai tetabut vointoroiden aigan Karjalas[1].

25. heinkud vodel 1943 vointoroiš Onda-jogen päivnouzmrandan polel läz Kočkoma — Rugozero-ted, konz kaik vointoran voimused vägestada vastustajiden dzotad lopihe, Varlamov ičeze hibjal saupsi sen ambrazuran, mi abuti hänen erišton saldatoile otta ambundsijad [2]. Varlamovan tego abuti hänen rotale tehta satusekahan vointacindan da mureta vastustajan voinpunktad.

Nikolai Varlamov om pandud maha velliden kaumaha 59-den km Kočkoma — Rebolad-ted (А-137)[3]. Vodel 1976 hänen arvtegon tahole (12 km suvi-päivnouzman Onda-jogen polehe) oli pandud muštpacaz, no vodel 2006 vandalad vargstiba sidä. Jäl'ges pal'han muštpachan alandusele oli pandud kivistela muštkirjutesenke, gerojan modkuvanke da «Kuldaine Tähtaz»-medalin kuvanke[4].

SSSRan Ülembaižen Nevondišton prezidiuman käsköl 25. sügüz'kud vodel 1943 ”hüväs vointegendoiden tegemižes frontal nemcoiden vihanikoiden vasthapäi da rohktudes” seržant Nikolai Varlamov tegihe Sovetskijan Sojuzan Gerojaks jäl’ghe surmad. Mugažo om pauklahjoitud Leninan ordenal[1].

Kanz

Ak — Tatjana, tütär — Titkova Tamara Nikolajevna, vunuk — Ivanova Jelena Mihailovna, vunuk — Titkova Natalia Mihailovna, vunuk — Titkov Nikolai Mihailovič, pravunuk — Ivanov Andrei Stanislavovič, pravunuk — Ivanov Dmitrii Stanislavovič, pravunuk — Kan'gina Julia Nikolajevna.

Mušt

  • Vodel 1982 «Kivisine Bor»-küläs (Segežan rajon) Vigskovan vezielektrovägišton radnikoiden rahoile oli avaitud Nikolai Varlamovan muštpacaz (vestai Andrei Arhipov), vodel 2013 muštpacaz om todud Petroskoihe da sijatud irdal, mitte om nimitadud gerojan muštoks[5].
  • Modkuva N. G. Varlamova, kut toižed Karjalan 28 Sovetskijan Sojuzan Gerojiden kuvad, om pandud Sovetskijan Sojuzan Gerojiden Galerejaha, mitte om avaitud vodel 1977 Karjalan pälidnas Petroskoiš Antikainenan da Rusttan irdoiden rajonas.
  • Nimel N. G. Varlamova nimitiba kekskalalaivan № 4352, mitte om tehtud vozil 1970 Rostok-verfil (GDR).
  • Vodel 1958 Belomorsko-Änižen laivišton «Eksportmec-14»-laivan nimi oli vajehtadud «Nikolai Varlamov»-nimeks[6].

Homaičendad

  1. ↑ 1 2 3 Nikolai Varlamov. Сайт «Герои страны».
  2. ↑ Наградной лист в электронном банке документов «Подвиг народа» (архивные материалы ЦАМО. Ф. 33. Оп. 793756. Д. 8. Л. 428).
  3. ↑ Братская могила советских воинов на 59-м км шоссе Кочкома — Реболы. Дата обращения: 1 keväz'kud 2016. Архивировано 19 semendkud 2016 года.
  4. ↑ Место подвига Героя Советского Союза Н. Г. Варламова. Дата обращения: 3 keväz'kud 2016. Архивировано 7 keväz'kud 2016 года.
  5. ↑ В Петрозаводске открыт памятник Герою Советского Союза Николаю Варламову. Дата обращения: 4 heinkud 2013. Архивировано из оригинала 25 heinkud 2015 года.
  6. ↑ Газета «Водник Карелии». 1958. 21 мая

Literatur

  • Николай Варламов. — [Петрозаводск: Госиздат КФССР, 1944]. — 38, [2] с.: портр. (Герои Отечественной войны)
  • Кондратьев Ф. Г. В бою на Онде. [О Герое Советского Союза пехотинце Н. Г. Варламове]. — Петрозаводск, Карел, кн. изд., 1964. — 42 с. с илл. и портр.
  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Бессмертные подвиги / Составители Коваленко А. П., Сгибнев А. А. — М.: Воениздат, 1980. — 351 с. — ISBN ББК 63.3(2)722 ; УДК 9(С)27(092).
  • Герои земли советской / Редактор Карху Т. П.. — Петрозаводск: Карельское книжное издательство, 1968. — С. 83—96. — 367 с. — 20 000 экз.
  • Героям Родины — слава! — Петрозаводск: Карелия, 1985.
  • Мешкова Н. Обретение героя: [о Н. Варламове] // Притяжение подвига: Очерки. — Петрозаводск, 1988. — С. 7-16.
  • Завод и люди: События. Факты. Даты. Фотографии. Очерки. Стихи. Справочные материалы / Сост. В. А. Савельев. — Петрозаводск: «Карелия», 1991—136 с.: ил. — ISBN 5-7545-0546-9

Tarkendused

Om sadud "https://vep.ruwiki.ru/w/index.php?title=Nikolai_Varlamov&oldid=510639"