Mihail R'abov

Mihail Timifejevič R'abov
Sündundpäiv	5. kül'mkud 1914(1914-11-05)
Sündund sija	R'abovon külä, Oloncan gubernii, nügüd' Medvežjegorskan rajon Karjalan Valdkund
Kolendpäiv	7. kezakud 1995(1995-06-07) (80 vot)
Kolend sija	Smolensk, Venäma
Rahvahuz’	SSSR
Voiskiden sugu	voinaviacii
Služban voded	1937—1963
Služban nimi	polkovnik
Torad/voinad	Sur' Kodiman voin
Pauklahjad da premijad
Lebul	vodelpäi 1963

R'abovan kaum Vel'l'kaumištol Smolenskas

Mihail Timifejevič R'abov (ven.: Михаил Тимофеевич Ря́бов, 1914—1995) — Sovetskijan Armijan polkovnik, Suren Kodiman voinan ühtnik, Sovetskijan Sojuzan Geroi (1942).

Elostarin

Om sündunu 5. kül'mkud vodel 1914 R'abovon küläs (nügüd' Medvežjegorskan rajon Karjala) radkanzas. Aigoiš jäi tatata, mamoi kazvati händast.

Vodel 1931 lopi raudten seičemevoččen školan Petroskoiš da putui Raudten tehnikumha Pöud-lidnas. Lopi sen parahimiden arvznamoidenke, radoi paravozan mašinistan Lihoborad - stancijan depos Moskvan-okrugan raudtel.

Vodel 1937 oli kuctud službale Rad-maorjan Rusttaha Armijaha da oigetud opendamhas lendajiden da lendajiden kacijiden školha. Vodelpäi 1938 leitenant oli službal edahaižen bombardiraviacijan častiš Piterin voinümbruses. Vodel 1940 putui Sovetskijan Sojuzan Kommunistižehe partijaha (VKP(b)). Kanman Surt Kodiman voinad tegihe edahaižen tegemižen aviacijan polkan lendandmašinan šturmanaks.

kezakuspäi vodelpäi 1941 — Suren Kodiman voinan frontoil.

Voinan nelländel päiväl R'abovan lendim oli muretud vihanikoiden territorijan päl. Kaikes ekipažaspäi vaiše R'abob jäi henghe, hän astui mectehuzidme läz 400 kilometrad frontan pirdhasai.

Vodel 1942 lopi lendajiden da šturmanoiden Sovetskijan Sojuzan edahaižen tegemižen aviacijan korktan školan da pörzihe voinha. Ambui nemcoiden pozicijad Leningradan da Stalingradan al, Dancigad, Königsbergad da Berlinad.

Redukus vodel 1942 kapitan Mihail R'abov lendi 60 kerdad öl da ambui vihalikoiden süväs tilas voin-tegeližuden kompleksan objektoid, da 16 kerdad lendi da ambui vointehnikad da soldatoid läz frontan pirdad.

Sovetskijan Sojuzan Nevondišton Prezidiuman käsköl "Sovetskijan Sojuzan Gerojan arvnimen andmižen polhe Rusttan Armijan edahaižen tegemižen aviacijan pämehile" 31. tal'vkud vodel 1942 "parahimas voinrados frontal nemcoiden vihanikoiden vasthapäi da ozutadud rohktudes da geroizmas" sai Sovetskijan Sojuzan Gerojan arvnimen da Leninan ardenan da "Kuldaine Tähthaine"-medalin nomeranke 794.

Voinan aigan hän lendi 866 kerdad, oli läz 2500 časud il'mas.

Jäl'ghe voinad oli službal Sovetskijas Armijas.

Vodel 1963 polkovnik R'abov läksi lebule. Eli Smolensk-lidnas, radoi inžener-tehnižiden radnikoiden korktemban kvalifikacijan kursoiden varapämehen.

Koli 7. kezakud vodel 1995, om pandud maha Vel'l'kamištol Smolenskas.

Oli pauklahjoitudRusttan Znamenin, Aleksandr Nevskijan ordenoil, kahtel Kodiman voinan I stepenin ordenal, Rusttan Tähthaižen ordenal da medalil.

Mušt

• Mihail R'abovan modkuva, kut i kaiken 28 Sovetskijan Sojuzan Gerojan — Karjalan poigiden da tütriden modkuvad, ripputadas Sovetskijan Sojuzan Gerojoiden Gallerejas, mitte oli avaitud vodel 1977 Karjalan pälidnas Antikainenan da Rusttan irdoiden keskes.

Homaičendad

Literatur

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
• Герои земли советской. — Петрозаводск: Карельское изд., 1968.
• Героям Родины — слава! — Петрозаводск: Карелия, 1985.

Tarkendused

• Из наградного листа.