F'odor Šel'šakov

F'odor Afanasjevič Šel'šakov
Sündundpäiv	24. kezakud 1918(1918-06-24)
Sündund sija	Soročje-külä. Soročje Pöud, Oloncan gubernii
Kolendpäiv	11. elokud 1981(1981-08-11) (63 vot)
Kolend sija	Suojärv, Karjalan ASSR
Rahvahuz’	SSSR
Voiskiden sugu	pehotinec
Služban voded	1939—1945
Služban nimi	vanhemb leitenant
Torad/voinad	Sur' Kodiman voin
Pauklahjad da premijad
Lebul	vodelpäi 1945

F'odor Afanasjevič Šel'šakov (ven.: Фёдор Афана́сьевич Шельшако́в, 24. kezakud vodel 1918, Soročje Pöud-külä (nügüd' Pudožan rajon Karjala) — 11. elokud vodel 1981, Suojärv, Karjala) — Sovetskijan Sojuzan Geroi, 206. ambunddevizijan 722. ambundpolkan minom'otrotan komandir, vanhemb leitenant.

Elostarin

Oli sündunu maorjan kanzas, kus oli äi lapsid. Juriden mödhe - venänik. Tat radoi sepän. Jäl'ghe nell'ndest klassad augotižškolas, F'odor radoi kolhozas, sid' mecsplaval.

Oli kuctud Rusttaha armijaha vodel 1939 Karjalan ASSRan Pudožan raivojenkomatal. Služi ambundčastiš SSSRan päivlaskman röunal, Suren Kodiman voinan ühtnik.

F'odor Šel'šakov ühtni ezmäižehe vointoraha nemcoiden-vihanikoidenke kezakus vodel 1941 Vauged Pühäkodi-lidnan al (Ukrainal), kus oli jugedas ranitud da oigetud gospitalihe. Vointoran ühtnik Moskvan al, hüväs voinrados Jel'n'an, Tulan da malojaroslavcan al om pauklahjoitud Rusttan Tähthaižen ordenal da kahtel medalil "Rohktudes".

Vodel 1942 jäl'ghe opendust norembiden leitenantoiden kursoil F'odor Šel'šakov tegihe oficeraks-minom'otčikaks. Kezal vodel 1943 vanhemb leitenant F'odor Šel'šakov - 722. ambundpolkan minom'otrotan komandir (206. ambunddevizii, 21. ambundkorpus, 47. armii, Voronežan front).

Lujas ozuti ičtaze vointoras Dnepral. 25. sügüz'kud vodel 1943 Pekarid-külänno (Čerkassan agj) üks' ezmäižišpäi vihanikan ambundan al vedi ičeze rotad Dnepra-jogen päivlaskman randale. Placdarmal heiti erased vihanikoiden tulendad, hänen rota tegi kaiken, miše Dnepr-joges päliči voiži tulda toižed polkan erištod. Urohtegos vointoras Dnepr-jogel vanhembale leitenantale F'odor Šel'šakovale 3. kezakud vodel 1944 oli anttud Sovetskijan Sojuzan Gerojan nimi.

Jäl'ghe voinad eli Suojärv-lidnas, radoi sauvotuzorganizacijoiš, DOSAAFan rajonkomitetas.

Om pandud maha Suojärves.

Mušt

• Pertin seinäl Suojärv-lidnas, kus eli Geroi, om ripputadud muštlaud.
• F. А. Šel'šakovan nimi om anttud Suojärv-lidnan ühtele keskuzirdale, mugažo irdale Pudožas.
• Gerojan modkuva da nimi om vesttud Sovetskijan Sojuzan Gerojoiden galerejas, kus oma ned, ked oma sündnuded Karjalas Petroskoiš.
• Muštlaud F'odor Šel'šakovan muštoks om ripputadud Venälaižen voin-istoriližen sebran abul Karševskijan keskškolan seinäle Pudožan rajonas, kus hän openzihe.

Homaičendad

Literatur

• Игумнов А. Героическая переправа. [О боевом пути Ф. А. Шельшакова]. — Петрозаводск, Госиздат КАССР, 1960. — 32 с.
• Герои земли советской. — Петрозаводск: Карельское книжное издательство, 1968. — С. 351—365. — 367 с. — 20 000 экз.

Tarkendused

• F'odor Šel'šakov  (рус.). Сайт «Герои страны».
• Из наградного листа Архивная копия от 6 semendkud 2016 на Wayback Machine.
• Могила Героя Советского Союза Ф. А. Шельшакова Архивная копия от 7 keväz'kud 2016 на Wayback Machine.